وزیر اعظم جناب نریندر مودی کی صدارت میں اقتصادی امور کی کابینہ کمیٹی نے بہار میں بختیار پور-راجگیر-تلیا سنگل ریلوے لائن سیکشن (104 کلومیٹر) کو دوہرا کرنے کی منظوری دے دی ہے ، جس کی  کل لاگت تقریباً 2192 کروڑ روپے ہے۔

ریاست بہار کے چار اضلاع کا احاطہ کرنے والے اس پروجیکٹ سے ہندوستانی ریلوے کے موجودہ نیٹ ورک میں تقریبا 104 کلومیٹر کا اضافہ ہوگا ۔

پروجیکٹ سیکشن راجگیر (شانتی استوپا) نالندہ ، پاواپوری وغیرہ جیسے نمایاں مقامات کو ریل رابطہ بھی فراہم کرتا ہے  جو ملک بھر سے زائرین اور سیاحوں کو اپنی طرف راغب کرتا ہے ۔

ملٹی ٹریکنگ پروجیکٹوں سے رابطے میں تقریباً 1434 گاؤں اور تقریباً 13.46 لاکھ آبادی اور دو امنگوں والے اضلاع (گیا اور نوادا)میں اضافہ ہوگا ۔

یہ کوئلہ ، سیمنٹ ، کلنکر ، فلائی ایش وغیرہ جیسی اشیاء کی نقل و حمل کے لیے ایک ضروری راستہ ہے ۔  صلاحیت بڑھانے کے کاموں کے نتیجے میں 26 ایم ٹی پی اے (ملین ٹن فی سال) کی اضافی مال برداری ہوگی  ریلوے ماحول دوست اور توانائی کے اعتبار سے مؤثر نقل و حمل کا ذریعہ ہونے کی وجہ سے آب و ہوا کے اہداف کو حاصل کرنے اور ملک کی لاجسٹک لاگت کو کم کرنے ، تیل کی درآمد کو کم کرنے (5 کروڑ لیٹر) اور کاربن ڈائی آکسائیڈ کے اخراج کو کم کرنے (24 کروڑ کلوگرام) جو  (ایک) کروڑ درخت لگانے کے برابر ہے، میں مدد ملے گی۔

لائن کی بڑھتی ہوئی صلاحیت نقل و حرکت کو بہتر بنائے گی ، جس سے ہندوستانی ریلوے کے لیے کارکردگی اور خدمات کی معتبریت میں اضافہ ہوگا ۔  ملٹی ٹریکنگ تجویز آپریشن کو آسان بنائے گی اور بھیڑ کو کم کرے گی ، جس سے ہندوستانی ریلوے کے مصروف ترین حصوں پر انتہائی مطلوبہ بنیادی ڈھانچے کی ترقی فراہم ہوگی ۔  یہ پروجیکٹ وزیر اعظم جناب نریندر مودی کے نئے ہندوستان کے وژن کے مطابق ہیں جو علاقے میں جامع ترقی کے ذریعے خطے کے لوگوں کو ‘‘آتم نربھر’’ بنائیں گے جس سے ان کے روزگار/خود روزگار کے مواقع میں اضافہ ہوگا ۔

ان پروجیکٹوں کی منصوبہ بندی پی ایم-گتی شکتی نیشنل ماسٹر پلان پر کی گئی ہے جس میں مربوط منصوبہ بندی اور اسٹیک ہولڈرز کی مشاورت کے ذریعے ملٹی ماڈل کنیکٹوٹی اور لاجسٹک کارکردگی کو بڑھانے پر توجہ دی گئی ہے ۔  یہ پروجیکٹ لوگوں ، اشیا اور خدمات کی نقل و حرکت کے لیے ہموار رابطہ فراہم کریں گے ۔

*******

ش ح ۔ا ک۔ رب

U- 6518