تاریخی لال قلعہ سے اپنے 12 ویں یوم آزادی خطاب کے موقع پر وزیر اعظم جناب نریندر مودی نے آج ایک لاکھ کروڑ روپے کی مالیت والے پردھان منتری وکست بھارت روزگار یوجنا کا اعلان کیا ۔ اس تبدیلی کی اسکیم کا مقصد دو برسوں میں 3.5 کروڑ سے زیادہ ملازمتیں پیدا کرنے میں مدد کرنا ہے۔ اس اسکیم کے تحت نئے ملازمت کرنے والے نوجوانوں کو دو قسطوں میں 15,000 روپے تک کی ترغیبی مدد دی جائے گی اور آجروں کو روزگار کے نئے مواقع پیدا کرنے کے لیے ہر نئے ملازم پر 3000 روپے ماہانہ تک کی ترغیبی مدد دی جائے گی۔

اسکیم کی اہم خصوصیات:

جز الف - پہلی بار ملازمین کی مدد:

ای پی ایف او کے ساتھ پہلی بار رجسٹرڈ ملازمین کو نشانہ بناتے ہوئے یہ حصہ دو قسطوں میں 15,000 روپے تک ایک ماہ کی ای پی ایف تنخواہ پیش کرے گا۔ ایک لاکھ روپے تک کی تنخواہ والے ملازمین مراعات کے اہل ہوں گے۔ پہلی قسط 6 ماہ کی سروس کے بعد ادا کی جائے گی اور دوسری قسط 12 ماہ کی سروس اور ملازم کے ذریعے مالی خواندگی پروگرام کی تکمیل کے بعد ادا کی جائے گی۔ بچت کی عادت کی حوصلہ افزائی کرنے کے لیے، ترغیب کا ایک حصہ ایک مقررہ مدت کے لیے ڈپازٹ اکاؤنٹ کے بچت کے آلہ میں رکھا جائے گا اور بعد کی تاریخ میں ملازم کے ذریعہ واپس لیا جاسکتا ہے۔

جز الف سے پہلی بار ملازم بننے والے تقریباً 1.92 کروڑ ملازمین کو فائدہ ہوگا۔

جز ب - آجروں کے لیے ترغیبات:

یہ جز مینوفیکچرنگ کے شعبے پر خصوصی توجہ کے ساتھ تمام شعبوں میں اضافی روزگار پیدا کرنے کو فروغ دے گا۔ آجروں کو ایک لاکھ روپے تک کی تنخواہ والے نئے ملازمین کے سلسلے میں مراعات ملیں گی۔ حکومت آجروں کو کم از کم چھ ماہ تک برقرار رہنے والے ہر اضافی روزگار کے لیے دو سال کے لیے 3000واں روپے ماہانہ تک کو فروغ دے گی۔ مینوفیکچرنگ سیکٹر کے لیے تیسرے اور چوتھے سال کے لیے بھی مراعات دی جائیں گی ۔

توقع ہے کہ یہ جز تقریباً 2.60 کروڑ افراد کے اضافی روزگار کی تخلیق کے لیے آجروں کو ترغیبی مدد دے گا۔

ترغیبی ادائیگی کا طریقہ کار: اسکیم کے پارٹ اے کے تحت پہلی بار کام کرنے والے ملازمین کو تمام ادائیگیاں آدھار برج پیمنٹ سسٹم (اے بی پی ایس) کا استعمال کرتے ہوئے ڈی بی ٹی (ڈائریکٹ بینیفٹ ٹرانسفر) موڈ کے ذریعے کی جائیں گی۔ پارٹ بی کے تحت آجروں کو ادائیگی براہ راست ان کے پین سے منسلک کھاتوں میں کی جائے گی۔ ای ایل آئی اسکیم کے ذریعے حکومت تمام شعبوں خاص طور پر مینوفیکچرنگ سیکٹر میں روزگار کے مواقع پیدا کرنے کے علاوہ نوجوانوں کو پہلی بار افرادی قوت میں شامل ہونے کی ترغیب دینے کا ارادہ رکھتی ہے۔ اس اسکیم کا ایک اہم نتیجہ کروڑوں نوجوان مردوں اور عورتوں کے لیے سماجی تحفظ کی کوریج کو بڑھا کر ملک کی افرادی قوت کو باضابطہ بنانا بھی ہوگا۔

***

(ش ح – ع ا)

U. No. 4757