য়োর এক্সিলেন্সী, রাস্ত্রপতিজী,

লৈবাক অনিমক্কী দেলিগেৎশিং,

মীদিয়াগী মরুপশিং,

খুরুমজরি!
মবু-হায়!

হৌরকপদা, ঐহাক্না রাস্ত্রপতি অমসুং মহাক্কী মীহুৎ কাংবুবু ভারত্তা তরাম্না ওকচরি। চহি অসিদা ভারত অমসুং ফিলীপিন্সনা মখোয়গী দিপ্লোমেতিক মরিগী চহি 75শুবা মপোক কুমওন পালন তৌরি। মতাং অসিদা, মহাক্কী খোঙচৎ অসিগী অখন্নবা ৱাহন্থোক লৈ। ঐখোয়গী দিপ্লোমেতিক রিলেসনশিপশিং অসি অনৌবা ওইরম্বা য়াই, অদুবু ঐখোয়গী সিভিলাইজেসনগী মরীদি অরিবা মতমদগী লৈরক্লি। ফিলীপিন্সকী রামায়ন - "মহারাদিয়া লাবনা" - অসি ঐখোয়গী চহি চা কয়াগী কলচরেল বোন্দশিংগী অহিংবা খুদম্নি। লৈবাক অনিগী নেস্নেল ফ্লাৱরশিং য়াওবা নৌনা পুথোকখিবা পোস্তেজ স্তাম্পশিংনা ঐখোয়গী মরুপ-মপাং ওইবগী মগুন অদু উৎলি।

মরুপশিং,
লেভেল খুদিংমক্তা দাইলোগ অমসুং হীরম খুদিংমক্তা তেংবাং পীনবা অসি মতম কয়াগী মমাংদগী ঐখোয়গী মরীশিংগী মগুন অমনি। ঙসি রাস্ত্রপতি অমসুং ঐহাক্না ম্যুচেল কোওপরেসন, রিজনেল ইসুশিং অমসুং মালেমগী ওইরিবা ফীভমশিং কুপ্না খন্নখি। ঙসি ঐখোয়না ঐখোয়গী মরীশিংবু স্ত্রেতেজিক পার্তনরশিপকী থাক পীনবা ৱারেপ লৌখিবা অসি য়াম্না নুংঙাইবা ৱাফম অমনি। মসিগী পার্তনরশিপ অসিগী পোতেন্সিএল অদু মহৈ ওইনা ওন্থোক্নবগীদমক মপুংফাবা এক্সন প্লান অমা শেমখ্রে।

ঐখোয়গী বাইলেতরেল ত্রেদ অসি লেপ্পা লৈতনা হেনগৎলক্লি অমসুং বিলিয়ন দোল্লর 3গী মার্ক অদু লানখ্রে। মসিবু হেন্না মপাঙ্গল কনখৎহন্নবা, ভারত-আসিয়ান ফ্রী ত্রেদ এগ্রীমেন্তকী রিভিয়ু অসি অথুবা মতমদা লোইশিনবা অসি ঐখোয়গী প্রাইওরিতিনি। লোয়ননা, ঐখোয়না বাইলেতরেল প্রিফরেন্সিয়েল ত্রেদ এগ্রীমেন্ত অমগী মায়কৈদা থবক তৌনবা ৱারেপ লৌখ্রে।

ইনফোর্মেসন অমসুং দিজিতেল তেক্নোলোজী, হকশেল, ওতোমোবাইল, ইনফ্রাস্ত্রকচর, মিনরেলস ওইগেরা, সেক্তর খুদিংমক্তা ঐখোয়গী কম্পনীশিংনা থৌনা লৈনা থবক তৌরি। সাইন্স অমসুং তেক্নোলোজীগী লমদা, ভাইরোলোজীদগী AI অমসুং এদিতিব মেনুফেকচরিং ফাওবদা, জোইন্ত রিসর্চ চত্থরি। ঙসি লোইশিনখিবা সাইন্স অমসুং তেক্নোলোজী কোওপরেসন প্লান অসিনা মসিবু মখা তানা শাহৌ পীরগনি।

বারানসীদা লৈবা ইন্তরনেস্নেল রাইস রিসর্চ ইন্সতিত্যুৎকী রিজনেল সেন্তরনা অলত্রা-লো গ্লাইসেমিক ইন্দেক্স লৈবা রাইসতা থবক তৌরি। মরম অদুনা, ঐখোয় পুন্না মহাও অমসুং হেল্থ অনিমক্তা থবক তৌরি! দিবেলপমেন্ত পার্তনরশিপকী মখাদা, ঐখোয়না ফিলীপিন্সতা ক্বিক ইম্পেক্ত প্রোজেক্তশিংগী মশিং হেনগৎহল্লগনি হায়না ঐহাক্না নুংঙাইবা ফোংদোকচরি। অমসুং, ঐখোয়না ফিলীপিন্সতা সোভরেন দেতা ক্লাউদ ইনফ্রাস্ত্রকচর শেমগৎপদসু মতেং পাংগনি।

ঐখোয়গী পার্তনরশিপ অসি পৃথীবিদা মপাঙ্গল কনখৎলে, অমসুং হৌজিক ঐখোয়না স্পেসকীদমক শেম-শাবা হৌরে। মসিগীদমক ঙসি এগ্রীমেন্ত অমা খুৎয়েক পীনখ্রে।

মরুপশিং,

দিফেন্সকী লমদা হেনগৎলক্লিবা মরীশিং অসি অচেৎপা নাকল অনিগী থাজবগী খুদম অমনি। মেরিতাইম নেসনশিং ওইনা লৈবাক অনিগী মরক্তা মেরিতাইম কোওপরেসন অসি মহৌশাগী ওইবা অমদি তঙাইফদবা অমনি। ঐখোয়না হ্যুমেনিতরিয়ান এদ, দিজাস্তর রিলিফ, অমসুং সর্চ অমসুং রেস্ক্যু ওপরেসনশিংদা পুন্না থবক তৌমিন্নরি। ঙসি, রাস্ত্রপতি ভারত্তা লৈরিঙৈদা, ইন্দিয়ন নেভীগী জহাজ অহুম্না ইহান হানবা ওইনা ফিলীপিন্সতা নেভী এক্সরসাইজ অমদা শরুক য়াখ্রে। ভারতকী হায়দ্রোগ্রাফিগী জহাজ অসিসু মসিদা য়াওরি।

ভারত্তা লিংখৎখিবা ইন্তর্নেস্নেল ফ্যুজন সেন্তর ফোর দি ইন্দিয়ন ওসিন রিজনদা ফিলীপিন্সনা য়াওরকপদা ঐখোয়না নুংঙাইবা ফোংদোকচরি। ঐখোয়না ফিলীপিন্সকী সরকার অমসুং রাস্ত্রপতিবু পহলগামগী তেরোরিস্ত এতেক্ত অদু অকনবা মওংদা য়ানিংদবা ফোঙদোকপগীদমক অমসুং তেরোরিজমগী মায়োক্তা ঐখোয়গী লান্থেং অসিদা লেপ্লিবা অসিগীদমক থাগৎপা ফোংদোকচরি।

ঙসি খুৎয়েক পীনখিবা ম্যুচেল লিগেল এসিস্তেন্স অমসুং সেঙ্কসন তৌরবা মীওইশিং ত্রান্সফর তৌনবগী মতাংদা য়ানা ৱারোলশিং অসিনা ঐখোয়গী সেক্যুরিতী পার্তনরশিপ অদু হেন্না মপাঙ্গল কনখৎহল্লগনি।

মরুপশিং,

ভারতকী তুরিস্তশিংদা ভিজা য়াওদনা চঙবগী ফিলীপিন্সকী ৱারেপ অদু ঐখোয়না তরাম্না ওক্লি। ভারতনা ফিলীপিন্সতগী লাকপা তুরিস্তশিংদা লেম্না ই-ভিজা ফংহন্নবা ৱারেপ লৌখ্রে। চহি অসিদা দিল্লী অমসুং মনিলাগী মরক্তা হকথেংননা ফ্লাইৎশিং হৌনবা থবক পায়খৎকনি। ঙসি লোইশিনখিবা কলচরেল একচেঞ্জ প্রোগ্রাম অসিনা ঐখোয়গী পুৱারী ওইরবা কলচরেল কন্তেক্তশিংবু হেন্না চাউখৎহল্লগনি।

মরুপশিং,

ফিলিপিন্স অসি ঐখোয়গী এক্ত ইস্ত পোলিসী অমসুং 'ওসিয়ন' ভিজনগী মরু ওইবা পার্তনর অমনি। ঐখোয়না ইন্দো-পেসিফিক লমদমদা শান্তি, সেক্যুরিতী, চাউখৎপা অমসুং কাংলোনশিংদা য়ুম্ফম ওইবা কাংলোনগীদমক ৱাশক্লি। ঐখোয়না ইন্তর্নেস্নেল লোশিংগী মতুং ইন্না নেভিগেসনগী নীংতম্বা শৌগৎলি।

মথং চহিদা ফিলীপিন্সনা ASEANগী প্রসিদেন্ত ওইগনি। মসিগী মাইপাকপদা ঐখোয়না মপুং ফানা মতেং পাংগনি।

এক্সিলেন্সী,

ভারত অমসুং ফিলীপিন্স অসি অপাম্বগী মতুং ইন্না মরুপ ওইরি, অমসুং লাইবকনা পার্তনরশিং ওইহল্লি। ভারত মহাসাগরদগী পেসিফিক ফাওবদা, ঐখোয়না মান্নবা ভেল্যুশিংনা পুনশিন্নরি। ঐখোয়গী মরুপ ওইবগী মরী অসি মমাংঙৈ মতমদা মরুপ ওইবতা নত্তে, মসি তুংলমচৎকীদমক থাজবা অমনি।

মহামিঙ্গ সলামত পো।

***