આવતીકાલે, 19 સપ્ટેમ્બર, 2025ના રોજ નવી દિલ્હીમાં કેન્દ્રીય કૃષિ, ખેડૂત કલ્યાણ અને ગ્રામીણ વિકાસ મંત્રી શ્રી શિવરાજ સિંહ ચૌહાણની અધ્યક્ષતામાં એક મહત્વપૂર્ણ બેઠક યોજાશે. ટ્રેક્ટર અને કૃષિ મિકેનાઇઝેશન એસોસિએશન (TMA), કૃષિ મશીનરી મેન્યુફેક્ચરર્સ એસોસિએશન (AMMA), ઓલ ઇન્ડિયા કમ્બાઇન હાર્વેસ્ટર મેન્યુફેક્ચરર્સ એસોસિએશન (AICMA), અને પાવર ટીલર એસોસિએશન ઓફ ઇન્ડિયા (PTAI) ના પ્રતિનિધિઓ સહિત અન્ય સંબંધિત સંગઠનો આ બેઠકમાં ભાગ લેશે.

કેન્દ્રીય કૃષિ મંત્રી શ્રી શિવરાજ સિંહ ચૌહાણની પહેલ પર આયોજિત આ બેઠકનો હેતુ કૃષિ મશીનરી અને સાધનો પરના GST દરોમાં તાજેતરમાં જાહેર કરાયેલ ઘટાડા (12-18% થી 5%)ની ચર્ચા કરવાનો, ખેડૂતોને તેના ફાયદાઓનો વ્યાપક પ્રસાર સુનિશ્ચિત કરવાનો અને સુધારા પગલાંના સરળ અમલીકરણ માટે વ્યૂહરચના ઘડવાનો છે.

પ્રધાનમંત્રી શ્રી નરેન્દ્ર મોદીની સરકાર દ્વારા GST ઘટાડાથી ખેડૂતો માટે ટ્રેક્ટર અને અન્ય મશીનરીના ભાવમાં 7 થી 13 ટકાનો ઘટાડો થશે. ખેડૂતોને સબસિડી યોજનાઓ અને ઘટાડેલા કરવેરાનો બેવડો લાભ પણ મળશે, અને "આત્મનિર્ભર ભારત"પહેલ હેઠળ સ્વદેશી કૃષિ મશીનરી ઉત્પાદકોને સ્પર્ધાત્મક લાભ પૂરો પાડશે.

SM/IJ/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com