শ্রী সি.পি. রাধাকৃষ্ণননা ঙসি ভারতকী ১৫ শুবা উপ রাস্ত্রপতি অমসুং রাজ্য সভাগী চীয়রমেন ওইনা ৱাশক লৌখ্রে। শ্রী সি.পি. রাধাকৃষ্ণনবু ভারতকী রাস্ত্রপতি শ্রীমতি দ্রৌপদি দেবীনা রাস্ত্রপতি ভাবন্দা পাঙথোকপা ৱাশক লৌবগী থৌরমদা ৱাশক লৌহনখি। শ্রী রাধাকৃষ্ণন মমাংদা মহারাস্ত্রাগী রাজ্যপাল ওইরম্মি।

ৱাশক লৌরবা মতুংদা, শ্রী সি.পি. রাধাকৃষ্ণন্না মহাত্মা গান্ধীজীবু ইকায় খুম্নবা উৎনবা রাজঘাটতা চৎখি। মহাক্না সাদাইব অতলদা হান্নগী প্রধান মন্ত্রী শ্রী অতল বিহারী বাজপায়ী, দীন দয়াল উপাধ্যায় মার্গদা পন্দিৎ দীনদয়াল উপাধ্যায়গী মোমোরিয়েল অমসুং কিসান ঘাত্তা হান্নগী প্রধান মন্ত্রী চৌধরী চরন সিংহদা শ্রদ্ধাঞ্জলি কৎখি।

শ্রী সি.পি. রাধাকৃষ্ণনগী মতাংদা শম্লপ্না

১. মহৈ মশিং অমসুং প্রোফেসনেলগী হৌরকফম

ইং ১৯৫৭গী মে ৪দা তামিল নাদুগী তিরুপপুরদা পোকখিবা শ্রী চন্দ্রপুরম পোন্নুসামী রাধাকৃষ্ণন্না বিজিনেস এদমিনিস্ত্রেসনদা বেচলরগী দিগ্রী ফংখি। আর.এস.এস. স্বয়মসেবক অমা ওইনা হৌরকপদগী, মহাক্না ইং ১৯৭৪দা ভারতীয় জনসঙ্ঘগী স্তেৎ একজিক্যুতিব কম্মিতী মেম্বর ওইখি। মীয়ামগী পুন্সিদা চঙদ্রিঙৈ মমাংদা, শ্রী রাধাকৃষ্ণন্না গার্মেন্ত এক্সপোর্তর অমা ওইনা মতম শাংনা অমসুং মাই পাকনা চত্থরম্মি।

২. পার্লিয়ামেন্তরী অমসুং পব্লিক লাইফ

ইং ১৯৯৬দা, শ্রী সি.পি. রাধাকৃষ্ণনবু তামিল নাদুদা বি.জে.পি.গী সেক্রেতরী ওইনা খল্লম্মি। মহাক কুমজা ১৯৯৮দা কোইম্বতুরদগী অহানবা ওইনা লোক সভাগী মীহুৎ ওইনা ৱাশক লৌখি অমসুং কুমজা ১৯৯৯দা অমুক হন্না খনখি। এম.পি. অমা ওইনা লৈরিঙৈ মতমদা, মহাক্না তেক্সতাইলগী পার্লিয়ামেন্তরী স্তেন্দিং কম্মিতীগী চীয়রমেন ওইনা থবক তৌখি। মহাক্না পব্লিক সেক্তর ইন্তর্প্রাইজেস (পি.এস.য়ু.) গী পার্লিয়ামেন্তরী কম্মিতী অমসুং ফাইনান্সকী কন্সল্তেতিব কম্মিতীগী মেম্বরসু ওইখি। মসিগী মথক্তা, মহাক্না স্তোক এক্সচেঞ্জ স্কাম থিজিল্লিবা পার্লিয়ামেন্তরী স্পিসিএল কম্মিতীগী মেম্বর অমসু ওইখি।

২০০৪দা, শ্রী রাধাকৃষ্ণন্না পার্লিয়ামেন্তরী দেলিগেসনগী শরুক অমা ওইনা য়ু.এন. জেনরেল এসেমব্লীদা ৱা ঙাংখি। মহাক্না তাইৱান্দা অহানবা পার্লিয়ামেন্তরী দেলিগেসনগী মেম্বরসু ওইখি।

শ্রী রাধাকৃষ্ণননা ২০০৪ অমসুং ২০০৭কী মরক্তা তামিল নাদুদা বি.জে.পি.গী স্তেত প্রসিদেন্ত ওইনা থবক তৌখি। মসিগী থৌদাং অসিদা, মহাক্না নুমিৎ ৯৩ চুপ্না চত্থখিবা কিলোমীতর ১৯,০০০গী 'রথা য়াত্রা' অমা পাংথোকখি। ভারতকী তুরেল পুম্নমক শম্নহন্নবা, তেরোরিজম মুত্থৎনবা, য়ুনিফোর্ম সিভিল কোদ চৎনহন্নবা, অচেৎপা মীওইশিং মুত্থৎনবা, অমসুং দ্রগকী খুদোংথীবশিং থেংননবা মহাক্না তকশিনখিবা অদু ময়েক শেংহন্নবা য়াত্রা অসি পাংথোকখি। মহাক্না তোঙান তোঙানবা মরমশিংগীদমক অহেনবা পদ্ যাত্রা অনিসু লুচিংখি।

২০১৬তা শ্রী রাধাকৃষ্ণনবু কোচিগী কোইর বোর্দকী চীয়রমেন ওইনা খল্লকখি। মহাক্না চহি মরিগী ওইনা ফম অসি লৌখি। মহাক্কী লুচিং মখাদা, ভারতকী কোইর এক্সপোর্ত অসি লুপা করোর ২,৫৩২গী মতম পুম্নমক্কী অৱাংবা থাক্তা য়ৌখি। ২০২০দগী ২০২২ ফাওবদা মহাক্না কেরলাগীদমক বিজেপিগী ওল ইন্দিয়া ইন-চার্জ ওইখি।

২০২৩গী ফেব্রুৱারী ১৮দা শ্রী রাধাকৃষ্ণনবু ঝারখন্দগী গবর্নর ওইনা নিংথৌকাবা পীখি। মহাক্কী অহানবা থা মরিগী মনুংদা মহাক্না রাজ্য অসিগী জিলা ২৪দা চৎখি অমসুং নাগরিকশিং অমসুং জিলাগী ওফিসিএলশিংগা ৱারী শাখি। তেলঙ্গনাগী রাজ্যপাল অমসুং পুদুচেরীগী লেফতেনেন্ত গবর্নর ওইনা মহাক্না অহেনবা থৌদাং লৌখি।

মহারাস্ত্রাগী রাজ্যপাল ওইনা থৌদাং লৌরকপদগী, শ্রী রাধাকৃষ্ণন্না রাজ্য অসিগী মফম কয়াদা চৎখ্রে। মহাক্না মীয়ামগী মীহুৎশিং, ওফিসিএলশিং, বিজিনেস লুচিংবশিং অমসুং খুন্নাইগী তোঙান তোঙানবা কাংলুপশিংগা ৱারী শানখি।

৪. পার্সনেল দিতেল

মমিং: শ্রী চন্দ্রপুরম পোন্নুসামী (সি.পি.) রাধাকৃষ্ণন

অপোকপগী মিং: শ্রী পোন্নুসামী

অপোকপীগী মিং: শ্রীমতী সি.পি. জানাকি

পোকপগী তাং: মে ৪, ১৯৫৭

পোকফম: তিরুপপুর, তামিল নাদু

ইমুংগী ফিভম: নবেম্বর ২৫, ১৯৮৫

লোয়নবীগী মিং: শ্রীমতী সুমতী আর.

অঙাংশিং: মচানুপা অমসুং মচানুপী অমা

শ্রী রাধাকৃষ্ণন্না হায়র এজুকেসনগী ক্বালিতী অমসুং তম্বা হেনগৎহনবদা য়াম্না পুক্নিং চিংশিনখি। মহাক্না ত্রাইবেলশিংগী য়াইফ-থৌরাংগী লমদা খোংথাং কয়া অমা হৌদোকখি। হায়র এজুকেসনদা মখোয়গী শরুক য়াবা হেনগৎহনবদা মীৎয়েং থমখি। মহারাস্ত্রাগী স্তেত ফন্দ পায়বা য়ুনিভর্সিতী ২৯গী ভাইস-চান্সেলরশিংগা লোয়ননা মহাক্না 'স্কুল কনেক্ত' প্রোগ্রামগী খুমাং চাওশিল্লকপা অদু কুপ্না য়েংশিনখি। মহাক্না ত্রাইবেল নুপীমচা অমসুং নুপামচাশিংবু হায়র এজুকেসন তম্বা পুক্নিং থৌগৎখি।

শান্ন-খোৎনবদা পুক্নিং চঙবা শ্রী রাধাকৃষ্ণন তেবল তেনিসতা কোলেজ চেম্পিয়ন অমসুং লোং-দিস্তেন্স রন্নর ওইরম্মি। মহাক ক্রিকেৎ অমসুং ভোলিবোলসু পাম্মি।

শ্রী রাধাকৃষ্ণননা য়ু.এস.এ., য়ু.কে., ফ্রান্স, জর্মনী, ইতালি, স্পেন, পোর্তুগাল, নোরৱে, দেনমার্ক, স্বীদেন, ফিনলেন্দ, বেলজিয়ম, হোলন্দ, তুরকী, চাইনা, মালয়েসিয়া, সিঙ্গাপুর, তাইবং, থাইলেন্দ, ইজিপ্ত, য়ু.এ.ই., বঙ্গলাদেশ, ইন্দোনেসিয়া অমসুং জপানদা চৎখ্রে।

***