Ka Kynhun Myntri jong ka Sorkar Pdeng kaba la pyniaid da u Myntri Rangbahduh ka ri u Narendra Modi mynta ka sngi ka la mynjur ia ka “Prime Minister Dhan-Dhaanya Krishi Yojana” na ka bynta samoi 6 snem, kaba sdang naduh u snem 2025-26 ban kynthup ia ki 100 tylli ki district. Ka Prime Minister Dhan-Dhaanya Krishi Yojana ka la ioh mynsiem na ka prokram Aspirational District jong ka NITI Aayog bad kaba nyngkong eh kaba kum kane ban pynleit jingmut tang ha ka rep ka riang bad ki kam ba ïadei bad kane.

Ka Skhim ka thmu ban kyntiew ia ka jingmih ha ka rep ka riang, ban kyntiew ka jingpdiang ia ki rukom rep bapher bapher bad ki rukom rep kiba lah ban pynneh pynsah, ban pynbun ia ki jaka buh hadien ba la dep lum ia ki mar rep ha ki kyrdan panchayat bad ki block, ban kyntiew ia ki lad ai um bad ban pynsuk ia ka jingdon jong ka ram kaba jrong bad kaba lyngkot samoi. Ka long kum ka jingbud ryntih ia ka jingpynbna ia ka Mang Tyngka na ka bynta u snem 2025-26 ban kyntiew ia 100 tylli ki district hapoh ka “Prime Minister Dhan-Dhaanya Krishi Yojana”. Ia kane ka Skhim yn pyntreikam lyngba ka jingpyniasoh lang ia 36 tylli ki skhim kiba la don lypa ha 11 tylli ki Tnad, kiwei kiwei ki skhim jong ka Jylla bad ki jingiatreilang ha ka thain bad ki riew shimet.

Yn ithuh ia 100 tylli ki district katkum lai tylli ki dak ba kongsan jong ka jingduna ka jingmih, ka jingduna ka jingthung jingtep, bad ka jingduna ka jingai ram. Ka jingdon jong ki district ha kawei pa kawei ka jylla/UT yn pynshong nongrim katkum ka bhah jong ka Net Cropped Area bad ki Operational Holdings. Hynrei yn jied ym duna ia ka 1 ka district na kawei ka jylla.

Yn thaw ia ki Committee ha ka kyrdan District, Jylla bad ha ka ri na ka bynta ka jingthmu, ka jingpyntreikam bad ka jingpeitngor kaba paka ia ka Skhim. Ia ka District Agriculture and Allied Activities Plan yn rai da ka District Dhan Dhaanya Samiti, ka ban don ruh ki nongrep kum ki dkhot. Ia ki kam ba pynkhreh ha ki District yn pyniadei bad ki thong jong ka ri ban pynpher ia ki jingthung, ban pynneh pynsah ia ka jingkoit jingkhiah jong ka um bad ka khyndew, ka jinglah ban kyrshan dalade ha ka rep ka riang bad ki kam ba iadei bad kane bad kumjuh ruh ban pyniar ia ka rukom rep tynrai bad ka rukom rep organic. Ïa ka jingïaid shakhmat jong ka Skhim ha kawei pa kawei ka Dhan-Dhaanya district yn buddien halor ki 117 tylli ki dak ba kongsan jong ka jingtreikam lyngba ka dashboard man la ka bnai. Ka NITI kan bishar bniah bad ïalam lynti ruh ïa ki kam ba pynkhreh ha ki district. Nalor ki Central Nodal Officer kiba la thung na ka bynta kawei pa kawei ka district kin bishar bniah ruh ïa kane ka skhim man ka por.

Katba ki jingmih ba la thmu ha kine ki 100 tylli ki distrik kin nang kiew, ka jingkhein kyllum pyrshah ia ki dak ba kongsan jong ka jingtreikam kan nang kiew na ka bynta ka ri. Kane ka skhim kan wanrah ia ka jingmih kaba kham heh, ka jingkiew dor ha ka rep ka riang bad ki bynta ba iadei bad kane, ka jingpynmih ia ki lad kamai ha ka thain bad na kata ka daw kan kyntiew ia ka jingmih hapoh ka ri bad ban ioh ia ka jinglah ban shaniah ha lade (Atmanirbhar Bharat). Katba ki dak jong kine ki 100 tylli ki distrik ki nang kiew, ki dak jong ka ri kin pyni hi dalade ia ka jingkiew shaneng.

Katkum kine ki 100 tyll distrik ki dang kiew ha kine ki kam, ka jingkhein a baroh kawei ka ri ruh kan kiew lang. Kane ka skhim kan kyntiew ia ka jingseisoh, ki jingkyntiew ia ki kam rep bad ki kam ba iadei bad kine, ka jingthaw ia ki lad kamai ja kpoh kin kyntiew ia ka jingpynmih mar hapoh ka ri bad ka jingpynurlong ia ka jinglah shaniah halade (Atmanirbhar Bharat). Katba kine ki dak ha kine ki 100 tylli ki distrik ki dang kiew, ki dak ha ka ri ruh kin kiew.

*****