প্রধানমন্ত্রীগী লোইশঙ
প্রধান মন্ত্রীনা রিপব্লিক ওফ এস্তোনিয়াগী রাস্ত্রপতিগা উনখ্রে
থাগৎখিবা:
11 FEB 2025 6:19PM by PIB Imphal
প্রধান মন্ত্রী শ্রী নরেন্দ্র মোদীনা ঙসি পেরিসতা পাংথোকপা AI এক্সন সমিৎকী সাইদলাইন্সতা ইস্তোনেসিয়াগী প্রসিদেন্ত ঐচ.ই. মিস্তর অলার কারিসকা উনখ্রে। মসি লুচিংবা অনিগী মরক্তা পাংথোকপা অহানবা মীফমনি।
প্রধান মন্ত্রী অমসুং প্রসিদেন্ত কারিসনা হায়খি মদুদি ভারত অমসুং ইস্তোনেসিয়াগী মরক্তা লৈরিবা নুংশি চান্নবা অমসুং মরূপ ওইবগী মরী অসি দেমোক্রেসী, আইনগী কাংলোন অমসুং নীংতম্বা অমসুং প্লুরেলিজমগী ৱাখল্লোনশিংদা য়ুম্ফম ওইরি। ললোন-ইতিক অমসুং ইনভেস্তমেন্ত, IT অমসুং দিজিতেল, কলচর, তুরিজম অমসুং মীয়ামগী মরক্তা লৈনরিবা মরী য়াওনা হিরম কয়াদা লৈবাক অনিগী মরক্তা মতেং পীনবা হেনগৎলক্লিবা অসিদা লুচিংবা অনিনা নুংঙাইবা ফোংদোকখি। সাইবর সেক্যুরিতীগী লমদা হৌজিক চত্থরিবা বাইলেতরেল কোওপরেসনগী মতাংদা মখোয়না খন্নখি। প্রধান মন্ত্রীনা ইস্তোনিয়ন সরকার অমসুং কম্পেনীশিংদা ভারতকী গ্রোথ স্তোরীনা পীরিবা খুদোংচাবশিং অদু য়েংশিন্নবা অমসুং দিজিতেল ইন্দিয়াগুম্বা প্রোগ্রামশিংগী খুদোংচাবা লৌনবা হায়খি।
লুচিংবা অনিনা ইন্দিয়া-EU স্ত্রেতেজিক পার্তনরশিপকী মতাংদা ভারত-ইস্তোনেসিয়াগী পার্তনরশিপকী মরুওইবা অদু খঙখি। মখোয়না ইন্দিয়া-নোর্দিক-বালতিক ফোর্মেত্তা মিনিস্তরেল একচেঞ্জ হৌদোকপবু তরাম্না ওকখি। লুচিংবা অনিনা ম্যুচুএল ইন্তরেস্তকী রিজনেল অমসুং গ্লোবেল ইসুশিং অমসুং য়ুনাইতেদ নেসন্সতা তেংবাং পীনবগী মতাংদসু ৱাখল্লোনশিং ফোংদোক্নখি।
লুচিংবা অনিনা ভারত অমসুং ইস্তোনেসিয়াগী মরক্তা কলচরেল অমসুং মীয়ামগী মরক্তা লৈনরিবা মরী হেনগৎলকপদা নুংঙাইবা ফোংদোকখি। মসিগী মতাংদা, প্রধান মন্ত্রীনা ইস্তোনেসিয়াদা য়োগ মীয়াম্না পাম্নরকপগীদমক থাগৎপা ফোংদোকখি।
***
(রিলিজ আই.দি.: 2169454)
ভিজিতর কাউন্তর : 15
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam