नवी दिल्ली, 18 सप्टेंबर 2025

केंद्रीय कृषी आणि शेतकरी कल्याण व ग्रामीण विकास मंत्री शिवराज सिंह चौहान यांनी उद्या (शुक्रवारी) नवी दिल्ली येथे कृषी क्षेत्राशी संबंधित जीएसटी सुधारणांवर चर्चा करण्यासाठी एक महत्त्वाची बैठक आयोजित केली आहे. या बैठकीला ट्रॅक्टर अँड मेकॅनायझेशन असोसिएशन (टीएमए), अ‍ॅग्रिकल्चरल मशिनरी मॅन्युफॅक्चरर्स असोसिएशन (एएमएमए), ऑल इंडिया कम्बाइन हार्वेस्टर मॅन्युफॅक्चरर्स असोसिएशन (एआयसीएमए), पॉवर टिलर असोसिएशन ऑफ इंडिया (पीटीएआय) आणि इतर संबंधित संघटनांचे प्रतिनिधी उपस्थित राहणार आहेत.

केंद्रीय मंत्री चौहान यांच्या पुढाकाराने आयोजित करण्यात आलेल्या या बैठकीत कृषी यंत्रसामग्री आणि उपकरणांवरील जीएसटी दर (12-18% वरून 5%) कमी करण्याच्या अलिकडच्या निर्णयावर चर्चा होईल, जेणेकरून शेतकऱ्यांना त्याचे फायदे मोठ्या प्रमाणात मिळण्याची खात्री होईल तसेच या सुधारणांच्या सुरळीत अंमलबजावणीसाठी धोरणे तयार केली जातील.

केंद्र सरकारने अलीकडेच जाहीर केलेल्या जीएसटी दर कपातीमुळे शेतकऱ्यांसाठी ट्रॅक्टर आणि इतर यंत्रसामग्रीच्या किंमती 7-13 टक्के कमी होणार आहेत. शेतकऱ्यांना कमी करासह अनुदान योजनांचा दुहेरी फायदा देखील मिळणार असून आत्मनिर्भर भारताच्या दृष्टिकोनातून स्वदेशी कृषी यंत्रसामग्री उत्पादकांना स्पर्धात्मक फायदा मिळू शकेल.

निलीमा ‍चितळे/नंदिनी मथुरे/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai