వినియోగదారుల నుంచి లభిస్తున్న విశేష స్పందన నేపథ్యంలో బీఎస్ఎన్ఎల్ ’తమ ఫ్రీడమ్ ప్లాన్‘ను మరో 15 రోజులపాటు పొడగిస్తూ నిర్ణయం తీసుకుంది. ఈ ఫీడ్రమ్ ప్లాన్ ను ఆగస్టు 1న కేవలం రూ. 1తో ప్రారంభించింది. ఇందులో భాగంగా  కొత్తగా బీఎస్ఎన్ఎల్ సిమ్ తీసుకునే వినియోగదారులకు కేవలం రూ.1కే  30 రోజులపాటు అపరిమిత 4జీ  సేవలను అందిస్తుంది. మొదట ఈ అవకాశం ఆగస్టు 1 నుంచి 31 వరకు మాత్రమే అందుబాటులో ఉండగా.. ప్రస్తుతం దీనిని సెప్టెంబర్ 15 వరకు పొడిగించింది. 

ఫ్రీడమ్ ప్లాన్ ప్రయోజనాలు:

1. అపరిమిత వాయిస్ కాల్స్(ప్లాన్ నిబంధనల ప్రకారం)

2.రోజుకు 2 జీబీ హై స్పీడ్  డేటా

3. రోజుకు 100 ఎస్సెమ్మెస్ లు

4.ఉచిత సిమ్ ( డీఓటీ మార్గదర్శకాల ప్రకారం కేవైసీ తప్పనిసరి)

  ఫ్రీడమ్ ప్లాన్ పొడిగింపు సందర్భంగా బీఎస్ఎన్ఎల్ సీఎండీ శ్రీ ఏ రాబర్ట్ జే రవి మాట్లాడుతూ..

 "బీఎస్ఎన్ఎల్ ఇటీవల మేక్ ఇన్ ఇండియాలో భాగంగా దేశవ్యాప్తంగా అత్యాధునిక 4G మొబైల్ సేవలను ప్రారంభించింది. ఆత్మనిర్భర్ భారత్ సంకల్పాన్ని ముందుకు తీసుకెళ్లడంలో ఇదొక గొప్ప ప్రయత్నం. ఫ్రీడమ్ ప్లాన్ ప్రకారం మొదటి 30 రోజులు పూర్తిగా ఉచిత సేవలు అందిస్తున్నాం. ఇది స్వదేశీయంగా అభివృద్ధి చేసిన 4జీ సేవలను ఉపయోగించుకునే గొప్ప అవకాశాన్ని వినియోగదారులకు కల్పిస్తుంది. మా సేవల నాణ్యత, పరిధి, బీఎస్ఎన్ఎల్ సంస్థ‌పై ఉన్న నమ్మకం వల్ల ఈ ప్లాన్ ముగిసిన తర్వాత కూడా వినియోగదారులు మా సేవలను కొనసాగిస్తారని మేం నమ్ముతున్నాం."