কেন্দ্রগী কম্ম্যুনিকেসন্স অমসুং অৱাং-নোংপোক লমদমগী চাউখৎ থৌরাং মন্ত্রী (DoNER), শ্রী জ্যোতিরাদিত্যা এম. সিন্ধিয়ানা য়ুমশকৈশা (ওগস্ত 6, 2025) নুমিৎতা NERদা লোজিস্তিক্স, ইনফ্রাস্ত্রকচর কন্নেক্তিবিতীগী মতাংদা হায়-লেবেল তাস্ক ফোর্স (HLTF) দা শরুক য়াখি। অসামগী মুখ্য মন্ত্রী, দা. হিমন্তা বিস্ব শর্মানা মীফম অদুগী ময়াই তাংবল লৌখি লোয়ননা অরুনাচল প্রদেশকী মুখ্য মন্ত্রী শ্রী পেমা খাণ্ডু, মিজোরামগী পব্লিক হেল্থ ইঞ্জিনীয়রিং অমসুং রুরেল দিবেলপমেন্ত মন্ত্রী, প্রোফেসর লালনিলৌমা অমসুং সিক্কিমগী কম্মর্স অমসুং ইন্দস্ত্রীজ মন্ত্রী, শ্রী শেরিং থেন্দুপ বুতিয়া য়াওনা ইকাই খুম্নরবা মেম্বরশিং অমসুং MDoNERগী ওফিসিএলশিংসু শরুক য়াখি।

HLTFকী মীফম অদুনা অৱাং নোংপোক লমদমদা হাইৱেজ, রেলৱেজ, ৱাতরৱেজ, এয়রৱেজ, লোজিস্তিক্স অমসুং দিজিতেল কন্নেক্তিবিতীগী সেক্তরশিংদা লৈরিবা অচৌবা অৱাৎপশিং অদুদা মীৎয়েং থমখি। অসিগুম্বা অৱাৎপা অসি কোকহন্নবা, HLTF মীফমনা কমপ্রিহেন্সিব ইনফ্রাস্ত্রকচর মাস্তরপ্লান অমা শেম্নবা ৱারেপ লৌখি। থৌরাং অসি অৱাং-নোংপোক্কী রাজ্য 8 অমসুং কেন্দ্রগী মন্ত্রালয়শিংগা তান্নদুনা শেমগৎকনি, মসিনা লমদম অসিগী চাউখৎ থৌরাংগীদমক্তা পুন্না থবক তৌমিন্নবা ঙমহনগনি।

মীফম অদুদা খন্ন-নৈনখিবা মরুওইবা ৱাফমশিংগী মনুংদা স্তেত-স্পেসিফিক বোতলনেকশিং অমসুং শিংনবশিং মশক খঙদোকপা, মরুওইবা কন্নেক্তিবিতী গেপশিং অমসুং প্রাইওরিতী পীবা ইনফ্রাস্ত্রকচরগী মথৌ তাবশিং, কেপিতেল ফোর্মেশনগীদমক স্তেত বজেৎশিং অমসুং নেস্নেল ইনভেস্তমেন্তশিং পুনশিনবা, অমসুং ২০৪৭ ফাওবদা ভিক্সিৎ NER @ 2047গীদমক রোদমেপ ইমপ্লিমেন্ত তৌবা য়াওরি।

অসামগী মুখ্য মন্ত্রীনা খা-নোংপোক এসিয়াগী গেৎৱে অমা ওইনা অৱাং-নোংপোক লমদমগী স্ত্রেতেজিক ওইবা মরুওইবা অদু পনখি। মহাক্না হায়খি মদুদি ২০১৪দগী হৌরগা সরকারনা NERদা ইনফ্রাস্ত্রকচর কন্নেক্তিবিতী হেনগৎহন্নবা খোঙথাং কয়া লৌখৎখ্রে, অদুম ওইনমক পোৎলমশিং পুথোক পুশিন তৌবদা য়াম্লবা শেনফম চংবা অসি হৌজিকসু কোকহনবা মথৌ তারিবা মরু ওইবা বোতলনেকশিংগী মনুংদা অমা ওইরি। মহাক্না মখা তানা হায়খি মদুদি কালাদান মল্তিমোদেল ত্রান্সিৎ ত্রান্সপোর্ত প্রোজেক্ত (KMMTTP) গী থবকশিং খোঙজেল য়াংনা পায়খৎলি অমসুং মসিনা NERবু ম্যান্মারগী সিৎৱে পোর্তকা শম্নহল্লগনি।

অরুনাচল প্রদেশকী মুখ্য মন্ত্রীনা হায়খি মদুদি অরুনাচল প্রদেশকী মফমশিং অসি য়াম্না পাকশন্না শন্দোকপা অমসুং মীশিং য়াম্না তাদবা মরম্না হৌজিক ফাওবদা লম্বীগী কন্নেক্তিবিতী লৈতবা খুঙ্গং কয়া অমা লৈরি। মহাক্না হায়খি মদুদি HLTFনা PMGSY অমসুং ভারত সরকারগী অতোপ্পা মরী লৈনবা স্কিমশিংগী খুত্থাংদা খুঙ্গংশিং অসিদা কন্নেক্তিবিতী ফংহন্নবা হোৎনবা য়াগনি। মহাক্না মখা তানা হায়খি মদুদি হোলোঙ্গী এয়রপোর্তকী এয়র কন্নেক্তিবিতী অসি ফ্লাইৎশিংগী ফ্রিক্বেন্সী অমসুং স্তেত অসিদগী ওপরেৎ তৌরিবা এয়রলাইন ওপরেতরশিংগী মশিং হেনগৎহন্দুনা ফগৎহনবা য়াই। মখা তানা, মহাক্না নীতি আয়োগকী মতুং ইন্না NERগী অপুনবা চাউখৎ-থৌরাংগীদমক থিঙ্ক-তেঙ্ক অমা ওইনা মথৌ তৌনবা নোর্থ ইস্তর্ন কাউন্সিল (NEC) অসি রিওরিয়ন্ত তৌবা মথৌ তাই।

মিজোরমগী পব্লিক হেল্থ ইঞ্জিনীয়রিং অমসুং রুরেল দিবেলপমেন্ত মন্ত্রীনা NERদা লোজিস্তিক্সকী শেনফম ৱাংখৎলকপগী ৱাফম থমখি। মসিনা মরম ওইদুনা লোকেল প্রদ্যুস অমসুং পোৎলমশিংগী মমল 20% হেনগৎলক্লি। মসিনা মরম ওইদুনা প্রদক্তশিং অসি কম্পিতিতিব ওইদ্রে। রাজ্য অসিদা দিজিতেল কন্নেক্তিবিতী ফগৎহনবগী তঙাইফদবা অদুসু মহাক্না ফোংদোকখি।

সিক্কিমগী কম্মর্স অমসুং ইন্দস্ত্রীজ মন্ত্রী শ্রী শেরিং থেন্দুপ বুতিয়ানা হায়খি মদুদি হৌজিক লৈরিবা NH-10দা অতোপ্পা লম্বী অমা শেমগৎপগী তঙাই ফদবা লৈরি মরমদি চহি খুদিংগী নোং কন্না চুবা অমসুং চীং নীংখাইবা অসিনা NH-10গী লম্বীগী কন্নেক্তিবিতীদা শোকহল্লি। NERদা ক্লাইমেৎ রেসিলিয়েন্ত ইনফ্রাস্ত্রকচর শেমগৎপগী তঙাইফদবা অদু মহাক্না ফোংদোকখি। নেপালগা লোয়ননা ললোন-ইতিক হেনগৎহন্নবা ইনফ্রাস্ত্রকচর শেমগৎপগী তঙাইফদবা অদু মহাক্না মখা তানা ফোংদোকখি।

ইনফ্রাস্ত্রকচর অমসুং কন্নেক্তিবিতীগী মরক্তা লৈরিবা অৱাৎপা অসি কোকহন্নবা কেন্দ্রগী MDoNER মন্ত্রীনা ৱাফম মঙা থমখি: (i) রিজনেল মাস্তর প্লান অমা শেমদুনা NER ইনফ্রাস্ত্রকচর গ্রিদ পুনশিনবা (ii) NERগীদমক মরুওইবা প্রোজেক্তশিংগীদমক মোনিতরিং মেকানিজম অমা শেম্বা (iii) মল্তি মোদেল লোজিতিক পার্ক্কীদমক তোঙান তোঙানবা তেক্স অমসুং অতোপ্পা কনসেসন কয়া পীদুনা পোলিসী প্রমোৎ তৌবা (iv) য়ুম্লোন্নরিবা লৈবাকশিংগা লোয়ননা মালেমগী ললোন-ইতিক হেনগৎহন্নবা ক্রোস-বোর্দর কন্নেক্তিবিতী হেনগৎহনবা (v) দিজিতেল কন্নেক্তিবিতী অমসুং পৱার ত্রান্সমিসন ইনফ্রাস্ত্রকচর হেনগৎহনবা।

NERদা লৈরিবা ইনফ্রাস্ত্রকচর প্রোজেক্ত পুম্নমক পি.এম. গতিশক্তি পোর্তেলদা মেপ তৌগদবনি। মসিনা তুংগী প্রোজেক্তশিং হেন্না ফজনা থৌরাং তৌগনি হায়না কেন্দ্রগী MDoNER মন্ত্রীনা ফোংদোকখি। মহাক্না NER রাজ্য পুম্নমক্তা হায়খি মদুদি মথংগী NECগী প্লেনরী সেসনগী মমাংদা লৈবাক শিনবা থুংনা খ্বাইদগী ফবা থবকশিংদা য়ুম্ফম ওইদুনা মন্ত্রালয়না শেম্বা মেত্রিক অদুগী মতুং ইন্না মখোয়না মখোয়গী স্তেত লোজিস্তিক্স পোলিসী অদু অপদেৎ তৌগদবনি। ইন্দস্ত্রীএল ক্লস্তরশিং অসি লমদম অসিগী ইকোনোমিক গ্রোথ খোঙজেল য়াংশিনহন্নবগীদমক NERদা ত্রান্সপোর্ত কোরিদোরশিংগা লোয়ননা শেমগৎপা য়াই।

চহি অসিগী অঙনবা শরুক্তা, কেন্দ্রনা অৱাং-নোংপোক রাজ্যগী মুখ্য মন্ত্রী অমমমনা লুচিংবা, কেন্দ্রগী মন্ত্রী (MDoNER) অমসুং অতোপ্পা রাজ্যশিংগী মুখ্য মন্ত্রী অহুম্না মেম্বর ওইরিবা হায়-লেবেল তাস্ক ফোর্স নিপাল শেমখ্রে। খোঙথাং অসি 2024গী দিসেম্বর 21দা আগরতলাদা পাংথোকখিবা নোর্থ ইস্তর্ন কাউন্সিলগী (NEC)গী 72শুবা প্লেনরী সেসনগী মনুংদা য়ানখিবা অদুদগী লাকপনি।

পীরিবশিং অসিদা HLTFশিং শেমখ্রে  (1) NERদা স্পোর্তস প্রমোৎ তৌবা; (2) নোর্থ ইস্ত ইকোনোমিক কোরিদোর; (3) NERদা ইনভেস্তমেন্ত প্রমোৎ তৌবা; (4) NERদা লৈরিবা হেন্দলুম অমসুং হেন্দিক্রাফ্ত; (5) NERদা লৈরিবা তুরিজম; (6) NERদা লৈরিবা ইনফ্রাস্ত্রকচর, লোজিতিক্স অমসুং কন্নেক্তিবিতী; (7) ভেল্যু চেন অমসুং কৈথেলদা লৈরিবা অৱাৎপশিং কোকহন্নবা এগ্রিকলচর অমসুং হোর্টিকলচর; অমসুং (8) NERদা শঙ্গোম, য়েরুম, ঙা অমসুং শা পুথোকপদা মীপাল তাংদবা ওইহনবা।

****