پارلیمنٹ نے آج راجیہ سبھا سے منظوری کے بعد مرچنٹ شپنگ بل 2025 کو منظوری دے دی۔یہ بل ایک تاریخی قانون ہے جس کا مقصد بھارت کے سمندری فریم ورک کو جدید بنانا ہے، ملک کے قوانین کو بین الاقوامی بہترین طور طریقوں اور بین الاقوامی بحری تنظیم (آئی ایم او)کے قوانین سے ہم آہنگ کرنا ہے، تاکہ بھارت کا بحری شعبہ موجودہ اور آئندہ چیلنجز سے نمٹنے کے لیے لیس، تیار اور متعلقہ رہے۔ اس بل کوجاری اجلاس کے دوران 6 اگست کو لوک سبھا میں منظور کیے جانے کے بعد بندرگاہوں، جہازرانی اور آبی گزرگاہوں  کےمرکزی (ایم او پی ایس ڈبلیو)وزیر جناب سربانند سونووال نے راجیہ سبھا میں بحث کے لیے پیش کیا۔

مرکزی وزیر جناب سربانند سونوال نے اس بل کو “بھارت کو ایک قابل اعتماد سمندری تجارتی مرکز کے طور پر مقام دلانے کی جانب ایک فیصلہ کن قدم” قرار دیا۔ جناب سونوال نے کہا، “یہ بل ایک انضباطی بوجھ سے بھرپور نقطہ نظر سے ایک سازگار پالیسی ماحول کی طرف تبدیلی کی علامت ہے جو سرمایہ کاروں کے اعتماد کو فروغ دے گا، حفاظتی معیارات کو بہتر بنائے گا، ہمارے سمندری ماحولیاتی نظام کا تحفظ کرے گااور بھارت کی حیثیت کو ایک سمندری طاقت کے طور پر مضبوط کرے گا۔”انہوں نے مزید کہا، “اس بل میں عالمی بہترین طور طریقے شامل ہیں، یہ تعمیل کے بوجھ کو کم کرتا ہےاور ہمارے بین الاقوامی وعدوں کو جامع طور پر اپنانے کو یقینی بناتا ہے — یہ سب اس شعبے میں ترقی اور پائیداری کو تحریک دیں گے۔ وزیر اعظم جناب نریندر مودی جی کے وژن کی قیادت میں، یہ بل ایک پرانے، پیچیدہ فریم ورک کی جگہ ایک ترقی پسند، مربوط قانون لائے گاجو بطور سمندری مرکز بھارت کی بینکاری کی قابلیت کو بڑھائے گا، ہمارے پرچم تلے باربردار جہازوں کی گنجائش میں اضافہ کرے گا، تعمیل کے بوجھ کو کم کرے گا اور ہمارے ساحلی علاقوں کو محفوظ بنائے گا۔”

بندرگاہوں، جہاز رانی اور آبی گزرگاہوں کی وزارت (ایم او پی ایس ڈبلیو) نے قانون سازی کی اصلاحات میں ایک نیا معیار قائم کیا ہے ، جس نے پارلیمنٹ کے ایک ہی اجلاس میں سمندری شعبے کی قانون سازی کی ریکارڈ تعداد کو آگے بڑھایا ہے ۔ یہ تاریخی کارنامہ بھارت کو عالمی سمندری رہنما میں تبدیل کرنے اور وکست بھارت کے لیے ایک مضبوط بنیاد بنانے کے حکومت کے عزم کی عکاسی کرتا ہے ۔

بھاری اور فرسودہ مرچنٹ شپنگ ایکٹ ، 1958 ، جس میں 561 دفعات تھیں، کو تبدیل کرکے ، یہ نیا بل 16 ابواب اور 325 شقوں کا ایک ہموار فریم ورک پیش کرتا ہے۔ یہ بڑے بین الاقوامی کنونشنوں کے تحت بھارت کی ذمہ داریوں کو جامع طور پر اپنانے کو یقینی بناتا ہے، کاروبار کرنے میں آسانی کو بہتر بنانے کے لیے تعمیل کے بوجھ کو کم کرتا ہے، جہاز رانی اور سمندر میں زندگی میں حفاظت کو بڑھاتا ہے، سمندری ماحول کی حفاظت کرتا ہے، ہنگامی تیاریوں اور بچاؤ کی کارروائیوں کو مضبوط کرتا ہے، بھارتی پرچم کے نیچے باربردار جہازوں کی گنجائش کو بڑھاتا ہےاور بھارت کے ساحل اور سمندری مفادات کا تحفظ کرتا ہے۔

جناب سربانند سونووال نے مزید کہا ،’’وزیر اعظم جناب نریندر مودی جی کی متحرک قیادت میں ،بھارت کے سمندری شعبے کو ایک مستقبل پر مبنی، فعال پالیسی فریم ورک اور مستقبل کے لیے تیاری کے ساتھ بااختیار بنایا جا رہا ہے جو ملک کو دنیا میں ایک اہم سمندری طاقت بنانے کے لیے تیار ہے ۔ہماری بندرگاہیں، جہاز رانی اور آبی گزرگاہیں اب عالمی تجارت کا بہت زیادہ حصہ اپنے کندھوں پر اٹھانے، اقتصادی ترقی کو آگے بڑھانے، روزگار پیدا کرنے اور وکست بھارت کے وژن میں براہ راست تعاون کرنے کے لیے تیار ہیں۔

وزارت نے اس بات پر زور دیا ہے کہ توجہ محض ضابطہ کاری سے فعال کرنے کی طرف منتقل ہو رہی ہے، جس سے سمندری دائرہ اختیار کے طور پر بھارت کی ’’بینکاری قابلیت‘‘ میں اضافہ ہو رہا ہے۔ یہ نقطۂ نظر زیادہ سے زیادہ عالمی سرمایہ کاری کو راغب کرنے، روزگار پیدا کرنے اور پائیدار ترقی کے لیے ایک ماحول پیدا کرنے کے لیے بنایا گیا ہے۔

قانون سازی کی مہم – جو وزارت کی تاریخ میں سب سے زیادہ جامع ہے – سمندری جہازوں کے دنیا کے سب سے بڑے سپلائرز اور عالمی جہاز رانی کے راستوں میں ایک اہم شراکت دار کے طور پر بھارت کے ابھرنے میں مدد کرتی ہے۔ جناب سربانند سونووال نے کہا، ’’ان اصلاحات کے ساتھ، بھارت صرف عالمی سمندری معیارات کے مطابق ہی نہیں چل رہا ہےبلکہ ہم اپنی بندرگاہوں، جہاز رانی اور آبی گزرگاہوں کے لیے ایک ترقی یافتہ ملک بننے کی جانب بھارت کے سفر میں مرکزی کردار ادا کرنے کے لیے اسٹیج ترتیب دے رہے ہیں۔‘‘

***************

(ش ح۔ک ح۔ش ب ن)

U No. 4552