প্ৰধানমন্ত্ৰী শ্ৰী নৰেন্দ্ৰ মোদীয়ে কৰ্তব্য ভৱন ৰাষ্ট্ৰলৈ উৎসৰ্গা কৰি ইয়াক ৰাজহুৱা সেৱাৰ দিশত অটল সংকল্প আৰু নিৰন্তৰ প্ৰচেষ্টাৰ প্ৰতীক বুলি অভিহিত কৰে।

তেওঁ কয় যে কৰ্তব্য ভৱনে নীতি আৰু আঁচনিসমূহৰ দ্ৰুত হস্তান্তৰত সহায় কৰাৰ লগতে ৰাষ্ট্ৰৰ উন্নয়নকো নতুন গতি প্ৰদান কৰিব।

শ্ৰী মোদীয়ে কয় যে কৰ্তব্য ভৱনে এখন উন্নত আৰু আত্মনিৰ্ভৰশীল ভাৰত গঢ়ি তোলাৰ বাবে আমাৰ দায়বদ্ধতাক প্ৰতিফলিত কৰে। আজি ৰাষ্ট্ৰই ইয়াক গঢ় দিয়া আমাৰ শ্ৰমযোগীসকলৰ অক্লান্ত কঠোৰ পৰিশ্ৰম আৰু সংকল্প প্ৰত্যক্ষ কৰিছে। তেওঁলোকৰ সৈতে বাৰ্তালাপ কৰি তেওঁ আনন্দ প্ৰকাশ কৰিছে বুলিও কয়।

প্ৰধানমন্ত্ৰীয়ে উল্লেখ কৰে যে পৰিবেশ সুৰক্ষাৰ প্ৰতি সম্পূৰ্ণ গুৰুত্ব দি এই ভৱনটো নিৰ্মাণ কৰা হৈছে।

এই উপলক্ষে প্ৰধানমন্ত্ৰীয়ে কৰ্তব্য ভৱনৰ চৌহদত এটা গছপুলি ৰোপণ কৰে।

এক্সৰ এটা শৃংখলাত প্ৰধানমন্ত্ৰীয়ে কয়;

"কৰ্তব্য পথৰ কৰ্তব্য ভৱন আমাৰ অটল সংকল্প আৰু জনসাধাৰণক সেৱা আগবঢ়োৱাৰ নিৰন্তৰ প্ৰচেষ্টাৰ প্ৰতীক। ই কেৱল আমাৰ নীতি আৰু আঁচনিসমূহ জনসাধাৰণৰ ওচৰলৈ দ্ৰুতগতিত গৈ পোৱাত সহায় কৰাই নহয়, ই দেশৰ উন্নয়নকো এক নতুন গতি প্ৰদান কৰিব। অত্যাধুনিক আন্তঃগাঁথনিৰ এক উদাহৰণ হৈ পৰা এই ভৱনটো ৰাষ্ট্ৰলৈ উৎসৰ্গা কৰি মই অতি গৌৰৱান্বিত।"

"কৰ্তব্য ভৱনে এখন উন্নত আৰু আত্মনিৰ্ভৰশীল ভাৰত গঢ়ি তোলাৰ প্ৰতি আমাৰ দায়বদ্ধতাক প্ৰতিফলিত কৰে। আজি দেশখনে ইয়াক নিৰ্মাণ কৰা আমাৰ শ্ৰমযোগীসকলৰ অক্লান্ত কঠোৰ পৰিশ্ৰম আৰু সংকল্পৰ সাক্ষী। তেওঁলোকৰ সৈতে মত বিনিময় কৰি মই অতি আনন্দিত হৈছো।"

"কৰ্তব্য ভৱন নিৰ্মাণত পৰিবেশ সংৰক্ষণৰ যত্ন লোৱা হৈছে, যাৰ বাবে আমাৰ দেশ দায়বদ্ধ। আজি মই ইয়াৰ চৌহদত এটা গছপুলি ৰোপণ কৰাৰ সুযোগ পাইছো।"

कर्तव्य पथ पर कर्तव्य भवन जन-जन की सेवा के प्रति हमारे अटूट संकल्प और निरंतर प्रयासों का प्रतीक है। यह ना केवल हमारी नीतियों और योजनाओं को लोगों तक तेजी से पहुंचाने में मददगार बनने वाला है, बल्कि इससे देश के विकास को भी एक नई गति मिलेगी। अत्याधुनिक इंफ्रास्ट्रक्चर की मिसाल बने इस… pic.twitter.com/0NUVUSOiZd

— Narendra Modi (@narendramodi) August 6, 2025

****

MJPS/ST/MK