ভারতকী রাস্ত্রপতি, শ্রীমতি দ্রুপদী মর্মুনা ঙসি (সেপ্তেম্বর ৩, ২০২৫) তামিল নাদুগী তিরুভারুরদা সেন্ত্রেল য়ুনিভর্সিতী ওফ তামিল নাদুগী ১০শুবা কনভোকেসন থৌরমদা শরুক য়াখ্রে।

থৌরম অদুদা ৱা ঙাংলদুনা রাস্ত্রপতিনা হায়খি মদুদি তামিল নাদুগী সেন্ত্রেল য়ুনিভর্সিতীনা একাদমিক্কী অৱাংবা থাকশিং ঙাক্না চৎপগীদমক অমসুং ইন্তলেকচুএল ক্যুরোসিতী অমসুং ক্রিতিকেল থিঙ্কিংবু পুক্নিং থৌগৎপা এনভাইরনমেন্ত অমা শেমগৎপগীদমক অখন্ননা থাগৎফম থোকই। য়ুনিভর্সিতী অসিনা এক্সতেন্সন এজুকেসনগী খুত্থাংদা মহৈ-মশিং তম্বগী কান্নবশিং অসি খুন্নাই অসিগী পাক চাউরবা সেগমেন্ত কয়া অমদা য়ৌহনবগীদমক্তা মহাক্না নুংঙাইবা ফোংদোকখি।

তামিল নাদুগী সেন্ত্রেল য়ুনিভর্সিতীনা কম্ম্যুনিতী কোলেজ অমসুং দোক্তর অম্বেদকর সেন্তর ফোর এক্সেলেন্সগুম্বা ইনিসিয়েতিবশিংগী খুত্থাংদা লায়রবা কাংলুপশিংগী অপুনবা চাউখৎ থৌরাংদা থৌদাং লৌরিবা অসিদা রাস্ত্রপতিনা নুংঙাইবা ফোংদোকখি। মহাক্না হায়খি মদুদি এজুকেসন্না ইন্দিভিজুএল দিভেলপমেন্তপু সোসিএল দিভেলপমেন্তকা শম্নহন্নবা পান্দম থমগদবনি। মহাক্না হায়খি মদুদি এজুকেসন অসি খুন্নাইগী কান্নবগী মায়কৈদা চংশিনগদবনি। মহাক্না য়ুনিভর্সিতী অসিগী স্তেকহোল্দর পুম্নমকপু মীওইবা খুন্নাইগী য়াইফনবা সাইন্স অমসুং তেক্নোলোজী শীজিন্ননবা ইন্দস্ত্রীগা খুৎশম্ননবা হায়খি।

পুন্সি চুপ্পগী ওইনা তম্বগী মরুওইবা অদু পল্লদুনা রাস্ত্রপতিনা হায়খি মদুদি মহৈরোই অমা ওইবসি পুন্সি চুপ্পগী থৌদাং অমনি হায়বসি নীংশিংবা চুম্মি। খুদম ওইনা হায়রবদা, মহাত্মা গান্ধী অসি মহাক্কী পুন্সি চুপ্পদা মহৈরোই ওইখি, তামিল অমসুং বঙ্গলাগুম্বা লোলশিং, গীতাগুম্বা লাইরিকশিং, অমসুং সেন্দল শেম্বগী অমসুং চর্খা নম্বগী মতৌগুম্লবা হৈশিংবা কয়া তমখি। মহাক্কী মতাংদদি লিস্ত অসি লোইবা নাইদে। গান্ধিজী মহাক্কী অরোইবা নুমিৎ ফাওবা অখন্নবা মওংদা চেকশিন্না অমসুং এক্তিব ওইনা লৈখি। মহাক্না মহৈরোয়শিংদা খঙনিংবা উনিংবা লৈনবা অমসুং তম্নিংবা হৈনিংবগী ৱাখল্লোন লৈনবা পাউতাক পীখি। মহাক্না হায়খি মদুদি মসিনা লেপ্পা লৈতনা তম্বদা মতেং পাংগনি অমসুং লেপ্পা লৈতনা তম্বনা মখোয়গী হৈশিংববু মতম পুম্নমক্তা দিমান্দ লৈহল্লগনি।

হৌখিবা চহী তরাগী মনুংদা, ইন্তর্নেত রিভোলুসন্না ঐখোয়গী মালেম অসি ঐখোয়না খল্লমদবা অনৌবা শিনফম কয়া অমা থোরক্লে হায়না রাস্ত্রপতিনা হায়খি। আর্তিফিসিএল ইন্তেলিজেন্স অমসুং ইন্দস্ত্রীএল রিভোলুসন ৪.০না থবক তৌবগী চৎনবীদা অহোংবা পুরক্লগনি। অসিগুম্বা দাইনামিক ওইবা এনভাইরনমেন্ত অমদা, অনৌবা স্কিলশিং খংদোকপা ঙম্বা মীওইশিং অসিনা অহোংবা পুরকপগী লুচিংবা ওইগনি। মহাক্না হায়খি মদুদি য়ুনিভর্সিতীগী মিসন অসি "মপাঙ্গল কনবা লমচৎ শাজৎ অমা শেমগৎপা অমসুং ভেল্যুদা য়ুম্ফম ওইবা ত্রান্সপরেন্ত ৱার্ক ইথিক্স অমা শেমগৎপা" অসিনি। মহাক্না থাজবা থমখি মদুদি য়ুনিভর্সিতী অসিগী মহৈরোয়শিংনা থবক অসিদগী হৌরগা পুন্সিগী অতৈ শরুকশিংদা ইথিক্সকী মগুন অসি শন্দোক্কনি। মসিনা মখোয়দা ঙসি ঐখোয়না মথৌ তারিবা সেন্সিতিভিতি অদু শেমগৎলগনি হায়না মহাক্না মখা তাখি।

রাস্ত্রপতিগী ৱারোল য়েংনবগীদমক্তা মফম অসিদা ক্লিক তৌবীয়ু-

*****