প্রধানমন্ত্রীগী লোইশঙ
প্রধান মন্ত্রীনা গেস্ত ওফ ওনর ওইনা মালদিবসকী ৬০শুবা নিংতম্বা নুমিৎ থৌরম শরুক য়াখ্রে
থাগৎখিবা:
26 JUL 2025 6:47PM by PIB Imphal
মহাক্কী মালে খোঙচৎ মনুংদা, ঙসি প্রধান মন্ত্রী শ্রী নরেন্দ্র মোদীনা গেস্ত ওফ ওনর ওইনা মালদিবসকী ৬০শুবা নিংতম্বা নুমিৎ থৌরম শরুক য়াখ্রে। হন্দক্কী অসি ভারতকী প্রধান মন্ত্রী অমনা মালদিবসকী নিংতম্বা নুমিৎকী থৌরমশিং শরুক য়াবা অহানবনি। রাষ্ট্রাপতি মুইজুনা মপান লৈবাক্কী মকোক নত্ত্রগা মপান লৈবাক্কী সরকারগী লুচিংবা অমা তরাম্না ওকপা হানবা লুচিংবা প্রধান মন্ত্রী মোদীনা ওইরে।
প্রধান মন্ত্রীনা মালদিবসকী রাষ্ট্রপতি দোক্তর মোহমদ মুইজুগা লোয়ননা রিপব্লিক স্কৱারদা নিংতম্বা নুমিৎকী পেরেদ য়েংখি। থৌরম অদুদা প্রধান মন্ত্রীনা মালদিবসকী মীয়াম অমসুং সরকারদা য়াইফ পাউজেল পীখি। থৌরম অদুদা অনৌবা লৈবাক অমা ওইনা মালদিবসকী মাইপাকপশিং মশক তাকপা নাৎকী থৌরমশিংগা লোয়ননা মালদিবসকী নেসনেল দিফেন্স ফোর্সশিং অমসুং অতোপ্পা লোকেল য়ুনিতশিংগা লোয়ননা ফজরবা পেরেদ অমা উৎখি।
মখোয়না চেবাউ পীরকপগীদমক প্রধান মন্ত্রীনা রাষ্ট্রপতি মোইজু অমসুং মালদিবসকী মীয়াম থাগৎপা ফোঙদোকখি। গেস্ত ওফ ওনর ওইনা মহাক্না নিংতম্বা নুমিৎ থৌরম শরুক য়াবা অসি লৈবাক অনিগী মরক্ত লৈনরিবা মরীশিং ফগৎলকপগী খুদমনি। চৎলিবা চহি ২০২৫ অসি ভারত অমসুং মালদিবসকী মরক্ত কুতনিতিগী মরী লৈনরকখিবা চহি ৬০ মপুংফারে।
*****
(রিলিজ আই.দি.: 2148931)
ভিজিতর কাউন্তর : 23
রিলিজ অসি মসিদা পাবীয়ু:
Odia
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam