کل 19 ستمبر 2025 کو نئی دہلی میں ایک اہم میٹنگ کا انعقاد کیاجائےگا، جس کی صدارت زراعت، کسانوں کی بہبود اور دیہی ترقی کے مرکزی وزیر جناب شیوراج سنگھ چوہان کریں گے۔ ٹریکٹر اینڈ ایگریکلچرل میکانائزیشن ایسوسی ایشن(ٹی ایم اے)، زرعی مشینری مینوفیکچررز ایسوسی ایشن (اے ایم ایم اے)، آل انڈیا کمبائن ہارویسٹر مینوفیکچررز ایسوسی ایشن (اے آئی سی ایم اے)، اور پاور ٹلر ایسوسی ایشن آف انڈیا (پی ٹی اے آئی)کے نمائندےاوردیگر متعلقہ تنظیموں کے نمائندگان  میٹنگ میں شرکت کریں گے۔

مرکزی وزیر زراعت جناب شیوراج سنگھ چوہان کی پہل پر بلائی گئی اس میٹنگ کا مقصد زرعی مشینری اور آلات پر جی ایس ٹی کی شرحوں میں حال ہی میں  کی گئی کمی (12-18فیصد  سے 5فیصد تک) پر تبادلہ خیال کرنا ہے۔میٹنگ میں اس بات کو یقینی بنانے پر غور کیاجائےگا کہ اس کے فوائد  وسیع پیمانے پر کسانوں تک پہنچیں  اور اصلاحاتی اقدامات کے آسانی سے نفاذ کے لیے حکمت عملی تیار کی جائے۔

مرکزی  حکومت کی طرف سے جی ایس ٹی میں کمی کئے جانے سے کسانوں کے لیے ٹریکٹر اور دیگر مشینری کی قیمتوں میں 7 سے 13 فیصد تک کمی آئے گی۔ کسان سبسڈی اسکیموں اور ٹیکسوں میں کمی کے دوہرے فوائد سے بھی مستفید ہوں گے، اور ‘‘آتم نر بھر بھارت’’ (خود انحصار بھارت) پہل کے تحت مقامی زرعی مشینری بنانے والوں کو مسابقتی فائدہ فراہم کریں گے۔

***

ش ح۔ ک ا۔ ع ر

U.NO.6228