یو آئی ڈی اے آئی نے ہندوستان کے آدھار نمبر رکھنے والوں کو منفرد شناخت اور ڈیجیٹل پلیٹ فارم کے ساتھ کسی بھی وقت، کہیں بھی تصدیق کرنے کا اختیار دیا ہے۔ آدھار نمبر ہندوستان کے باشندوں اور این آر آئیز کے لیے 12 ہندسوں کی ایک منفرد ڈیجیٹل شناخت ہے۔ 12 ہندسوں کا آدھار نمبر ایک بے ترتیب نمبر ہے جو کسی بھی ذہانت کے استعمال کے بغیر تیار کیا جاتا ہے اور اس لیے تمام 12 ہندسوں کے نمبر آدھار نمبر نہیں ہیں۔ کوئی بھی آدھار نمبر کبھی کسی دوسرے فرد کو دوبارہ تفویض نہیں کیا جاتا ہے۔ تاہم، کسی شخص کی موت کی صورت میں، یہ ضروری ہے کہ اس کے آدھار نمبر کو غیر فعال کر دیا جائے تاکہ شناخت کی دھوکہ دہی اور اس طرح کے آدھار نمبر کے غیر قانونی استعمال کو روکا جا سکے۔

متوفی آدھار نمبر رکھنے والوں کے آدھار نمبروں کو غیر فعال کرنے سے پہلے ان کی موجودہ حالت کی توثیق کرنا بھی ضروری ہے، کیونکہ اس سے ان کے لیے بڑے پیمانے پر اثرات مرتب ہو سکتے ہیں۔

لہذا، آدھار ڈیٹا بیس کی مسلسل درستگی کو برقرار رکھنے کے لیے، یو آئی ڈی اے آئی نے مختلف ذرائع سے موت کے ریکارڈ حاصل کرنے اور مناسب توثیق کے بعد آدھار نمبروں کو غیر فعال کرنے کے لیے فعال طور پر درج ذیل اقدامات کیے ہیں:

1. حال ہی میں، یو آئی ڈی اے آئی نے آدھار نمبروں سے مربوط موت کے ریکارڈس ساجھا کرنے کے لیے بھارتی رجسٹرار جنرل (آر جی آئی) سے درخواست کی تھی۔ آر جی آئی نے آج کی تاریخ تک، شہری رجسٹریشن نظام (سی آر ایس) کا استعمال کرتے ہوئے 24 ریاستوں/ مرکز کے زیر انتظام علاقوں  سے تقریباً 1.55 کروڑ اموات کے ریکارڈس پیش کیے ہیں۔ لازمی توثیق  کے بعد، تقریباً 1.17 کروڑ آدھار نمبرس غیر فعال بنائے جا چکے ہیں۔اسی طرح کی مشق غیر سی آر ایس ریاستوں / مرکز کے زیر انتظام علاقوں کے ساتھ بھی جاری ہے۔ اب تک تقریباً 6.7 لاکھ اموات کے ریکارڈس موصول ہو چکے ہیں، اور انہیں غیر فعال بنانے کا عمل جاری ہے۔
2. یو آئی ڈی اے آئی نے 24 ریاستوں / مرکز کے زیر انتظام علاقوں، جو فی الحال شہری رجسٹریشن نظام استعمال کر رہی ہیں، میں درج کی گئیں اموات کے لیے 9 جون 2025 کو مائی آدھار پورٹل پر ’’کنبہ رکن کی موت کی اطلاع‘‘ سے متعلق نئی خدمت کا آغاز کیا۔ یہ پورٹل افراد کو اپنے خاندان کے افراد کی موت کی اطلاع دینے کی اجازت دیتا ہے۔ خاندان کے رکن کو، خود کو تصدیق کرنے کے بعد، پورٹل پر متوفی شخص کی دیگر آبادیاتی تفصیلات کے ساتھ آدھار نمبر اور موت کا رجسٹریشن نمبر فراہم کرنے کی ضرورت ہے۔ خاندان کے رکن کی طرف سے جمع کرائی گئی معلومات کی توثیق کے مناسب عمل کے بعد، متوفی شخص کے آدھار نمبر کو غیر فعال کرنے یا دوسری صورت میں، کے لیے مزید کارروائی کی جاتی ہے۔ پورٹل کے ساتھ باقی ریاستوں/ مرکز کے زیر انتظام علاقوں کے انضمام کا عمل فی الحال جاری ہے۔
3. مذکورہ بالا نکات کے علاوہ، یو آئی ڈی اے آئی اس طرح کی معلومات کو برقرار رکھنے والے بینکوں اور دیگر آدھار ایکو سسٹم اداروں سے موت کے ریکارڈ حاصل کرنے کے امکان کو بھی تلاش کر رہا ہے۔
4. یو آئی ڈی اے آئی متوفی آدھار نمبر رکھنے والوں کی شناخت میں ریاستی حکومتوں کا تعاون بھی لے رہا ہے۔ ایک پائلٹ کے طور پر، 100 سال سے زیادہ عمر کے آدھار نمبر رکھنے والوں کی آبادیاتی تفصیلات ریاستی حکومتوں کے ساتھ شیئر کی جا رہی ہیں تاکہ اس بات کی تصدیق کی جا سکے کہ آدھار نمبر رکھنے والا زندہ ہے یا نہیں۔ اس طرح کی تصدیقی رپورٹ موصول ہونے پر، اس طرح کے آدھار نمبر کو غیر فعال کرنے سے پہلے ضروری تصدیق کی جائے گی۔

خاندان کے کسی بھی رکن کی موت کے بعد ان کے آدھار نمبر کے غیر قانونی استعمال کو روکنے کے لیے، یہ سفارش کی جاتی ہے کہ آدھار نمبر حاملین موت کا اندراج کرنے والی اتھارٹیوں سے کنبے کے فوت شدہ افراد کے موت کے سرٹیفکیٹ حاصل کرنے کے بعد مائی آدھار پورٹل پر اپنے کنبے کے افراد کی موت کی اطلاع دیں۔

****

 (ش ح –ا ب ن)

U.No:2824