প্রধান মোদী নরেন্দ্র মোদীনা হন্দক্তা  কা হেন্না হকচাং নোইবা অসিবু লান্থেংননবা অমসুং অচাথাও শিজিন্নবা হন্থহন্নবা খোল্লাও অমা লাওখ্রে। মসিদা দোক্তরশিং,স্পোর্তস পর্সনশিংগা লোয়ন-লোয়ননা অতোপ্পা লম কয়াদগী লাকপা মীওই কয়ানা পাক্তক্ননা খোল্লাও অসি শৌগৎখি।  

দেহরাদুন্দা 38 শুবা নেস্নেল গেমস হৌদোকপগী ৱারোল থম্বা মতমদা প্রধান মন্ত্রীনা লৈবাক থুনা-য়াংনা হেনগৎলক্লিবা হকচাং কা হেন্না নোইবগী খুদোংচাদবা অসিনা মতৌ করম্না খুদোংথিনিংঙাই  ওইবা দাইবেতি, হার্তকী লায়নাগুম্বা অসি নাবা হেনগৎহনবগী মতাংদা ৱা খন্নখি।

ফীৎ ইন্দিয়া মুভমেন্তকী মতাংদা পল্লদুনা মহাক্না হকচাং শাজেল অমসুং বেলেঞ্চ ওইবা চিজ্ঞাক চাবগী পান্দমগা লোয়ননা চাবগী মতাংদা হায়খি। চিজ্ঞাক্তা ফেৎ অমসুং থাও হন্থহন্দুনা চাক চাবদা থাও অসি 10% হন্থহন্নবা ৱা হায়রমখি।

এক্তর অক্ষয় কুমারনা পি.এম. গী পাওজেল অদুবু থাগৎখি অমসুং হকচাং ফবগী মরুওইবশিং হাইলাইত তৌখি।

প্রধান মন্ত্রীগী খোল্লাও অসিদা হকশেলগী লমদা লৈবা মীওই কয়া থোরক্তুনা শৌগৎনরকখি।

ৱর্ল্দ হেল্থ ওর্গানাইজেসন খা-নোংপোক এসিয়ানা পি.এম.গী চাং নাইনা হকচাং শাজেল তৌবা অমসুং মচি ওইবা বেলেঞ্চ দাইত চাবা অসিবু হাইলাইত তৌখি।

লৈবাক শিন-থুংবগী দোক্তরশিং অমসুং মল্তিপল স্পিসিএলিতীশিংনা হকচাং কা হেন্না নোইবগী মায়োক্তা তৌবা পি.এম.গী খোল্লাও অদুবু শৌগত্তুনা ৱা ঙাংখি।

Pic

1. গৌতম খানা, সি.ই.ও., পি.দি. হিন্দুজা হোসপিতাল, হকচাং কা হেন্না নোইবা হন্থহনবা অমসুং মসিগা লোয়নবা খুদোংথিবশিংগী মতাংদা  মতম চানা পীবা পাওজেলনি হায়না হায়খি
2. দা. হাজন, ফাওন্দর হর্শ & চেয়রমেন, মহাজন ইমেজিং & লেবনা হকচাং কা হেন্না নোইবা লান্থেংননবা প্রধান মন্ত্রীগী খোল্লাওবু থাগৎপা ফোংদোকখি।
3. দা. সুচিন বজাজ, ফাউন্দর দিরেক্তর, উজালা সিগনস হেল্থকেয়র সর্ভিসেসনা হকচাং কা হেন্না নোইবা অসি ঐখোয়না হৌজিক-হৌজিকমক খুদক্তা পুন্না লান্থেংমিন্নগদবা শাথিবা খুদোংথিবা অমনি হায়খি।
4. অতৈ তোঙান-তোঙানবা দোক্তর কয়ানসু হকচাং কা হেন্না নোইবগী খুদোংথিবা অসি লান্থেংনবগী মরুওইবদু হায়খি।
5. ময়ামশিং অদুগী মরক্তা ইন্দিয়ন দেন্তেল এসোসিএসন, তাতা মেমোরিএল হোসপিতাল, ইন্দোক্রাইন সোসাইতী ওফ দিল্লী য়াওনা হোসপিতাল কয়া, মেদিকেল বোদী কয়া অমসুং এসোসিএসনশিংনসু হকচাং কা হেন্না নোইবগী মায়োক্তা চংশিল্লক্লিবা ইহৌ অসিদা শৌগৎনরকখি।
6. প্রধান মন্ত্রীনা পীবা খোল্লাও অদুদা স্পোর্তস পর্সনশিংনসু শৌগৎনরকখি। বোক্সর বিরেন্দ্র সিংহনা হায়খি মদুদি বেলেঞ্চ দাইত, হকচাং সাজেল অমসুং হকচাং ফবগী মতাংদা পি.এম. মোদীনা হৌদোক্লিবা কেম্পেন অসি তশেংনা শিংথানিংঙাইনি।
7. ফিৎনেসকী কোচ মিক্কী মেহতা অমসুং ৱর্ল্দ চেম্পিয়নশিপ ব্রোজ্ঞ মেদলিস্ত বোক্সর গৌরব বিধুরীনসু প্রধান মন্ত্রীগী থৌরাং অসিবু শৌগৎলদুনা ৱা ঙাংখি।

***