ಗೌರವಾನ್ವಿತ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರು ಜೂನ್ 2022-ಮೇ 2023 ಮತ್ತು ಜೂನ್ 2023-ಮೇ 2024 ರ ನಡುವೆ ಮಾಡಿದ ಆಯ್ದ ಭಾಷಣಗಳ ನಾಲ್ಕು ಮತ್ತು ಐದನೇ ಸಂಪುಟಗಳನ್ನು ಉಪರಾಷ್ಟ್ರಪತಿ ಶ್ರೀ ಸಿ.ಪಿ. ರಾಧಾಕೃಷ್ಣನ್ ಅವರು ಇಂದು ಬಿಡುಗಡೆ ಮಾಡಿದರು. 'ಸಬ್ಕಾ ಸಾಥ್, ಸಬ್ಕಾ ವಿಕಾಸ್, ಸಬ್ಕಾ ವಿಶ್ವಾಸ್, ಸಬ್ಕಾ ಪ್ರಯಾಸ್' ಎಂಬ ಶೀರ್ಷಿಕೆಯ ಈ ಸಂಪುಟಗಳನ್ನು ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಪ್ರಕಟಣೆ ವಿಭಾಗವು ಪ್ರಕಟಿಸಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಉಪರಾಷ್ಟ್ರಪತಿಯವರು, ಪ್ರಧಾನಮಂತ್ರಿ ಮೋದಿಯವರ ದೂರದೃಷ್ಟಿಯ ನಾಯಕತ್ವದಲ್ಲಿ, ಆತ್ಮನಿರ್ಭರ ಭಾರತದ ದೃಷ್ಟಿಕೋನವು ಭಾರತವನ್ನು ರಕ್ಷಣೆ, ಬಾಹ್ಯಾಕಾಶ, ಎಲೆಕ್ಟ್ರಾನಿಕ್ಸ್ ಮತ್ತು ಸಾಮಾಜಿಕ ಅಭಿವೃದ್ಧಿಯ ಇತರ ಹಲವು ಪ್ರಮುಖ ಕ್ಷೇತ್ರಗಳಲ್ಲಿ ಸ್ವಾವಲಂಬಿಯನ್ನಾಗಿ ಮಾಡಿದೆ ಎಂದು ಹೇಳಿದರು. ಬಲಿಷ್ಠ ರಾಷ್ಟ್ರವು ಶಕ್ತಿಯಿಂದ ಮಾತ್ರವಲ್ಲ, ವ್ಯಕ್ತಿತ್ವ ಮತ್ತು ಏಕತೆಯಿಂದ ಕೂಡ ನಿರ್ಮಾಣವಾಗುತ್ತದೆ ಎಂದು ಅವರು ಒತ್ತಿ ಹೇಳಿದರು.

ಮಾತೃಭಾಷೆಯಲ್ಲಿ ಗುಣಮಟ್ಟದ ಶಿಕ್ಷಣ, ಶುದ್ಧ ಕುಡಿಯುವ ನೀರು, ನೈರ್ಮಲ್ಯ, ಸುಲಭವಾಗಿ ಲಭ್ಯವಾಗುವ ಆರೋಗ್ಯ ಸೇವೆ, ಬಡತನ ನಿರ್ಮೂಲನೆ, ಶುದ್ಧ ಇಂಧನ ಮತ್ತು ಹವಾಮಾನ ಬದಲಾವಣೆ ತಗ್ಗಿಸುವಿಕೆ ಕ್ರಮಗಳು 140 ಕೋಟಿ ಭಾರತೀಯರ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಯನ್ನು ತರುವ ಪ್ರಬಲ ಸಾಧನಗಳಾಗಿವೆ ಎಂದು ಉಪರಾಷ್ಟ್ರಪತಿಯವರು ಒತ್ತಿ ಹೇಳಿದರು. ಕಳೆದ 11 ವರ್ಷಗಳಲ್ಲಿ ಕೈಗೊಂಡ ಅಭಿವೃದ್ಧಿ ಕ್ರಮಗಳು 25 ಕೋಟಿಗೂ ಹೆಚ್ಚು ಜನರು ಬಡತನದಿಂದ ಹೊರಬಂದು ಘನತೆಯ ಜೀವನವನ್ನು ನಡೆಸಲು ಅನುವು ಮಾಡಿಕೊಟ್ಟಿವೆ ಎಂದು ಅವರು ಹೇಳಿದರು. "ಮನೆಯಲ್ಲಿ ಶೌಚಾಲಯವನ್ನು ನಿರ್ಮಿಸಿದಾಗ, ಅದು ಮನೆಯ 'ಮನಸ್ಸಿಗೆ' ಘನತೆಯನ್ನು ತರುತ್ತದೆ" ಎಂದು ಅವರು ಹೇಳಿದರು. ಈ ಪ್ರಕಟಣೆಗಾಗಿ ಉಪರಾಷ್ಟ್ರಪತಿಯವರು ವಾರ್ತಾ ಮತ್ತು ಪ್ರಸಾರ ಸಚಿವಾಲಯ ಮತ್ತು ಅದರ ಪ್ರಕಟಣೆ ವಿಭಾಗದ ತಂಡವನ್ನು ಅಭಿನಂದಿಸಿದರು.

ಕೇಂದ್ರ ವಾರ್ತಾ ಮತ್ತು ಪ್ರಸಾರ, ರೈಲ್ವೆ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಶ್ರೀ ಅಶ್ವಿನಿ ವೈಷ್ಣವ್ ಮಾತನಾಡಿ, ಪ್ರಧಾನಮಂತ್ರಿ ಮೋದಿಯವರ ರಾಜಕೀಯದಲ್ಲಿ ಅವರ ನಿಸ್ವಾರ್ಥ ಸೇವೆಯು ಜನರ ಜೀವನದಲ್ಲಿ ಕ್ರಾಂತಿಕಾರಿ ಬದಲಾವಣೆಗಳನ್ನು ತಂದಿದೆ ಎಂದು ಹೇಳಿದರು. ಪ್ರಧಾನಮಂತ್ರಿಯವರು ರಾಜಕೀಯವನ್ನು ಜನರಿಗೆ ಸೇವೆ ಸಲ್ಲಿಸುವ ಮಾಧ್ಯಮವನ್ನಾಗಿ ಮಾಡಿದ್ದಾರೆ ಮತ್ತು ಆಡಳಿತದಲ್ಲಿ ಎಲ್ಲರನ್ನೂ ಒಳಗೊಳ್ಳುವ ವಿಧಾನದ ಮೂಲಕ ಪ್ರಮುಖ ಬದಲಾವಣೆಯನ್ನು ತಂದಿದ್ದಾರೆ ಎಂದು ಅವರು ಹೇಳಿದರು. ಸಮಾಜ, ಸೇವೆ ಮತ್ತು ರಾಷ್ಟ್ರವನ್ನು ಸ್ವಾರ್ಥಕ್ಕಿಂತ ಮೇಲೆ ಇರಿಸುವ ಪ್ರಧಾನ ಮಂತ್ರಿಯವರ ನಾಯಕತ್ವವು ಸ್ಫೂರ್ತಿಯಾಗಿದೆ ಎಂದು ಅವರು ಹೇಳಿದರು. ಈ ಹೊಸ ಸಂಪುಟಗಳು ಹಲವು ವರ್ಷಗಳಲ್ಲಿ ಪ್ರಧಾನ ಮಂತ್ರಿಯವರ ಪರಿವರ್ತನಾ ದೃಷ್ಟಿಕೋನವನ್ನು ಅರ್ಥಮಾಡಿಕೊಳ್ಳಲು ಸಂಶೋಧಕರಿಗೆ ಅಮೂಲ್ಯವಾದ ಸಂಪನ್ಮೂಲವಾಗಿ ಕಾರ್ಯನಿರ್ವಹಿಸುತ್ತವೆ ಎಂದು ಸಚಿವರು ಹೇಳಿದರು.

ರಾಜ್ಯಸಭೆ ಉಪಸಭಾಪತಿ ಶ್ರೀ ಹರಿವಂಶ್ ಅವರು ತಮ್ಮ ಭಾಷಣದಲ್ಲಿ ಪ್ರಧಾನಮಂತ್ರಿ ಮೋದಿಯವರನ್ನು ವಿಶ್ವದ ಅತ್ಯುತ್ತಮ ಸಂವಹನಕಾರರಲ್ಲಿ ಒಬ್ಬರು ಎಂದು ಬಣ್ಣಿಸಿದರು ಮತ್ತು ಜನರೊಂದಿಗೆ ಸಂಪರ್ಕ ಸಾಧಿಸಲು ಪ್ರತಿಯೊಂದು ಯೋಜನೆಗೆ ಹೆಸರಿಸುವಾಗಲೂ ಅವರು ಅತ್ಯಂತ ಕಾಳಜಿ ವಹಿಸುತ್ತಾರೆ ಎಂದು ಹೇಳಿದರು.

ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಕಾರ್ಯದರ್ಶಿ ಶ್ರೀ ಸಂಜಯ್ ಜಾಜು, ಈ ಸಂಪುಟಗಳು ಪ್ರಧಾನ ಮಂತ್ರಿಯವರ ಆಡಳಿತ ಮಾದರಿಯ ಕುರಿತು ಅಧಿಕೃತ ಉಲ್ಲೇಖಗಳನ್ನು ಒದಗಿಸುತ್ತವೆ ಎಂದು ಹೇಳಿದರು. ಈ ಸಂಪುಟಗಳು ಭಾರತದ ಅಭಿವೃದ್ಧಿ ಪ್ರಯಾಣದ ಪ್ರಮುಖ ದಾಖಲೆಯಾಗಿ ಕಾರ್ಯನಿರ್ವಹಿಸುತ್ತವೆ ಮತ್ತು ಸರ್ಕಾರದ ಸಮಗ್ರ ಮತ್ತು ಸುಧಾರಣೆ-ಆಧಾರಿತ ಕಾರ್ಯಸೂಚಿಯ ಕುರಿತು ಓದುಗರಿಗೆ ಸಮಗ್ರ ದೃಷ್ಟಿಕೋನವನ್ನು ಒದಗಿಸುತ್ತವೆ ಎಂದು ಅವರು ಹೇಳಿದರು.

ಸಬ್ಕಾ ಸಾಥ್, ಸಬ್ಕಾ ವಿಕಾಸ್, ಸಬ್ಕಾ ವಿಶ್ವಾಸ್, ಸಬ್ಕಾ ಪ್ರಯಾಸ್ ಸಂಪುಟ ಕುರಿತು

ಸಬ್ಕಾ ಸಾಥ್, ಸಬ್ಕಾ ವಿಕಾಸ್, ಸಬ್ಕಾ ವಿಶ್ವಾಸ್, ಸಬ್ಕಾ ಪ್ರಯಾಸ್ ಎಂಬುದು ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ ಆಯ್ದ ಭಾಷಣಗಳ ಸಂಪುಟವಾಗಿವೆ. ಈ ಸಂಪುಟಗಳು, ಎಲ್ಲಕ್ಕಿಂತ ಹೆಚ್ಚಾಗಿ, ಪ್ರಧಾನಮಂತ್ರಿಯೊಬ್ಬರು ಹೇಗೆ ಮುಂಚೂಣಿಯಲ್ಲಿ ನಿಂತು ಮುನ್ನಡೆಸುತ್ತಾರೆ ಮತ್ತು ರಾಷ್ಟ್ರ ನಿರ್ಮಾಣದತ್ತ ಕೆಲಸ ಮಾಡಲು ವಿಶಾಲ ಮಾನವೀಯತೆಯನ್ನು ಹೇಗೆ ಪ್ರೇರೇಪಿಸುತ್ತಾರೆ ಎಂಬುದನ್ನು ಎತ್ತಿ ತೋರಿಸುತ್ತವೆ. ಅವರ ಪ್ರೇರಕ ಮಾತುಗಳು ಮತ್ತು ಭಾಷಣಗಳು ತಪ್ಪುಗಳು ಮತ್ತು ನ್ಯೂನತೆಗಳನ್ನು ಪರಿಹರಿಸುವಲ್ಲಿ ಸ್ಪೂರ್ತಿದಾಯಕ ಮತ್ತು ಸಹಾಯಕವಾಗಿವೆ.

ಭಾಷಣಗಳ ಸಂಗ್ರಹವು ಮೂಲಭೂತವಾಗಿ ಕಾಲದ ಪ್ರತಿಬಿಂಬವಾಗಿದೆ. ತಮ್ಮ ನಾಯಕತ್ವದ ವರ್ಷಗಳಲ್ಲಿ, ಪ್ರಧಾನ ಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ವ್ಯಾಪಕ ಶ್ರೇಣಿಯ ವಿಷಯಗಳ ಕುರಿತು ತಮ್ಮ ದೃಷ್ಟಿಕೋನಗಳನ್ನು ಹಂಚಿಕೊಂಡಿದ್ದಾರೆ, ತಮ್ಮ ಸ್ಪಷ್ಟತೆ, ದೃಢನಿಶ್ಚಯ ಮತ್ತು ಸಾರ್ವಜನಿಕರೊಂದಿಗಿನ ಆಳವಾದ ಸಂಪರ್ಕದ ಮೂಲಕ ರಾಷ್ಟ್ರದ ಜನರು ತಮ್ಮನ್ನು ಪ್ರೀತಿಸುವಂತೆ ಮಾಡಿದ್ದಾರೆ. ಈ ಸಂಪುಟಗಳು ಭಾರತದ ಅಭಿವೃದ್ಧಿ ಕಥೆಯ ವಿವಿಧ ಅಂಶಗಳನ್ನು ಸ್ಪರ್ಶಿಸುವ ವ್ಯಾಪಕ ಶ್ರೇಣಿಯ ಭಾಷಣಗಳನ್ನು ಒಳಗೊಂಡಿವೆ.

4ನೇ ಸಂಪುಟ (ಜೂನ್ 2022-ಮೇ 2023)

ಮೊದಲ ಸಂಪುಟವು ಜೂನ್ 2022 ರಿಂದ ಮೇ 2023 ರ ನಡುವೆ ವಿವಿಧ ಸಂದರ್ಭಗಳಲ್ಲಿ ಪ್ರಧಾನ ಮಂತ್ರಿಯವರು ಮಾಡಿದ ಭಾಷಣಗಳನ್ನು ಒಳಗೊಂಡಿದೆ, ಇದು ಅವರ ನಾಯಕತ್ವದಲ್ಲಿ ಭಾರತದ ಪರಿವರ್ತನೆ ಮತ್ತು ಅಭಿವೃದ್ಧಿಯ ಪ್ರಯಾಣವನ್ನು ಎತ್ತಿ ತೋರಿಸುತ್ತದೆ. ಈ ಸಂಪುಟದಲ್ಲಿ, ಒಟ್ಟು 88 ಭಾಷಣಗಳನ್ನು ಆಯ್ಕೆ ಮಾಡಲಾಗಿದೆ ಮತ್ತು 11 ವಿಭಾಗಗಳಾಗಿ ವರ್ಗೀಕರಿಸಲಾಗಿದೆ, ಇದರಲ್ಲಿ ಪ್ರಧಾನ ಮಂತ್ರಿಯವರು ವಿಷಯಗಳು, ಸುಧಾರಣೆಗಳು, ಸವಾಲುಗಳು ಮತ್ತು ಅವಕಾಶಗಳ ಕುರಿತು ತಮ್ಮ ದೃಷ್ಟಿಕೋನವನ್ನು ಹಂಚಿಕೊಂಡಿದ್ದಾರೆ ಮತ್ತು 2047 ರ ವೇಳೆಗೆ ಬಲಿಷ್ಠ, ಸಮೃದ್ಧ ಮತ್ತು ಅಭಿವೃದ್ಧಿ ಹೊಂದಿದ ಭಾರತದ ಕನಸನ್ನು ನನಸಾಗಿಸುವತ್ತ ಸ್ಪಷ್ಟವಾದ ಮುನ್ನೋಟವನ್ನು ಸಹ ವಿವರಿಸಿದ್ದಾರೆ.

ವಿಭಾಗಗಳು, i) ಆಜಾದಿ ಕಾ ಅಮೃತ್ ಮಹೋತ್ಸವ, ii) ಭಾರತವು ಜಗತ್ತನ್ನು ಮುನ್ನಡೆಸುತ್ತದೆ, iii) ಪ್ರಜಾಪ್ರಭುತ್ವದ ತಾಯಿ, iv) ಆತ್ಮನಿರ್ಭರ ಭಾರತ: ಹೆಮ್ಮೆಯ ನಾಗರಿಕರು, v) ಜನರಿಗಾಗಿ ಸರ್ಕಾರ, vi) ಸಶಕ್ತ ಭಾರತ: ಸಮರ್ಥ ನಾಗರಿಕರು, vii) ಸುರಕ್ಷಿತ ರಾಷ್ಟ್ರ: ತೃಪ್ತ ನಾಗರಿಕರು viii) ನಮ್ಮ ಪರಂಪರೆ: ನಮ್ಮ ವೈಭವ, ix) ಭಾರತದ ಹೆಮ್ಮೆ, x) ಮುನ್ನುಗ್ಗುತ್ತಿರುವ ಭಾರತ, xi) ಮನ್ ಕಿ ಬಾತ್

ಈ ಸಂಪುಟದ ಇತರ ವಿಭಾಗಗಳು ಭಾರತದ ಪ್ರಗತಿ, ಆತ್ಮನಿರ್ಭರ ಭಾರತ, ಬಲಿಷ್ಠ ಭಾರತ, ಭಾರತದ ಹೆಮ್ಮೆಯ ಬಗ್ಗೆ ಪ್ರಧಾನ ಮಂತ್ರಿಯವರ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತವೆ.

5ನೇ ಸಂಪುಟ (ಜೂನ್ 2023-ಮೇ 2024)

ಈ ಸಂಪುಟ (ಜೂನ್ 2023-ಮೇ 2024) ರಾಷ್ಟ್ರಕ್ಕೆ ಸ್ಫೂರ್ತಿ ನೀಡಿದ ಮತ್ತು ಪ್ರಪಂಚದಾದ್ಯಂತ ಪ್ರತಿಧ್ವನಿಸಿದ ಕ್ಷಣಗಳ ವಿವಿಧ ಸಂದರ್ಭಗಳಲ್ಲಿ ಗೌರವಾನ್ವಿತ ಪ್ರಧಾನ ಮಂತ್ರಿಯವರು ಮಾಡಿದ ಭಾಷಣಗಳನ್ನು ಸಂಗ್ರಹಿಸುಒಳಗೊಂಡಿದೆ. ಈ ಸಂಪುಟವು ರಾಷ್ಟ್ರದ ವೈವಿಧ್ಯಮಯ ಜೀವನದ ಅಂಶಗಳನ್ನು ಎತ್ತಿ ತೋರಿಸುವ ವ್ಯಾಪಕ ಶ್ರೇಣಿಯ ಭಾಷಣಗಳನ್ನು ಒಳಗೊಂಡಿದೆ.

ಈ ಸಂಪುಟವು 91 ಭಾಷಣಗಳನ್ನು ಒಳಗೊಂಡಿದೆ, ಇವುಗಳನ್ನು 11 ವಿಶಾಲ ವಿಭಾಗಗಳಾಗಿ ವಿಂಗಡಿಸಲಾಗಿದೆ, ಇದು ಅವರ ಎರಡನೇ ಅವಧಿಯ ಐದನೇ ವರ್ಷದ ಮಹತ್ವದ ಸಾಧನೆಗಳನ್ನು ಎತ್ತಿ ತೋರಿಸುತ್ತದೆ. ಅವುಗಳೆಂದರೆ: 1. ಜಿ20 - ಒಂದು ಭೂಮಿ, ಒಂದು ಕುಟುಂಬ, ಒಂದು ಭವಿಷ್ಯ, 2. ಭಾರತದ ಸಂಸತ್ತು, 3. ವಿಕಸಿತ ಭಾರತ @ 2047, 4. ಸರ್ವಜನಹಿತಾಯ - ಜನರಿಗಾಗಿ ಆಡಳಿತ, 5. ಭಾರತ ಮತ್ತು ಪ್ರಪಂಚ, 6. ಭವಿಷ್ಯದಲ್ಲಿ ಹೂಡಿಕೆ, 7. ಕಾಶಿ - ಭಾರತದ ತಿರುಳು, 8. ಭಾರತ - ಸುರಕ್ಷಿತ, ಸುಭದ್ರ ಮತ್ತು ಆತ್ಮವಿಶ್ವಾಸಿ, 9. ನಮ್ಮ ಪರಂಪರೆ - ನಮ್ಮ ಹೆಮ್ಮೆ, 10. ಸಬಲೀಶಕ್ತ ಮಹಿಳೆಯರು, ಸಮೃದ್ಧ ಭಾರತ, 11. ಮನ್ ಕಿ ಬಾತ್.

ಈ ಪುಸ್ತಕದಲ್ಲಿನ ಭಾಷಣಗಳಲ್ಲಿ, ಪ್ರಧಾನ ಮಂತ್ರಿಗಳು ಭಾರತದ ಸಬಲೀಕರಣ, ಅದರ ಬೆಳೆಯುತ್ತಿರುವ ಜಾಗತಿಕ ಪಾತ್ರ ಮತ್ತು ಮಹಿಳೆಯರು ಮತ್ತು ಯುವಜನರ ಪ್ರಾಮುಖ್ಯತೆಯನ್ನು ಪ್ರತಿಬಿಂಬಿಸುತ್ತಾರೆ. ಈ ಸಂಪುಟವು ಆರೋಗ್ಯ, ವಿಜ್ಞಾನ, ಪರಂಪರೆ, ಆರ್ಥಿಕತೆ, ಮೂಲಸೌಕರ್ಯ ಮತ್ತು ವಿದೇಶಾಂಗ ವ್ಯವಹಾರಗಳಂತಹ ವಿಷಯಗಳ ಮೇಲೆ ಕೇಂದ್ರೀಕರಿಸುತ್ತದೆ. ಇದು ನೀತಿ, ಆಡಳಿತ ಮತ್ತು ಅಂತಾರಾಷ್ಟ್ರೀಯ ವಿಷಯಗಳ ಕುರಿತು ಅವರ ಅವಲೋಕನಗಳನ್ನು ಸಹ ವಿವರಿಸುತ್ತದೆ.

ಈ ಭಾಷಣಗಳ ಸಂಗ್ರಹವು ಪ್ರಧಾನಮಂತ್ರಿಯವರ ಎಲ್ಲರನ್ನು ಒಳಗೊಂಡ ಅಭಿವೃದ್ಧಿ, ರಾಷ್ಟ್ರೀಯ ಪ್ರಗತಿ ಮತ್ತು ಸಾಮೂಹಿಕ ಜವಾಬ್ದಾರಿ (ಜನ್ ಭಾಗೀದಾರಿ) ಯ ದೃಷ್ಟಿಕೋನವನ್ನು ಪ್ರದರ್ಶಿಸುತ್ತದೆ, 2047ರ ವೇಳೆಗೆ ಅಭಿವೃದ್ಧಿ ಹೊಂದಿದ ಭಾರತದ ಕನಸನ್ನು ನನಸಾಗಿಸಲು ಸಮಾಜದ ವಿವಿಧ ವರ್ಗಗಳ ಜನರು ಮುಂದೆ ಬರಲು ಪ್ರೇರೇಪಿಸುತ್ತದೆ ಮತ್ತು ಪ್ರೋತ್ಸಾಹಿಸುತ್ತದೆ.

ಉಪರಾಷ್ಟ್ರಪತಿಯವರ ಕಾರ್ಯದರ್ಶಿ ಶ್ರೀ ಅಮಿತ್ ಖರೆ, ಪ್ರಕಟಣೆ ವಿಭಾಗದ ಪ್ರಧಾನ ಮಹಾನಿರ್ದೇಶಕ ಶ್ರೀ ಭೂಪೇಂದ್ರ ಕೈಂಥೋಲಾ, ಪ್ರೆಸ್ ಇನ್ಫರ್ಮೇಶನ್ ಬ್ಯೂರೋದ ಪ್ರಧಾನ ಮಹಾನಿರ್ದೇಶಕ ಶ್ರೀ ಧೀರೇಂದ್ರ ಓಜಾ, ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಮಾಧ್ಯಮ ಘಟಕಗಳ ಅಧಿಕಾರಿಗಳು ಮತ್ತು ಸಿಬ್ಬಂದಿ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

*****