ਬਿਹਾਰ ਦੇਸ਼ ਦਾ ਪਹਿਲਾ ਅਜਿਹਾ ਰਾਜ ਬਣ ਗਿਆ ਹੈ, ਜਿਸ ਦੇ ਸਾਰੇ ਪੋਲਿੰਗ ਸਟੇਸ਼ਨਾਂ ‘ਤੇ 1,200 ਤੋਂ ਘੱਟ ਵੋਟਰਸ ਹਨ। ਇਨ੍ਹਾਂ ਪੋਲਿੰਗ ਸਟੇਸ਼ਨਾਂ ‘ਤੇ ਲੰਬੀਆਂ ਲਾਈਨਾਂ ਨੂੰ ਰੋਕਣ ਲਈ ਬਿਹਾਰ ਵਿੱਚ 12,817 ਨਵੇਂ ਪੋਲਿੰਗ ਸਟੇਸ਼ਨ ਜੋੜ ਗਏ ਹਨ। ਬਿਹਾਰ ਐੱਸਆਈਆਰ ਦੇ 24 ਜੂਨ, 2025 ਦੇ ਆਦੇਸ਼ (ਪੇਜ 2, ਬਿੰਦੂ 6/7 ਅਤੇ ਪੇਜ 7, ਬਿੰਦੂ 2 (ਏ) ਦੇ ਅਨੁਸਾਰ, 1,500 ਵੋਟਰਾਂ/ਪੀ.ਐੱਸ. ਦੀ ਪਹਿਲਾਂ ਦੀ ਸੀਮਾ ਨੂੰ ਸੰਸ਼ੋਧਿਤ ਕਰਕੇ 1,200 ਵੋਟਰਾਂ/ਪੀ.ਐੱਸ. ਕਰ ਦਿੱਤਾ ਗਿਆ ਸੀ। ਬਿਹਾਰ ਵਿੱਚ 12,817 ਨਵੇਂ ਪੋਲਿੰਗ ਸਟੇਸ਼ਨਾਂ ਨੂੰ ਜੋੜਨ ਤੋਂ ਬਾਅਦ ਪੋਲਿੰਗ ਸਟੇਸ਼ਨਾਂ ਦੀ ਕੁੱਲ ਸੰਖਿਆ 77,895 ਤੋਂ ਵਧ ਕੇ 90,712 ਹੋ ਜਾਵੇਗੀ। ਰਾਜ ਦੀ ਇਸ ਵੱਡੀ ਉਪਲਬਧੀ ਦਾ ਅਨੁਸਰਣ ਹੋਰ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੁਆਰਾ ਕੀਤਾ ਜਾਣਾ ਹੈ।

ਸੀਈਓ/ਡੀਈਓ/ਈਆਰਓ/ਬੀਐੱਲਓ ਨੇ ਸਾਰੀਆਂ ਰਾਜਨੀਤਕ ਪਾਰਟੀਆਂ ਦੇ ਪ੍ਰਤੀਨਿਧੀਆਂ ਦੇ ਨਾਲ ਮੀਟਿੰਗਾਂ ਕੀਤੀਆਂ ਹਨ ਅਤੇ ਉਨ੍ਹਾਂ 29.62 ਲੱਖ ਵੋਟਰਾਂ ਦੀ ਵਿਸਤ੍ਰਿਤ ਸੂਚੀ ਸਾਂਝੀ ਕੀਤੀ ਹੈ, ਜਿਨ੍ਹਾਂ ਦੇ ਫਾਰਮ ਹੁਣ ਤੱਕ ਪ੍ਰਾਪਤ ਨਹੀਂ ਹੋਏ ਹਨ ਅਤੇ ਫਿਰ ਉਨ੍ਹਾਂ ਲਗਭਗ 43.93 ਲੱਖ ਵੋਟਰਾਂ ਦੀ ਵੀ ਸੂਚੀ ਸਾਂਝੀ ਕੀਤੀ ਹੈ, ਜੋ ਆਪਣੇ ਪਤੇ ‘ਤੇ ਨਹੀਂ ਮਿਲੇ। ਸਾਰੀਆਂ 12 ਪ੍ਰਮੁੱਖ ਰਾਜਨੀਤਕ ਪਾਰਟੀਆਂ ਨੂੰ ਵੀ ਅਪੀਲ ਕੀਤੀ ਗਈ ਹੈ ਕਿ ਉਹ ਆਪਣੇ ਜ਼ਿਲ੍ਹਾਂ ਪ੍ਰੈਜ਼ੀਡੈਂਟਾਂ  ਅਤੇ ਲਗਭਗ 1.5 ਲੱਖ ਬੀਐੱਲਏ ਦੇ ਮਾਧਿਅਮ ਨਾਲ ਇਨ੍ਹਾਂ ਬਾਕੀ ਵੋਟਰਾਂ ਨਾਲ ਸੰਪਰਕ ਕਰਨ। ਇਸ ਦਾ ਉਦੇਸ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਰਾਜਨੀਤਕ ਪਾਰਟੀਆਂ ਸਮੇਤ ਸੰਪੂਰਨ ਚੋਣ ਮਸ਼ੀਨਰੀ ਇੱਕ ਮਿਸ਼ਨ ਮੋਡ ਵਿੱਚ ਇਕੱਠੇ ਕੰਮ ਕਰੇ ਤਾਕਿ 1 ਅਗਸਤ, 2025 ਨੂੰ ਪ੍ਰਕਾਸ਼ਿਤ ਹੋਣ ਵਾਲਾ ਡ੍ਰਾਫਟ ਵੋਟਰ ਸੂਚੀ ਤੋਂ ਕੋਈ ਵੀ ਯੋਗ ਵੋਟਰ ਰਹਿ ਨਾ ਜਾਵੇ।

ਪਹਿਲੀ ਅਗਸਤ, 2025 ਤੋਂ ਕੋਈ ਵੀ ਆਮ ਨਾਗਰਿਕ ਐੱਸਆਈਆਰ ਆਦੇਸ਼ ਮਿਤੀ 24.06.2025 (ਪੇਜ2/ਪੈਰ੍ਹਾ 7) ਦੇ ਅਨੁਸਾਰ ਡ੍ਰਾਫਟ ਵੋਟਰ ਸੂਚੀ ਵਿੱਚ ਕਿਸੇ ਵੀ ਤਰ੍ਹਾਂ ਦੇ ਜੋੜ/ਹਟਾਉਣ/ਸੁਧਾਰ ਲਈ ਇਤਰਾਜ਼ ਦਰਜ ਕਰਵਾ ਸਕਦਾ ਹੈ।

******

ਪੀਕੇ/ਜੀਡੀਐੱਚ/ਆਰਪੀ