ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଜାନୁଆରୀ ୧୩ ତାରିଖରେ ଜାମ୍ମୁ-କାଶ୍ମୀର ଗସ୍ତ କରିବେ ଏବଂ ସୋନାମାର୍ଗ ଟନେଲ ପ୍ରକଳ୍ପକୁ ଉଦଘାଟନ କରିବେ ପ୍ରଧାନମନ୍ତ୍ରୀ
ସୋନମାର୍ଗ ଟନେଲ ଶ୍ରୀନଗର ଏବଂ ଲେହକୁ ଯାଉଥିବା ସୋନମାର୍ଗ ମଧ୍ୟରେ ସବୁଦିନିଆ ସଂଯୋଗ ପ୍ରଦାନ କରିବ
ଏହି ପ୍ରକଳ୍ପ ରଣନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଲଦାଖ ଅଞ୍ଚଳକୁ ନିରାପଦ ଏବଂ ନିରବଚ୍ଛିନ୍ନ ପ୍ରବେଶ ସୁନିଶ୍ଚିତ କରିବ
ଏହି ପ୍ରକଳ୍ପ ପ୍ରତିରକ୍ଷା ଲଜିଷ୍ଟିକ୍ସକୁ ପ୍ରୋତ୍ସାହନ ଦେବ, ଜାମ୍ମୁ-କାଶ୍ମୀର ଏବଂ ଲଦାଖରେ ଆର୍ଥିକ ଅଭିବୃଦ୍ଧି ଏବଂ ସାମାଜିକ-ସାଂସ୍କୃତିକ ଏକୀକରଣକୁ ପ୍ରୋତ୍ସାହିତ କରିବ
ସୋନମାର୍ଗକୁ ବର୍ଷସାରା ଗନ୍ତବ୍ୟସ୍ଥଳରେ ପରିଣତ କରି ପର୍ଯ୍ୟଟନକୁ ଏକ ବଡ଼ ପ୍ରୋତ୍ସାହନ ମିଳିବ
Posted On:
11 JAN 2025 5:41PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜାନୁଆରୀ ୧୩ ତାରିଖରେ ଜାମ୍ମୁ-କାଶ୍ମୀରର ସୋନାମାର୍ଗ ଗସ୍ତ କରିବେ। ସକାଳ ପ୍ରାୟ ୧୧.୪୫ଟା ରେସେ ସୋନମର୍ଗ ଟନେଲ ପରିଦର୍ଶନ କରିବେ, ଯାହା ପରେ ଉଦଘାଟନ ହେବ। ଏହି ଅବସରରେ ସେ ସମାବେଶକୁ ମଧ୍ୟ ସମ୍ବୋଧିତ କରିବେ।
ପ୍ରାୟ ୧୨ କିଲୋମିଟର ଲମ୍ବ ବିଶିଷ୍ଟ ସୋନାମାର୍ଗ ଟନେଲ ପ୍ରକଳ୍ପକୁ ୨୭୦୦ କୋଟିରୁ ଅଧିକ ଟଙ୍କା ବ୍ୟୟରେ ନିର୍ମାଣ କରାଯାଇଛି। ଏଥିରେ ୬.୪୦ କି. ମି. ଲମ୍ବ ବିଶିଷ୍ଟ ସୋନମର୍ଗ ମୁଖ୍ୟ ଟନେଲ, ଏକ ଅଗ୍ରଗାମୀ ଟନେଲ ଏବଂ ପ୍ରବେଶ ପଥ ରହିଛି। ସମୁଦ୍ର ପୃଷ୍ଠରୁ ୮୬୫୦ ଫୁଟରୁ ଅଧିକ ଉଚ୍ଚତାରେ ଅବସ୍ଥିତ, ଏହା ଭୂସ୍ଖଳନ ଏବଂ ତୁଷାରପାତ ମାର୍ଗକୁ ବାଇପାସ୍ କରି ଲେହକୁ ଯାଉଥିବା ଶ୍ରୀନଗର ଏବଂ ସୋନମର୍ଗ ମଧ୍ୟରେ ସମସ୍ତ ପାଣିପାଗ ସଂଯୋଗକୁ ବୃଦ୍ଧି କରିବ ଏବଂ ରଣନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଲଦାଖ ଅଞ୍ଚଳକୁ ନିରାପଦ ଏବଂ ନିରବଚ୍ଛିନ୍ନ ପ୍ରବେଶ ସୁନିଶ୍ଚିତ କରିବ। ଏହା ସୋନମର୍ଗକୁ ବର୍ଷସାରା ଗନ୍ତବ୍ୟସ୍ଥଳରେ ପରିଣତ କରି, ଶୀତକାଳୀନ ପର୍ଯ୍ୟଟନ, ଦୁଃସାହସିକ କ୍ରୀଡ଼ା ଏବଂ ସ୍ଥାନୀୟ ଜୀବିକା ବୃଦ୍ଧି କରି ପର୍ଯ୍ୟଟନକୁ ମଧ୍ୟ ପ୍ରୋତ୍ସାହିତ ଦେବ।
୨୦୨୮ ସୁଦ୍ଧା ସମ୍ପୂର୍ଣ୍ଣ ହେବାକୁ ଥିବା ଜୋଜିଲା ଟନେଲ ସହିତ, ଏହାର ଦୈର୍ଘ୍ୟ ୪୯ କିଲୋମିଟରରୁ ୪୩ କିଲୋମିଟରକୁ ହ୍ରାସ କରିବ ଏବଂ ଯାନବାହାନର ବେଗ ଘଣ୍ଟାପ୍ରତି ୩୦ କିଲୋମିଟରରୁ ୭୦ କିଲୋମିଟରକୁ ବୃଦ୍ଧି କରିବ, ଯାହା ଶ୍ରୀନଗର ଉପତ୍ୟକା ଏବଂ ଲଦାଖ ମଧ୍ୟରେ ନିରବଚ୍ଛିନ୍ନ ଏନ୍. ଏଚ୍.-୧ ସଂଯୋଗକୁ ସୁନିଶ୍ଚିତ କରିବ। ଏହି ବର୍ଦ୍ଧିତ ସଂଯୋଗ ଜାମ୍ମୁ-କାଶ୍ମୀର ଏବଂ ଲଦାଖରେ ପ୍ରତିରକ୍ଷା ଲଜିଷ୍ଟିକ୍ସକୁ ପ୍ରୋତ୍ସାହିତ କରିବ, ଅର୍ଥନୈତିକ ଅଭିବୃଦ୍ଧି ଏବଂ ସାମାଜିକ-ସାଂସ୍କୃତିକ ଏକୀକରଣକୁ ତ୍ୱରାନ୍ୱିତ କରିବ।
ଏହି ଇଞ୍ଜିନିୟରିଂ କୃତିତ୍ୱରେ ସେମାନଙ୍କ ଅବଦାନକୁ ସ୍ୱୀକାର କରି, ସବୁଠାରୁ କଠିନ ପରିସ୍ଥିତିରେ ଦୃଢତାର ସହ କାର୍ଯ୍ୟ କରିଥିବା ନିର୍ମାଣ ଶ୍ରମିକମାନଙ୍କୁ ମଧ୍ୟ ପ୍ରଧାନମନ୍ତ୍ରୀ ଭେଟିବେ।
HS
(Release ID: 2158797)
Read this release in:
Assamese
,
English
,
Urdu
,
Marathi
,
Hindi
,
Manipuri
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam