ବନ୍ଧୁଗଣ,

ଆଜି ବଜେଟ ଅଧିବେଶନର ଆରମ୍ଭରେ, ମୁଁ ସମୃଦ୍ଧିର ଦେବୀ ମା ଲକ୍ଷ୍ମୀଙ୍କୁ ପ୍ରଣାମ କରୁଛି। ଶତାବ୍ଦୀ ଶତାବ୍ଦୀ ଧରି ଏହିପରି ଅବସରମାନଙ୍କରେ  ଆମେ ଦେବୀ ଲକ୍ଷ୍ମୀଙ୍କୁ  ସ୍ମରଣ କରିଆସୁଛୁ -

ସିଦ୍ଧିବୁଦ୍ଧିପ୍ରଦେ ଦେବୀ ଭୁକ୍ତି ମୁକ୍ତି ପ୍ରଦାୟିନୀ। ମନ୍ତ୍ରପୁଟେ ସଦା ଦେବୀ ମହାଲକ୍ଷ୍ମୀ ନମୋସ୍ତୁତେ।

ମାତା ଲକ୍ଷ୍ମୀ ଆମକୁ ସଫଳତା, ଜ୍ଞାନ, ସମୃଦ୍ଧି ଏବଂ କଲ୍ୟାଣ ମଧ୍ୟ ପ୍ରଦାନ କରନ୍ତି। ମୁଁ ମାତା ଲକ୍ଷ୍ମୀଙ୍କୁ ପ୍ରାର୍ଥନା କରୁଛି ଯେ ଦେଶର ପ୍ରତ୍ୟେକ ଗରିବ ଏବଂ ମଧ୍ୟବିତ୍ତ ବର୍ଗର ସମ୍ପ୍ରଦାୟ ଲୋକମାନେ ମା ଲକ୍ଷ୍ମୀଙ୍କ ଆଶୀର୍ବାଦ ପାଆନ୍ତୁ।

ବନ୍ଧୁଗଣ,

ଆମର ଗଣତନ୍ତ୍ର ୭୫ ବର୍ଷ ପୂରଣ କରିଛି ଏବଂ ଏହା ଦେଶର ପ୍ରତ୍ୟେକ ନାଗରିକ ପାଇଁ ସବୁଠାରୁ ଗର୍ବର ମୁହୂର୍ତ୍ତ ଅଟେ । ଭାରତର ଏହି ଶକ୍ତି ଗଣତାନ୍ତ୍ରିକ ବିଶ୍ୱରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନ ମଧ୍ୟ ସୃଷ୍ଟି କରେ।

ବନ୍ଧୁଗଣ,

ଦେଶର ଲୋକମାନେ ମୋତେ ତୃତୀୟ ଥର ପାଇଁ ଏହି ଦାୟିତ୍ୱ ଦେଇଛନ୍ତି, ଏବଂ ଏହା ଏହି ତୃତୀୟ କାର୍ଯ୍ୟକାଳର ପ୍ରଥମ ପୂର୍ଣ୍ଣ ବଜେଟ୍। ମୁଁ ଆତ୍ମବିଶ୍ୱାସର ସହିତ କହିପାରିବି ଯେ ୨୦୪୭  ରେ ଯେତେବେଳେ ଦେଶ ସ୍ୱାଧୀନତାର ୧୦୦  ବର୍ଷ ପାଳନ କରିବ, ଦେଶ ଯେଉଁ ବିକଶିତ ଭାରତର ସଂକଳ୍ପ ନେଇଛି, ଏହି ବଜେଟ୍ ଅଧିବେଶନ, ଏହି ବଜେଟ୍ ଏକ ନୂତନ ଆତ୍ମବିଶ୍ୱାସ ସୃଷ୍ଟି କରିବ, ଏକ ନୂତନ ଶକ୍ତି ଦେବ, ଯେ ଯେତେବେଳେ ଦେଶ ସ୍ୱାଧୀନତାର ୧୦୦  ବର୍ଷ ପାଳନ କରିବ, ସେତେବେଳେ ଏହା ବିକଶିତ ହେବ। ୧୪୦  କୋଟି ଦେଶବାସୀ ସେମାନଙ୍କର ସାମୂହିକ ପ୍ରୟାସରେ ଏହି ସଂକଳ୍ପକୁ ପୂରଣ କରିବେ। ତୃତୀୟ କାର୍ଯ୍ୟକାଳରେ, ଆମେ ଦେଶର ସର୍ବାଙ୍ଗୀନ ବିକାଶ ଦିଗରେ ମିଶନ ମୋଡରେ ଆଗକୁ ବଢ଼ୁଛୁ, ତାହା ଭୌଗୋଳିକ, ସାମାଜିକ କିମ୍ବା ବିଭିନ୍ନ ଆର୍ଥିକ ସ୍ତରର ପରିପ୍ରେକ୍ଷୀରେ ହେଉ। ଆମେ ସର୍ବାଙ୍ଗୀନ ବିକାଶର ସଂକଳ୍ପ ସହିତ ମିଶନ ମୋଡରେ ଆଗକୁ ବଢ଼ୁଛୁ। ନବସୃଜନ, ଅନ୍ତର୍ଭୁକ୍ତିକରଣ ଏବଂ ନିବେଶ ନିରନ୍ତର ଆମର ଆର୍ଥିକ କାର୍ଯ୍ୟକଳାପର ରୋଡମ୍ୟାପ୍ ର ଆଧାର ହୋଇଆସିଛି।

ସର୍ବଦା ପରି, ଏହି ଅଧିବେଶନରେ ଅନେକ ଐତିହାସିକ ଦିନ ରହିବ, ଆସନ୍ତାକାଲି ଗୃହରେ ଆଲୋଚନା ହେବ ଏବଂ ବ୍ୟାପକ ମନ୍ଥନ ସହିତ, ଆଇନ ପ୍ରଣୟନ କରାଯିବ ଯାହା ରାଷ୍ଟ୍ରର ଶକ୍ତି ବୃଦ୍ଧି କରିବା ପାଇଁ କାମ କରିବ। ବିଶେଷକରି ନାରୀ ଶକ୍ତିର ଗର୍ବକୁ ପୁନଃସ୍ଥାପିତ କରିବା ପାଇଁ, ପ୍ରତ୍ୟେକ ମହିଳା ଯେପରି ଧର୍ମ ଏବଂ ସମ୍ପ୍ରଦାୟର କୌଣସି ଭେଦଭାବ ବିନା ଏକ ସମ୍ମାନଜନକ ଜୀବନ ପାଆନ୍ତି ଏବଂ ସମାନ ଅଧିକାର ପାଆନ୍ତି ତାହା ସୁନିଶ୍ଚିତ କରିବା ପାଇଁ, ଏହି ଅଧିବେଶନରେ ଏହି ଦିଗରେ ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯିବ। ସଂସ୍କାର, କାର୍ଯ୍ୟଦକ୍ଷତା ଏବଂ ପରିବର୍ତ୍ତନ, ଯେତେବେଳେ ଆମକୁ ବିକାଶର ଦ୍ରୁତ ଗତି ହାସଲ କରିବାକୁ ପଡ଼ିବ, ସେତେବେଳେ ସର୍ବାଧିକ ଗୁରୁତ୍ୱ ସଂସ୍କାର ଉପରେ ଦିଆଯାଏ, ରାଜ୍ୟ ଏବଂ କେନ୍ଦ୍ର ସରକାରଙ୍କୁ ଏକାଠି କାର୍ଯ୍ୟ କରିବାକୁ ପଡ଼ିବ ଏବଂ ଆମେ ଜନଭାଗୀଦାରୀ ସହିତ ପରିବର୍ତ୍ତନ ଦେଖିପାରିବା।

ଆମର ଦେଶ ଏକ ଯୁବ ଦେଶ, ଏକ ଯୁବ ଶକ୍ତି ଏବଂ ଆଜି ଯେଉଁ ଯୁବକମାନେ ୨୦-୨୫  ବର୍ଷ ବୟସର, ଯେତେବେଳେ ସେମାନେ ୪୦-୪୫  ବର୍ଷ ବୟସର ହେବେ, ସେମାନେ ଏକ ବିକଶିତ ଭାରତର ସବୁଠାରୁ ବଡ଼ ଲାଭାର୍ଥୀ ହେବେ। ସେମାନେ ନିଜ ଜୀବନର ସେହି ପର୍ଯ୍ୟାୟରେ ଥିବେ ଏବଂ ନୀତି ନିର୍ଦ୍ଧାରଣ ବ୍ୟବସ୍ଥାରେ ସେହି ସ୍ଥାନରେ ବସିଥିବେ।  ସ୍ୱାଧୀନତା ପରେ ଆରମ୍ଭ ହେବାକୁ ଥିବା ଶତାବ୍ଦୀରେ ସେମାନେ ଏକ ବିକଶିତ ଭାରତ ସହିତ ଗର୍ବର ସହିତ ଆଗକୁ ବଢ଼ିବେ।  ତେଣୁ ଏକ ବିକଶିତ ଭାରତର ସଂକଳ୍ପକୁ ପୂରଣ କରିବାର ଏହି ପ୍ରୟାସ, ଏହି ବିଶାଳ କଠିନ ପରିଶ୍ରମ, ଆମର କିଶୋରମାନଙ୍କ ପାଇଁ, ଆଜିର ଯୁବ ପିଢ଼ି ପାଇଁ ଏକ ମହାନ ଉପହାର ହେବାକୁ ଯାଉଛି। ଯେଉଁମାନେ ୧୯୩୦, ୧୯୪୨ ରେ ସ୍ୱାଧୀନତା ସଂଗ୍ରାମରେ ସାମିଲ ହୋଇଥିଲେ, ସମଗ୍ର ଦେଶର ଯୁବ ପିଢ଼ି ସ୍ୱାଧୀନତା ସଂଗ୍ରାମରେ ବିତାଇଥିଲେ, ଏବଂ ଏହାର ଫଳ ୨୫  ବର୍ଷ ପରେ ଆସିଥିବା ପିଢ଼ି ପାଇଥିଲେ। ସେହି ଯୁଦ୍ଧରେ ସାମିଲ ଥିବା ଯୁବପିଢ଼ି ତାହା ପାଇଲେ। ସ୍ୱାଧୀନତା ପୂର୍ବରୁ ସେହି ୨୫ ବର୍ଷ ସ୍ୱାଧୀନତା ପାଳନ କରିବାର ସୁଯୋଗ ମିଳିଲା । ସେହିପରି, ଏହି ୨୫ ବର୍ଷ ହେଉଛି ଭାରତକୁ ସମୃଦ୍ଧ, ବିକଶିତ କରିବା ଓ  ସଂକଳ୍ପରୁ ସିଦ୍ଧି ଏବଂ ସିଦ୍ଧି  ଶିଖର ପର୍ଯ୍ୟନ୍ତ  ପହଞ୍ଚିବା ପାଇଁ ଦେଶବାସୀଙ୍କ ଉଦ୍ଦେଶ୍ୟ ତେଣୁ, ଏହି ବଜେଟ ଅଧିବେଶନରେ, ସମସ୍ତ ସାଂସଦ ବିକଶିତ ଭାରତକୁ ମଜବୁତ କରିବାରେ ଯୋଗଦାନ ଦେବେ। ବିଶେଷକରି, ଏହା ଯୁବ ସାଂସଦମାନଙ୍କ ପାଇଁ ଏକ ସୁବର୍ଣ୍ଣ ସୁଯୋଗ, କାରଣ ଆଜି ସେମାନେ ଗୃହରେ ଯେତେ ଅଧିକ ସଚେତନତା ଏବଂ ଅଂଶଗ୍ରହଣ ବୃଦ୍ଧି କରିବେ, ବିକଶିତ ଭାରତର ଫଳ ସେମାନଙ୍କ ଆଖି ଆଗରେ ଦୃଶ୍ୟମାନ ହେବ।  ତେଣୁ, ଏହା ଯୁବ ସାଂସଦମାନଙ୍କ ପାଇଁ ଏକ ଅମୂଲ୍ୟ ସୁଯୋଗ।

ବନ୍ଧୁଗଣ,

ମୁଁ ଆଶା କରୁଛି ଯେ ଆମେ ଏହି ବଜେଟ ଅଧିବେଶନରେ ଦେଶର ଆଶା ଏବଂ ଆକାଂକ୍ଷା ପୂରଣ କରିବୁ।

ବନ୍ଧୁଗଣ,

ଆଜି, ଆପଣମାନେ ନିଶ୍ଚିତ ଭାବରେ ଗୋଟିଏ କଥା ଲକ୍ଷ୍ୟ କରିଥିବେ, ଏବଂ ଗଣମାଧ୍ୟମର ଲୋକମାନେ ନିଶ୍ଚିତ ଭାବରେ ଏହାକୁ ମଧ୍ୟ  ଲକ୍ଷ୍ୟ କରିବା ଉଚିତ। ହୁଏତ,୨୦୧୪ ପର ଠାରୁ  ଏପର୍ଯ୍ୟନ୍ତ, ଏହା ସଂସଦର ପ୍ରଥମ ଅଧିବେଶନ, ଯେଉଁଥିରେ ଗୋଟିଏ କିମ୍ବା ଦୁଇ ଦିନ ପୂର୍ବରୁ କୌଣସି ବିଦେଶୀ  ନିଆଁ ଲଗାଇ ନାହିଁ, ବିଦେଶରୁ ନିଆଁ ଜାଳିବାର କୌଣସି ପ୍ରୟାସ କରାଯାଇ ନାହିଁ। ମୁଁ ଗତ ୧୦  ବର୍ଷ ଧରି, ୨୦୧୪  ଠାରୁ ଦେଖୁଛି ଯେ ପ୍ରତ୍ୟେକ ଅଧିବେଶନ ପୂର୍ବରୁ ଲୋକମାନେ ଦୁଷ୍ଟାମି ସୃଷ୍ଟି କରିବାକୁ ପ୍ରସ୍ତୁତ ବସି ରହୁଥିଲେ, ଏବଂ ଏଠାରେ ଏପରି ଲୋକଙ୍କର ଅଭାବ ନାହିଁ ଯେଉଁମାନେ ଏହାକୁ ଇନ୍ଧନ ଯୋଗାଉଥିଲେ ।ଗତ ୧୦ ବର୍ଷ ପରେ ଏହା ପ୍ରଥମ ଅଧିବେଶନ  ମୁଁ ଦେଖୁଛି ଯେଉଁଥିରେ କୌଣସି ବିଦେଶୀ କୋଣରୁ କୌଣସି ଚିଙ୍ଗାର ଆସିନଥିଲା।

ବନ୍ଧୁଗଣ, ଅନେକ ଅନେକ ଧନ୍ୟବାଦ।

******

SPD