سکل سیل ڈیزیز (ایس سی ڈی) کے لیے کل 6 کروڑ افراد کی اسکریننگ کی جاچکی ہے جبکہ نیشنل سکل سیل مشن کے تحت 7 کروڑ افراد کا ہدف مقرر کیا گیا تھا۔ جن لوگوں کی جانچ کی گئی ان میں سے 2.15 لاکھ افراد میں بیماری کی تشخیص ہوئی ہے اور 16.7 لاکھ کیریئر کی شناخت کی گئی ہے۔ اس کے علاوہ متعلقہ ریاستوں کے ذریعے اسکریننگ کیے گئے افراد کو 2.6 کروڑ ہیلتھ کارڈ تقسیم کیے گئے ہیں۔

مدھیہ پردیش، گجرات، راجستھان، تلنگانہ، کرناٹک اور اتراکھنڈ جیسی ریاستوں نے اپنے اہداف کے مقابلے میں اسکریننگ کا زیادہ فیصد حاصل کرکے نمایاں پیش رفت کا مظاہرہ کیا ہے۔ اڈیشہ، چھتیس گڑھ، مدھیہ پردیش، مہاراشٹر اور گجرات کی ریاستوں میں تشخیص شدہ معاملات کے سب سے زیادہ واقعات رپورٹ ہوئے ہیں۔

ایس سی ڈی کے لیے اسکریننگ تصدیق شدہ پوائنٹ آف کیئر ٹیسٹنگ (پی او سی ٹی) کٹس کا استعمال کرتے ہوئے کی جارہی ہے ، جو تیز رفتار ، قابل اعتماد اور تصدیقی نتائج کو یقینی بناتی ہے۔ مزید برآں، تمام شریک ریاستوں کے اسکریننگ ڈیٹا کو مستحکم کرنے کے لیے ایک وقف ڈیش بورڈ اور سکل سیل ڈیزیز پورٹل قائم کیا گیا ہے۔

مستقبل کی ترجیحات میں بقیہ ہدف کو پورا کرنے کے لیے اسکریننگ کی کوششوں کو مہمیز کرنا اور بیماری یا کیریئر کے طور پر تشخیص شدہ افراد کے لیے فالو اپ اور مشاورت کی خدمات کو یقینی بنانا شامل ہے۔

نیشنل سکل سیل انیمیا ایلیمینیشن مشن کا افتتاح یکم جولائی 2023 کو مدھیہ پردیش کے شہڈول میں عزت مآب وزیر اعظم نے کیا تھا۔ اس مشن کا مقصد مالی سال 2025-26 تک متاثرہ قبائلی علاقوں میں 0-40 سال کی عمر کے 7 کروڑ افراد کی یونیورسل اسکریننگ اور مرکزی وزارتوں اور ریاستی حکومتوں کی مشترکہ کوششوں کے ذریعے مشاورت کی فراہمی کے ذریعے 2047 تک بھارت میں سکل سیل انیمیا کو ختم کرنا ہے۔

***

(ش ح – ع ا)

U. No. 3068