وزیر اعظم جناب نریندر مودی نے 79 ویں یوم آزادی پر ہندوستان کے کسانوں کو جذباتی خراج عقیدت پیش کیا اور انہیں ملک کے انحصار سے خود انحصاری تک کے سفر کا ستون قرار دیا۔ انہوں نے یاد کیا کہ کس طرح نوآبادیاتی حکمرانی نے ملک کو غریب کر دیا تھا، لیکن یہ کسانوں کی انتھک کوششیں تھیں جنہوں نے ہندوستان کے اناج کو بھر دیا اور ملک کی خوراک کی خودمختاری حاصل کی۔ اپنے خطاب میں جناب مودی نے ہندوستانی زراعت کے مستقبل کے لیے ایک واضح روڈ میپ کے ساتھ تہہ دل سے شکریہ ادا کیا۔

کسان – ہندوستان کی خوشحالی کی بنیاد

وزیر اعظم مودی نے کہا کہ کسان، مویشی پالنے والے کسان اور ماہی گیر ہندوستان کی بڑھتی ہوئی معیشت سے براہ راست فائدہ اٹھا رہے ہیں۔ آج،  ہندوستان  کا ایک مقام ہے:

• دودھ، دالوں اور جوٹ کی پیداوار میں عالمی سطح پر پہلے مقام  پر ہے۔
• چاول، گندم، کپاس، پھلوں اور سبزیوں میں دوسرے نمبر پر ہے۔

انڈس واٹر ٹریٹی –   سب سے پہلے ہندوستان  کے مفادات

وزیر اعظم جناب مودی نے سندھ آبی معاہدے کو غیر منصفانہ قرار دیتے ہوئے کہا کہ اس معاہدے نے اپنی موجودہ شکل میں ہندوستان کے کسانوں کو نقصان پہنچایا ہے۔ انہوں نے اعلان کیا کہ ہندوستان اب اس طرح کے یک طرفہ انتظامات کو قبول نہیں کرے گا اور اپنے کھیتوں اور لوگوں کے لیے پانی کے اپنے جائز حصے کا دوبارہ دعوی کرے گا۔

زرعی خود انحصاری - کھاد اور سرمایہ کاری

وزیر اعظم مودی نے کہا کہ غذائی تحفظ کو درآمدات کے لیے کمزور نہیں چھوڑا جا سکتا۔ انہوں نے کھادوں اور کلیدی اجناس کی گھریلو پیداوار کی فوری ضرورت پر زور دیا، تاکہ یہ یقینی بنایا جا سکے کہ ہندوستانی کسان بااختیار ہوں اور ہندوستان کی زراعت آزادانہ طور پر پروان چڑھے۔ انہوں نے کہا کہ یہ نہ صرف کسانوں کی فلاح و بہبود کے لیے ضروری ہے بلکہ ملک کی اقتصادی خودمختاری کو مضبوط بنانے کے لیے بھی ضروری ہے۔

ہماری اسکیموں کی وجہ سے زیادہ پراعتماد کسان:

وزیر اعظم مودی نے کسان کی طاقت کی تعریف کرتے ہوئے کہا کہ چاہے چھوٹے کسان ہوں، مویشی پالنے والے کسان ہوں یا ماہی گیر، سبھی کئی ترقیاتی اسکیموں سے فائدہ اٹھا رہے ہیں۔

پی ایم کسان سمان ندھی، بارش کے پانی کی ذخیرہ اندوزی، آبپاشی کے منصوبے، معیاری بیج کی تقسیم اور بروقت کھاد کی فراہمی جیسے اقدامات نے ملک بھر کے کسانوں کے اعتماد کو بڑھایا ہے۔

کسانوں کے تحفظ کے لیے دیوار

وزیر اعظم مودی نے اپنے خطاب کے اس حصے کو ایک عہد کے ساتھ ختم کیا جو پورے ملک میں گونج اٹھا:

"مودی کسی بھی ایسی پالیسی کے خلاف دیوار کی طرح کھڑا  ہے جو ہندوستان کے کسانوں، مویشی پانے والوں  اور ماہی گیروں کے لیے نقصان دہ ہو۔ ہندوستان اپنے کسانوں کے مفادات پر کوئی سمجھوتہ نہیں کرے گا۔"

*****

ش ح- ظ ا

UR No. 4754