ভারতকী ভোকেস্নেল ত্রেনিং অমসুং স্কিল দিবেলপমেন্তদা মায়পাক্লবশিংবু পালন তৌনবগীদমক্তা লৈবাক অসিগী মরুওইবা প্লেৎফোর্ম ওইরিবা ইন্দিয়া স্কিল কম্পিতিসন (ISC) 2025গীদমক রেজিস্ত্রেসন হৌবগা লোয়ননা স্তেজ শেম-শাবা লোইরে অমসুং ভারতকী মথংগী জেনরেসনগী স্কিল চেম্পিয়নশিংদা মীৎয়েং থম্মি। ভারত সরকারগী স্কিল দিবেলপমেন্ত অমসুং ওন্তপ্রিন্যুওরশিপ  মন্ত্রালয় (MSDE) না ঙসি ISC 2025গী রেজিস্ত্রেসন লিঙ্ক হাংদোকখ্রে। কম্পিতিসন অসিদা রাজ্য অমসুং UT 36তগী পার্তিসিপেন্তশিংনা স্কিল 65দা অথোই অহেন তান্নগনি। রেজিস্ত্রেসনশিং অসি স্কিল ইন্দিয়া দিজিতেল হব (SIDH) পোর্তেলগী খুত্থাংদা ওনলাইন ওইনা তৌগনি। রেজিস্ত্রেসন লোইশিনবগী অরোইবা তাং অসি সেপ্তেম্বর 30, 2025নি।

চহি অনি খুদিংগী পাংথোকপা কম্পিতিসন অসি ভারতকী খ্বাইদগী হৈথোই-শিংথোইবা নহাশিংবু মশক খঙদোক্নবা, শেমগৎনবা অমসুং মনা পীনবা, মখোয়বু মালেমগী থাকশিংদা লৈবাক অসিগী মহুৎ শিনবা ঙম্নবা শেম-শাবনি। ৱার্ল্দ স্কিল কম্পিতিসন (WSC) 2026 অসি মালেমগী নহা ওইরিবা প্রোফেস্নেলশিংগী খ্বাইদগী চাউবা ইন্তর্নেস্নেল স্কিল কম্পিতিসননি। মসিদা স্কিল 60 হেনবদা নহা ওইরিবা মীওইশিংগী স্কিল অমসুং এক্সপর্তিস উৎলি। কম্পিতিসন অসিনা নহাশিংবু ভোকেস্নেল এজুকেসনগী কেরিয়র অমদা চংশিন্নবা পুক্নিং থৌগৎনবা অমসুং ঙসিগী শেন্মিৎলোনদা স্কিল লৈরবা থবকশিংগী মরুওইবা খঙহন্নবা পান্দম থম্লি।

কম্পিতিসন অসি ভারত মচা পুম্নমক্তা ওপন ওই অমসুং শরুক য়ারিবশিংনা অখন্নবা চহিগী ক্রাইতেরিয়া মপুং ফাহনবা মথৌ তাই। খ্বাইদগী তাবা চহি অসি চহি 16নি অমসুং খ্বাইদগী ৱাংবা চহিগী লিমিৎ অসি চহি 25নি। জেনরেলগী ওইনা শরুক য়ারিবশিং অদু 2004গী জনুৱারী 1দা নত্ত্রগা মসিগী মতুংদা পোকপা ওইগদবনি। সাইবর সেক্যুরিতী, মেকাত্রোনিক্স, এয়রক্রাফ মেন্তেনেন্সনচিংবা অৱাংবা থাক্কী তেক্নোলোজীগী স্কিলশিংগীদমক্তা, শরুক য়ারিবশিং অসি জনুৱারী 1, 2001দা নত্ত্রগা মসিগী মতুংদা পোকপা ওইগদবনি।

ইন্দিয়া স্কিল্স 2025না স্ত্রকচর তৌরবা, থাক কয়াগী সেলেক্সন প্রোসেস অমা ঙাক্না চৎলি। শরুক য়ারিবা মীওই অমনা স্কিল অমা খক্তদা এপ্লাই তৌবা য়াই। কম্পিতিসন অসি মরুওইবা ত্রেক অনিদা পাংথোক্লি। ত্রেক I অসিদা স্তেত স্কিল দিবেলপমেন্ত মিসন (SSDM) না পাংথোকপা স্তেত লেবেল কম্পিতিসনশিং য়াওরি, অদুগা ত্রেক II অসি রাজ্যশিং/UTশিংনা খনখিদবা স্কিলশিংগী সেক্তর স্কিল কাউন্সিল (SSC) না লুচিংলি। ত্রেক অনিমক অসি রিজনেল স্কিল কম্পিতিসন (RSC) ফীদ তৌগনি, মসিগী মতুংদা বুৎ কেম্পশিং অমসুং অরোইবা নেস্নেল কম্পিতিসনদা শরুক য়াগনি। কম্পিতিসন অসিদা ৱার্ল্দস্কিল্স ইন্তরনেস্নেলনা মশক তাকপা কাংলুপশিংগী পরিং মখাদা ইন্দিভিজুএল অমসুং তীমদা য়ুম্ফম ওইবা স্কিল অনিমক য়াওরি।

রিজনেল কম্পিতিসনশিং অসি জোন মঙাদা – নোর্থ, সাউথ, ইস্ত, ৱেস্ত অমসুং নোর্থইস্ত -  পাংথোক্কনি। ফাইনেল ইন্দিয়া স্কিল্স নেস্নেল কম্পিতিসন অসি MSDE নেস্নেল কম্পিতিসনগী ৱিন্নরশিংনা ৱার্ল্দ স্কিল্স কম্পিতিসন 2026 অমসুং অতোপ্পা ইন্তর্নেস্নেল ফোরমশিংদা ভারতকী মহুৎ শিনবগীদমক্তা পাক শন্না ত্রেনিং অমসুং মেন্তরশিপ ফংলগনি।

অহেনবা ৱারোলগীদমক মসিদা চংবীয়ু- www.skillindiadigital.gov.in.

রেজিস্ত্রেসন তৌনবা লিঙ্ক-

https://www.skillindiadigital.gov.in/account/register?returnUrl=%2Findia-skills-2025&utm_source=BannerClicks&utm_medium=Web&utm_campaign=IndiaSkills

***