مرکزی وزیر داخلہ اور امداد باہمی کے وزیر جناب امت شاہ نے آج راجستھان کے جودھ پور میں ’شری پارسمل بوہرہ کالج برائے بینائی سے محروم افراد‘ کی عمارت اور طلباء کے لیے ایک ہاسٹل کا سنگ بنیاد رکھا۔ اس موقع پر راجستھان کے وزیر اعلیٰ شری بھجن لال شرما، مرکزی وزیر جناب گجیندر سنگھ شیخاوت اور کئی معزز مہمان بھی موجود تھے۔

اپنی تقریر میں، مرکزی وزیر داخلہ اور امداد باہمی کے وزیر جناب امت شاہ نے کہا کہ جب کوئی شخص اپنی زندگی خدمت کے لیے وقف کرتا ہے، خاص طور پر مختلف صلاحیتوں کے حامل افراد کے لیے، تو وہ زندگی بے شمار دوسروں (لوگوں)کے لیے تحریک بن جاتی ہے۔ انہوں نے کہا کہ خدا نے مختلف صلاحیتوں کے حامل افراد کو منفرد طاقتیں عطا کی ہیں، اور ان طاقتوں کو پہچان کر، ان کی زندگیوں کو آسان بنانے کی کوشش کو سوشیلا جی کی زندگی کے ذریعے ہزاروں لوگوں نے اپنایا ہے۔

جناب امت شاہ نے کہا کہ تقریباً پندرہ کروڑ روپے مالیت کے تین منصوبوں کے سنگ بنیاد آج رکھے گئے ہیں۔ انہوں نے اعتماد کا اظہار کیا کہ ادارے کے کارکردگی کے مطابق، یہ تمام تینوں منصوبے وقت پر مکمل ہوں گے اور سینکڑوں بچوں کی زندگیوں میں نئی روشنی لائیں گے۔ انہوں نے اس بات پر زور دیا کہ سوشیلا جی نے پانچ ا سکولوں، دو کالجوں، مفت ہاسٹلوں، کھانوں، آڈیو کتابوں، ریکارڈ شدہ لیکچرز، بریل پرنٹنگ پریس، اسکرین ریڈرز، کمپیوٹر لیب، اور ایک لائبریری کے ذریعے سینکڑوں بصارت سے محروم طلباء کی زندگیوں میں علم اور وژن کی روشنی پھیلائی ہے۔

جناب امت شاہ نے کہا کہ پارسمل بوہرہ کالج برائے بصارت سے محروم افراد 2022 میں راجستھان کا پہلا کالج بن گیا۔ انہوں نے اس بات پر زور دیا کہ معذور افراد کے لیے حقیقی کام تب شروع ہوتا ہے جب انہیں ترس کا باعث نہ سمجھا جائے بلکہ الہٰی علامات کے طور پر دیکھا جائے۔ انہوں نے ذکر کیا کہ وزیر اعظم جناب نریندر مودی 2015 میں پورے ملک کے لیے "معذور" کی جگہ "دیویانگ" اصطلاح استعمال کرنے والے پہلے شخص تھے۔ انہوں نے کہا کہ یہ اصطلاح خود اس بات کی علامت ہے کہ وزیر اعظم مودی کے ایک فیصلے نے بھارت کے عوام، تمام ریاستی حکومتوں، اور مرکزی حکومت کے نظریے کو معذور افراد کے حوالے سے تبدیل کر دیا ہے۔ انہوں نے مزید کہا کہ وزیر اعظم مودی نے "دیویانگ" اصطلاح کے ذریعے پورے ملک میں تمام معذور افراد میں نئی عزت نفس، شناخت، اور خود انحصاری کے جذبے کو پیدا کیا ہے۔

مرکزی وزیر داخلہ نے کہا کہ مودی حکومت نے پورے ملک میں موجود تمام معذور افراد میں پوشیدہ کھیلوں کی صلاحیتوں کے لیے ایک پلیٹ فارم فراہم کیا ہے۔ انہوں نے کہا کہ پیرالمپک کھیلوں کا آغاز عالمی سطح پر 1960 میں ہوا تھا، اور 2012 تک بھارت نے تمام پیرالمپک کھیلوں میں مجموعی طور پر صرف 8 تمغے جیتے تھے۔ انہوں نے نمایاں کیا کہ پچھلے تین پیرالمپک کھیلوں میں بھارت نے 52 تمغے حاصل کیے ہیں، جس نے ہمارے کھلاڑیوں کو بڑی کامیابیوں کے لیے محنت کرنے کی تحریک دی ہے۔ جناب شاہ نے زور دیا کہ جب معاشرہ، حکومت، اور رضاکارانہ تنظیمیں معذور افراد کی فلاح و بہبود کے لیے مل کر کام کرتی ہیں تو کچھ بھی ناممکن نہیں۔ انہوں نے کہا کہ پیرالمپکس میں 52 تمغے جیتنا اس بات کا ثبوت ہے کہ ہمارے معذور افراد کچھ بھی حاصل کر سکتے ہیں، بشرطیکہ انہیں تعاون دیا جائے، ان کی باطنی صلاحیتوں کو تسلیم کیا جائے، اور انہیں صحیح پلیٹ فارم فراہم کیا جائے۔

جناب امت شاہ نے مزید کہا کہ وزیر اعظم جناب نریندر مودی نے معذور افراد کے بااختیار بنانے کے محکمہ کے بجٹ کو 2014 میں 338 کروڑ روپے سے بڑھا کر آج 1,313 کروڑ روپے کر دیا ہے۔ انہوں نے مزید کہا کہ مودی حکومت نے معذور افراد کے لیے متعدد سہولیات فراہم کی ہیں۔ سوگمیا بھارت مہم کے تحت، معذور افراد کے لیے 1,314 مرکزی سرکاری عمارتوں کو قابل رسائی بنانے کے لیے 563 کروڑ روپے خرچ کیے گئے۔ اس کے علاوہ، 1,748 دیگر عمارتوں کو بھی قابل رسائی بنایا گیا ہے۔ انہوں نے ذکر کیا کہ 35 بین الاقوامی ہوائی اڈے اور 55 گھریلو ہوائی اڈے معذور افراد کے لیے قابل رسائی بنا دیے گئے ہیں۔ جناب شاہ نے کہا کہ وزیر اعظم مودی کے منصب سنبھالنے سے پہلے، مرکزی حکومت نے صرف 7 لاکھ لوگوں کو مصنوعی معاون آلات فراہم کیے تھے، لیکن مودی حکومت کے گزشتہ 10 سالوں میں، 18,000 کیمپوں کا انعقاد کیا گیا جن کے ذریعے 31 لاکھ لوگوں کو مصنوعی معاون آلات فراہم کیے گئے۔

***

(ش ح۔اس ک ۔ م ذ )

UR-6378