وزارت داخلہ میں  وزیر مملکت جناب نتیانند رائے نے لوک سبھا میں ایک سوال کے تحریری جواب میں بتایا کہ مردم شماری 2027 کی تیاری 16 جون 2025 کے گزٹ نوٹیفکیشن کی اشاعت کے ساتھ شروع ہوئی ہے،  جس میں آبادی کی مردم شماری کرنے کے حکومت کے ارادے کا اظہار کیا گیا ہے ۔  اس سلسلے میں 3 اور 4 جولائی 2025 کو نئی دہلی میں دو  روزہ کانفرنس کا انعقاد کیا گیا ۔  اس کانفرنس میں مردم شماری آپریشنز کے ڈائریکٹروں ، مردم شماری آپریشنز کے ڈائریکٹوریٹ کے سینئر افسران اور رجسٹرار جنرل اور مردم شماری کمشنر ، انڈیا کے دفتر کے افسران نے شرکت کی ۔

کانفرنس میں آئندہ مردم شماری کے لائحہ عمل اور اس سے متعلق سرگرمیوں جیسے انتظامی اکائیوں کے فریم ورک کو حتمی شکل دینا ، موبائل ایپس کے ذریعے ڈیٹا اکٹھا کرنا ، مردم شماری کے انتظام اور نگرانی نظام (سی ایم ایم ایس) پورٹل کے ذریعے مردم شماری کی سرگرمیوں کا  انتظام اور نگرانی ، خود کے ذریعہ گنتی ، مردم شماری کارکنوں کی تربیت وغیرہ پر تبادلہ خیال کیا گیا ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح – م م۔ ق ر)

U. No.3024