প্রধানমন্ত্রীগী লোইশঙ
প্রধান মন্ত্রী মোদীনা কাতরগী অমির, সৈখ তামিন বিন হমাদ অল থানিগা ৱারি শানখ্রে
দোহাদা খুৎ থারকপদা প্রধান মন্ত্রীনা নুঙনাংবা ফোঙদোকখ্রে অমসুং কতারগী মনিং-মখা তম্বদা শিংনরকপদা য়ানিংদবা ফোঙদোকখ্রে
ৱাথোক খুদিংমক ৱারি শানদুনা অমসুং কুতনিতিগী খুৎথাংদা ৱারোইশিন পুরক্নবা অমসুং উংখৎনবা তোকপগী দরকার ওইবা প্রধান মন্ত্রীনা থমখ্রে
মখল খুদিংমক্কী তেরোরিজম অমসুং মসিগী থবকশিংগী ময়োক্ত ভারতনা চেৎনা লেপ্লিবা অদু প্রধান মন্ত্রীনা ফোঙদোকখ্রে
নাকল অনিমক্না দরকার ওইবা হিরম খুদিংমক্ত ইন্দিয়া-কতার ষ্ট্রাতেজিক পার্তনরশিপ খুমাঙ চাউশিন্নবা লুচিংবশিংনা অমুক হন্না ফোঙদোকখ্রে
Posted On:
10 SEP 2025 8:21PM by PIB Imphal
ঙসি প্রধান মন্ত্রী শ্রী মোদীনা কাতরগী অমির, সৈখ তামিন বিন হমাদ অল-থানিগা তেলিফোন্দা ৱারি শানখ্রে।
দোহাদা খুৎ থারকপদা প্রধান মন্ত্রীনা নুঙনাংবা ফোঙদোকখ্রে অমসুং কতারগী মনিং-মখা তম্বদা শিংনরকপদা য়ানিংদবা ফোঙদোকখ্রে। নোংমৈ কাপ্না লেপ্নবা অমসুং ফাজিন্দুনা থম্লিবা মীওইশিং থাদোক্নবা লৈবাক অসিনা গজাদা পায়খৎলিবা ৱাতেম্বগী থবকশিং য়াওনা, লমদম অসিদা শান্তি অমসুং তুংদু-লৈতাবা পুরক্নবা কতারনা লৌরিআব থৌদাং প্রধান মন্ত্রীনা থাগৎপা ফোঙদোকখ্রে।
ৱাথোক খুদিংমক ৱারি শানদুনা অমসুং কুতনিতিগী খুৎথাংদা ৱারোইশিন পুরক্নবা অমসুং উংখৎনবা তোকপগী দরকার ওইবা প্রধান মন্ত্রীনা অমুক থমখ্রে। মখল খুদিংমক্কী তেরোরিজম অমসুং মসিগী থবকশিংগী ময়োক্ত ভারতনা চেৎনা লেপ্লিবা অদু প্রধান মন্ত্রীনা ফোঙদোকখ্রে।
মীয়াম অমসুং কতার লৈবাক্কীদমক অমতা ওইনা লেপ্পগীদমক সৈখ তমিন্না প্রধান মন্ত্রী মোদী থাগৎপা ফোঙদোকখ্রে।
ইন্দিয়া-কতার ষ্ট্রাতেজিক পার্তনরশিপ লেপ্তনা ফগৎলকপদা লুচিংবশিংনা অপেনবা ফোঙদোকখ্রে অমসুং নাকল অনিমক্না দরকার ওইবা হিরম খুদিংমক্ত লৈবাক অনি মতেং পাংনবা হেনগৎহন্নবা মখোয়না অমুক হন্না থাজবা পীনখ্রে।
মখা তানা পাউ ফাওনবা হায়না মখোয়না য়ানখ্রে।
***
(Release ID: 2165520)
Visitor Counter : 2
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam