وزیر دفاع جناب راج ناتھ سنگھ نے 14 اگست 2025 کو نئی دہلی کے ساؤتھ بلاک میں انڈمان اور نکوبار جزائر کی قبائلی برادریوں کے 30 ہونہار اعلی ثانوی درجے کے طلبا کے ساتھ بات چیت کی ۔ وزیر دفاع کے ساتھ طلبا کی بات چیت اروہن: دیپ ٹو دہلی کا حصہ ہے ، جو کہ انڈمان اور نکوبار کمانڈ (اے این سی) کے زیر اہتمام سات روزہ قومی یکجہتی ٹور ہے ۔ یہ طلبا 15 اگست 2025 کو لال قلعہ میں یوم آزادی کی تقریبات کا بھی مشاہدہ کریں گے ۔

بات چیت کے دوران ، وزیر دفاع نے انسانی اقدار کی اہمیت پر زور دیا  اور انہیں کسی شخص کے کردار  سازی  میں سب سے اہم پہلو قرار دیا ۔ انہوں نے طلباء پر زور دیا کہ وہ انسانی اقدار پر قائم رہیں اور تعلیمی سرگرمیوں کے ساتھ ساتھ اپنے کردار سازی پر بھی یکساں زور دیں ۔

جناب راج ناتھ سنگھ نے طلبا پر زور دیا کہ وہ ہر چیلنج کا اعتماد کے ساتھ اور خوف کے بغیر مقابلہ کریں ۔ انہوں نے طلباء کی حوصلہ افزائی کی کہ وہ آنے والے وقت میں ہندوستان کو سب سے طاقتور ممالک میں سے ایک بنانے میں اپنا تعاون دیں اور ان کی مستقبل کی کوششوں کے لیے اپنی نیک خواہشات کا  اظہار کیا ۔

اپنی الفت  کا اظہار کرتے ہوئے ، وزیر دفاع نے  دورہ کرنے والے طلباء کو مٹھائیاں پیش کیں  اور میٹنگ کا اختتام جزائر کے مقامی قبائلی کاریگروں کی طرف سے روایتی دستکاری کی یادگار پیش کرنے کے ساتھ ہوا ۔ جناب راج ناتھ سنگھ نے اے این سی کے اس منفرد اقدام کی تعریف کی ، جسے ہیڈکوارٹر انٹیگریٹڈ ڈیفنس اسٹاف ، ہیڈکوارٹر دہلی ایریا ، اور انڈمان و نکوبار جزائر کی سول ایڈمنسٹریشن کی حمایت حاصل ہے ۔ بات چیت کے دوران چیف آف ڈیفنس اسٹاف جنرل انیل چوہان اور چیف آف انٹیگریٹڈ ڈیفنس اسٹاف ایئر مارشل آشوتوش دکشت بھی موجود تھے ۔

اروہن: دویپ ٹو دہلی، دور دراز جزیرے کی برادریوں کے نوجوانوں کو ہندوستان کے بھرپور ثقافتی ورثے ، جدید بنیادی ڈھانچے اور تعلیمی مواقع سے روشناس کرانے کے مقصد سے ڈیزائن کیا گیا ہے ۔ اس دورےکے پروگرام میں لال قلعہ ، انڈیا گیٹ ، نیشنل وار میموریل اور تاج محل جیسے مشہور مقامات کے ساتھ ساتھ دہلی ٹیکنالوجی یونیورسٹی اور نیشنل سائنس سینٹر جیسے اہم اداروں کا دورہ بھی شامل ہے ۔ یہ پروگرام قومی یکجہتی کو فروغ دینے اور جزائر کے مستقبل کے رہنماؤں کو بااختیار بنانے کے لیے حکومت کے عزم کی عکاسی کرتا ہے ۔

* * * *

)ش ح – ع  ح  -  م ذ(

UN.4703