گیارہواں قومی ہینڈلوم ڈے 7 اگست 2025 کو بھارت منڈپم، نئی دہلی میں منایا جائے گا۔ صدر جمہوریہ دروپدی مرمو اس موقع پر مہمان خصوصی ہوں گی۔ مرکزی وزیر برائے ٹیکسٹائل جناب گری راج سنگھ، وزیر مملکت برائے امور خارجہ اور ٹیکسٹائل جناب  پبیترا مارگریٹا، سکریٹری (ٹیکسٹائل) محترمہ نیلم شمی راؤ اور ترقیاتی کمشنر (ہینڈ لوم) ڈاکٹر ایم بینا بھی اس تقریب میں موجود رہیں گے۔

تقریب میں ملک بھر سے 650 کے قریب بنکر شرکت کریں گے۔ ان کے علاوہ غیر ملکی خریدار، نامور شخصیات، برآمد کنندگان، اعلیٰ سرکاری افسران وغیرہ بھی اس تقریب میں شرکت کریں گے۔

اس موقع پر 5 سنت کبیر ایوارڈز اور 19 نیشنل ہینڈلوم ایوارڈز نمایاں بنکروں کو پیش کیے جائیں گے۔ اس موقع پر صدر جمہوریہ ہند کی طرف سے ایوارڈ کی فہرست اور کافی ٹیبل بک بھی جاری کی جائے گی۔

اس جشن کا مقصد ہندوستان کے ہینڈلوم ورثے کی بھرپوری، لچک اور مطابقت کو ظاہر کرنا اور ہمارے بنکروں کی ہنر اور دستکاری کو پہچاننا ہے۔

ایونٹ کے دوران منعقد ہونے والی تقریبات:

• بہترین کارکردگی کا مظاہرہ کرنے والے ویور سروس سینٹرز کا اعتراف
• مختلف ہینڈلوم اسکیموں کے تحت مستفید ہونے والے سرٹیفکیٹس کی تقسیم
• معروف ڈیزائنرز کے زیر اہتمام ایک عظیم الشان فیشن شو جس میں ملک بھر سے آئیکونک ویو اور ٹیکسٹائل کو نمایاں کیا گیا ہے۔

سات اگست، 2025 کو مرکزی تقریب کے علاوہ، 1 سے 8 اگست، 2025 کے دوران  دیگر اہم پروگراموں میں ایوارڈیافتہ ہینڈلوم کے نمونوں کی نمائش ، لائیو لوم کا مظاہرہ؛  نقاب کشائی – ‘‘ہاٹ آن وہیلز’’ (ایک موبائل ہینڈلوم آؤٹ لیٹ پہل)؛ ہینڈلوم ہاٹ، جن پتھ، نئی دہلی میں خصوصی ہینڈلوم ساڑی نمائش کے ساتھ فروخت؛ کرافٹس میوزیم، نئی دہلی میں دوبارہ تخلیقی مارشل آرٹس پر توجہ مرکوز کرنے والی خصوصی نمائش؛ آئی آئی ٹی دہلی کی طرف سے لوم ہیکاتھون؛ غیر ملکی خریداروں کے ساتھ بین الاقوامی ہاتھ سے بنے ہوئے ایکسپو؛ برآمد کنندگان اور ہینڈلوم بنانے والے؛ ہینڈلوم مصنوعات وغیرہ کی برآمد میں بہترین کارکردگی کا مظاہرہ کرنے والوں کو ایوارڈز وغیرہ شامل ہیں۔ اس مدت کے دوران منصوبہ بندی کی گئی مختلف سرگرمیوں کی فہرست منسلک ہے۔

سودیشی تحریک، جو 7 اگست 1905 کو کولکاتہ کے ٹاؤن ہال میں شروع ہوئی، ہندوستان کی جدوجہد آزادی کا ایک اہم لمحہ تھا، جس نے دیسی مصنوعات اور پیداواری عمل کے احیاء پر زور دیا۔ اس تاریخی تحریک کی یاد میں، حکومت ہند نے خود انحصاری کے جذبے کو منانے اور ملک کے سماجی، اقتصادی اور ثقافتی تانے بانے میں ہتھ کرگھے کے شعبے کی شراکت کا احترام کرنے کے لیے 2015 میں 7 اگست کو قومی ہینڈلوم ڈے کے طور پر اعلان کیا۔

ملک بھر میں ہینڈلوم کا قومی دن منایا جا رہا ہے۔ اس میں ویور سروس سینٹرز (ڈبلیوایس سی)، بڑے ہینڈلوم کلسٹرز، انڈین انسٹی ٹیوٹ آف ہینڈلوم ٹیکنالوجی (آئی آئی ایچ ٹی) ، نیشنل انسٹی ٹیوٹ آف فیشن ٹیکنالوجی (این آئی ایف ٹی) کیمپس، نیشنل ہینڈلوم ڈیولپمنٹ کارپوریشن (این ایچ ڈی سی) ، ٹیکسٹائل کمیٹی، مختلف ریاستوں/ یوٹی کے ہینڈ لوم محکمے وغیرہ شامل ہیں۔

گیارہویں قومی ہینڈلوم ڈے کے موقع پر سوشل میڈیا مہم جیسے حلف، سیلفی، کوئز مقابلہ وغیرہ بھی چلایا جا رہا ہے۔ اس کے تحت ٹویٹس، فیس بک، انسٹاگرام، انفلونسرز، مقامی واٹس ایپ گروپس، ایف ایم ریڈیو وغیرہ کے ذریعے ایک مہم بھی چلائی جا رہی ہے۔

***

ش ح۔ ک ا۔

U.NO.3704