সেন্ত্রেল য়ুনিভর্সিতিশিংগী ভাইস চান্সেল্লরশিংগী নুমিৎ নিনিগী মীফম ঙসিদগী গুজরাতকী কেবারিদা হৌখ্রে। ভাইস চান্সেল্লর ৫০ হেন্না শরুক য়ারিবা মীফম অসিদা এন.ই.পি ২০২০ থবক ওইনা পায়খৎনবা লাল্লোং হন্না য়েংশিনগনি অমসুং নৈনগনি। সেন্ত্রেল য়ুনিভর্সিতি গুজরাতকা লোয়ননা ইজুকেসন মিনিস্ত্রিনা শীনবা মীফম অসিদা বিকিস ভারত ২০৪৭ গী পান্দম ফংনবা সেন্ত্রেল য়ুনিভর্সিতিশিংগী মেপ শেম্নবা অমসুং থবক মপুংফানা পাংথোক্নবা পান্দম থম্লি।

মীফম অদুদা ৱা ঙাংবদা, ইজুকেসনগী য়ুনিয়ন মিনিস্তর শ্রী ধর্মেন্দ্র প্রধান্না হায়খি হৌখিবা চহি ১০ দা ভারতকী অৱাংবা থাক্কী মহৈ তম্বগী থবকশিংদা অচৌবা অওনবা অমা পুরক্লে। মসি হোংদোক হোংজিন য়াবা, হিরম কয়া, খুদিংমক কোনশিনবা অমসুং অনৌবা ওইরে। মসিগী ফল ওইনা, ২০১৪-১৫ দগী চাদা ৩০ হেনগৎতুনা, মিং চনবা অপুনবা মহৈরোয় মশিং করোর ৪.৪৬ য়ৌরে, মিং চনবা নুপী মশিং চাদা ৩৮ হেনগৎলে অমসুং মিং চনবা নুপা মশিংদগী মিং চনবা নুপী মশিংনা হেল্লে, পি.ঐচ.দি তম্বা মশিং শরুক অনিদা হেনগৎলে অমসুং নু্পী পি.ঐচ.দি স্কোলার মশিং চাদা ১৩৬দা হেনগৎলে, এস.সিনা মিং চনবা চাদা ১০ হেনৎলে, এস.সিনা চাদা ৮ হেনগৎলে। মীওই খুদিংমক কোনশিনবা লাইরিক লাইশু তম্বগী খুদোংচাবা পীনবা অমসুং খুন্নাইগী অচুম্বা পুরক্নবা সরকারনা পায়খৎলিবা থবক অদু মসিনা উৎলে। অফবা থৌশিলগী ফল অমা ওইনা য়ুনিভর্সিতি ১,২০০ অমসুং কলেজ ৪৬,০০০ হেন্না লিংখৎতুনা ভারত অসি মালেমদা খ্বাইদগী চাউবা ইজুকেসন সিস্তেম লৈবা লৈবাক অমা ওইরে।

শ্রী প্রধান্না হায়খি মদুদি এন.ই.পি ২০২০ গী ৱাশক মঙা অসিনা মখোয়গী য়ুনিভর্সিতিশিংদা ভি.সিশিংগী চৎন-কাংলোন ওইগনি। মরুওইবা থিমশিংদি অনৌবা মীরোলগী ইজুকেসন, হিরম কয়াগী ইজুকেসন, অনৌবা ইজুকেসন, অফবা ইজুকেসন অমসুং ভারতিয়া ইজুকেসন্নি। ভারতকী হৌখ্রবা, হৌজিক অমসুং তুংগী অফবশিং হরাওবা ফোঙদোক্তুনা একাদেমী ত্রিবেনি শঙ্গম থবক ওইনা পাংথোক্নবা ভি.সিশিংনা অহোংবশিং পুরক্নবা হোৎনগদবনি। মসিনা হৌখ্রবা, হৌজিক অমসুং তুংগী মরমদা খঙহনবা ঙমগনি।

য়ুনিয়ন মিনিস্তরনা হায়খি করিকুলম অমুক হন্না শেমদুনা, দিজিতেলগী থবকশিং পায়খৎতুনা, ওজাশিং ত্রেনিং পীদুনা অমসুং হিরম কয়াদা থবক পায়খৎপা য়াওনা মরুওইবা হিরমশিংদা অকক্নবা থবকশিং পায়খৎতুনা ২০৩৫ ফাওবগী মনুংদা অৱাংবা থাক্কী মহৈ তম্বদা জি.ই.আর চাদা ৫০ ফাওবা হেনগৎহনবা অসি য়াম্না মরুওই। মসিগী পান্দম অসি ফংনবগীদমক মহৈরোয়শিংগী ৱাখল্লোনশিং অমসুং অপাম্বশিং শেম্বদা ভি.সিশিংনা কেতালিস্ত ওইনা থবক তৌবা অসি য়াম্না মরুওই। য়ুনিভর্সিতিশিংনা “মহৈরোয়শিংনা হান্না” হায়বা পান্দম অসি ইনগদবনি অমসুং তুংগীদমক মখোয় ঐখোয়গী লৈবাক্কী মপাঙ্গল ওইবা মরম্না ঐখোয়গী অওনবা খুদিংমক মহৈরোয়শিং ময়াইদা লৈহনগদবনি। মহৈরোয়শিং থবক পীবা মীওইশিং, সোসিএল ওন্ত্রেপ্রেন্যুরশিং অমসুং ইথিকেল ইন্নোবেতরশিং ওইনবা মহৈরোয়শিং শেমগৎনবা ভি.সিশিংনা থবক পায়খৎকদবনি।

য়ুনিয়ন মিনিস্তরনা হায়খি য়ুনিভর্সিতি খুদিংমক্ত এন.ই.পি ২০২০ পায়খৎনবা মীফম শরুক য়ারিবা ভি.সিশিংনা থৌরাং তৌগদবনি। মসিদা সবজেক্তশিং অমগা অমগা পুনশিনহনবা, ইন্দিয়ান নোলেজ সিস্তেম (আই কে এস) থবক ওইনা পায়খৎপা, স্কিল লৈহনবা অমসুং অপ-স্কিল্লিংগী থবকশিং ফগৎনবা তেক্নোলোজিদা য়ুম্ফম ওইবা ইজুকেসনগী লাল্লোং শেম্বা, মহৌশাগী লৌশিংদা তেক্নোলোজি পুনশিনবা অমসুং লনাই য়ুনিভর্সিতি কেম্পসশিংদা ভি.সিগী মীফমশিংগুম্বা মীফমশিং পাংথোকপা অসি য়াওহনগদবনি।

সেন্ত্রেল য়ুনিভর্সিতি গুজরাতকী ভি.সি দোক্তর হসমুখ অধিয়ানা হায়খি কর্মায়োগগী ‘অচুম্বা ফিদম তরুক” অসি য়াম্না মরুওই অমসুং লনাই মীওইশিং, খুন্নাই অমসুং লৈবাক অসিদা ভারতকী মহৌশাদগী লৈরক্লবা লৌশিং কয়া অসিনা মরুওইবা থৌদাং লৌরি। মখোয়গী পান্দমশিং ফংনবা ভি.সিশিংনা ফিদমশিং অসি ঙাক্না চৎগদবনি।

হায়র ইজুকেসনগী সেক্রেতরি, দোক্তর বিনিত জোসিনা হায়খি এন.ই.পি ২০২০ হৌদোকখিবা চহি ৫ মপুংফাবগা লোয়ননা, মালেমদা চাংদম্নবা ঙমগদবা অৱাংবা থাক্কী মহৈ মশিং তম্বগী থবক পায়খৎনবা পান্দম ফংনবা ঐখোয়গী খুমাঙ চাউশিনবা হন্না য়েংশিন্নবা মীফম অসিনা খুদোংচাবা অমা পীরে। এন.ই.পি ২০২০ না অচৌবা পান্দম অমা থম্লি, অদুবু ফংবা ঙমদ্রি, ভারতকী অৱাংবা থাক্কী মহৈ তম্বগী পান্দম অসি লাইনা ফংহনবা, মীওই খুদিংমক ফংহনবা, মগুন হৈহনবা, মমল হোংহনবা অমসুং মরম চাবদা য়ুম্ফম ওইবনি। ঐখোয়গী মহৈলোয়শঙশিং অসি দিগ্রিশিং খক পীনবা নত্তে, অনৌবা থবক পায়খৎনবা, অরুবা ৱাখল খন্নবা, থিজিন্নবা অমসুং চাউখৎনবা মফমশিংনি।

হয়ার ইজুকেসনগী এদিসনেল সেক্রেতরি, দোক্তর সুনিল বর্নৱালনা হায়খি এন.ই.পি ২০২০ গী মরুওইবা য়ুম্বী মঙা হায়বদি লাইনা ফংহনবা, মীওই খুদিংমক ফংহনবা, মগুন হৈহনবা, মমল হোংহনবা অমসুং মরম চাবদা অসি য়াম্না মরুওই। এন.ই.পিগী পান্দমশিং ফংনবা মরী লৈনবশিংনা অৱাংবা থাক্কী মহৈলোয়শঙশিংগা পুন্না চৎমিন্নবা অসি য়াম্না মরুওই।

সেন্ত্রেল য়ুনিভর্সিতি গুজরাতকী ভি.সি প্রোফেসার রমা সঙ্করনা হৌদোকপগী সেসন লোইশিনবগী ৱারোলদা হায়খি মদুদি মখোয়গী লনাই কেম্পসশিংগী খুৎথাংদা বিকসিত ভারতকী পান্দম ফংনবা সেন্ত্রেল য়ুনিভর্সিতিশিংনা অফবা থবকশিং পায়খৎকদবনি। 

নুমিৎ নিনি খন্নগদৌরিবা অসিদা মখাগী মরুওইবা হিরম অহুম অসি খন্নরবা য়ারি:

1. মপা চানহনবা: থৌশিল অসিগী মথংগী তাঙ্কক্কী পান্দমশিং অসিগা সেন্ত্রেল য়ুনিভর্সিতিশিংনা পায়খৎকদৌরবা থবকশিংগা চানবা ওইগদবনি।

2. মহৈরোয়শিং অমনা অমদগী তম্নবা অমসুং লৌশিং পীথোক-পীশিন তৌনবা: মহৈলোয়শঙশিংদা অনৌবা থবকশিং পায়খৎনবা, অফবা ফিবমশিং শেমগৎনবা অমসুং খুদোংচাদবশিং পুন্না থেংনমিন্ননবা লাইরিক-লাইশুগী লুচিংবশিংগী মরক্ত ৱারি শানবা হেনগৎহনবা।

3. তুংগীদমক শেম শাবা: তুংগী থৌশিলশিং মাইপাক্নবা, চৎন-কাংলোনশিংগী অওনবা পুরক্নবা অমসুং ২০৪৭ গী মালেমগী লাইরিক-লাইশু তম্বগী থবকশিংগী মতাংদা মহৈলোয়শঙশিংনা শেম শাবা।

এন.ই.পি ২০২০ গী মরুওইবা য়ুম্বীশিং- লাইনা ফংহনবা, মীওই খুদিংমক ফংহনবা, মগুন হৈহনবা, মমল হোংহনবা অমসুং মরম চাবদা অসিগা চুন্নবা নুমিৎ নিনি অসিদা থিমেতিক সেসন ১০ গী খুৎথাংদা মীফম অসিদা অৱাংবা থাক্কী মহৈ তম্বগী মরুওইবা  ৱাফমশিং- তম্বীবা/তাকপীবা, থিজিনবা অমসুং লৈঙাক্কী মতাংদা খন্নগনি। মখোয়গী মনুংদা য়াওরিবদি:

1. চহি ৪ গী অন্দরগ্রেজুয়েত প্রোগ্রামদা য়ুম্ফম ওইদুনা এন.ঐচ.ই.ক্বিউ.এফ/এন.সি.আর.এফ মশক খঙবা অমসুং থবক ওইনা পায়খৎপা।

2. তুংদা লাক্কদবা থবক- তুংদা লাক্কদবা থবকশিংগী দরকার ওইবা মতুংইন্না কোর্সশিং শেমদোকপা

3. দিজিতেল ইজুকেসন- শ্বায়ম, শ্বায়ম প্লস, ক্রেদিদ ত্রান্সফরগী পান্দমগা লোয়ননা অপার

4. য়ুনিভর্সিতি গভর্নান্স সিস্তেম-সমার্থ

5. অৱাংবা থাক্কী মহৈলোয়শঙশিংদা মীওই খুদিংমক তম্নবগী খুদোংচাবা পীবা- অপুনবা অমসুং মীওই খুদিংমক তম্বা ফংবগী খুদোংচাবা হেনগৎহনবা

প্রধান মন্ত্রী বিদ্যা লক্ষ্মী, ৱান নেসন ৱান সবস্ক্রিপসন

6. ভারতকী লোলশিং অমসুং ভারতকী লৌশিংদা লাইরিক তাকপী তম্বীবা, ভারতিয়া ভাসা পুস্তক স্কিম

7. এ.এন.আর.এফ, সি.ও.ই, পি.এম.আর.এফ য়াওনা থিজিনবা অমসুং অনৌবা থবক

8. রেঙ্ক পীবা অমসুং এক্রিদিতেসনগী থবক

9. ভারত্ত লাইরিক তম্বা য়াওনা থবক খুদিংমক মালেমগী ওইহনবা

10. ওজা শেমগৎপা-মালভিয়া মিসন তিচর ত্রেনিং প্রোগ্রাম

মীফম অদুদা শরুক য়াখিবা মহৈলোয়শঙশিংগী মনুংদা দিল্লি য়ুনিভর্সিতি, হরিয়ানা সেন্ত্রেল য়ুনিভর্সিতি, অসাম য়ুনিভর্সিতি, হেমবাতি নন্দন বহুগুনা গরহৱাল য়ুনিভর্সিতি, রাজস্থানগী সেন্ত্রেল য়ুনিভর্সিতি, কাস্মিরগী য়ুনিভর্সিতি, বিশ্ব-ভারতি, নেসনেল সংস্কৃত য়ুনিভর্সিতি, ইন্দিরা গান্ধী নেসনেল ত্রাইবেল য়ুনিভর্সিতি, সিক্কিম য়ুনিভর্সিতি, ত্রিপুরা য়ুনিভর্সিতি, জৱাহরলাল নেহরু য়ুনিভর্সিতি, এল্লাহবাদ য়ুনিভর্সিতি অমসুং অতোপ্পা য়ুনিভর্সিতিশিং য়াওখি। 

ভারতকী অৱাংবা থাক্কী মহৈ তম্ববগী থবকশিংদা অওনবা পুরক্নবা নাখৈ শেংবা পান্দম অমা এন.ই.পি ২০২০ না থম্লি। পান্দম অসিদা মালেমগী মহৈলোয়শঙশিংগা পুন্না থবক তৌমিন্নবা পুক্নিং থৌগৎপা য়াওরি। পান্দম অসি ফংনবা অমসুং তোঙান তোঙানবা মরী লৈনবশিংগী মরক্ত পুন্না থবক তৌমিন্নবা ঙম্নবা, ভি.সিশিংগী মীফম অসিনা কান্নরবা ৱাফমশিং পুথোরক্কনি, মহৈলোয়শঙশিংগী মরক্ত পুন্না থবক তৌমিন্নবা হেনগৎহনগনি অমসুং এন.ই.পি ২০২০ থবক ওইনা পায়খৎনবা মথংগী তাঙ্কক্কী লম্বী অমা শেম্বদা মতেং পাংগনি হায়বগী থাজবা থম্লি। তুংদা ভারতকী অৱাংবা থাক্কী মহৈ তম্ববগী থবকশিং পায়খৎপদা অমসুং বিকসিত ভারত ২০৪৭ গী পান্দম ফংনবা লৈবাক অসিগী অপুনবা থবকশিং ফগৎহনবদা মীফম অসিদগী ফংলকপা ফলশিংনা মরুওইবা থৌদাং অমা লৌগনি।

হৌদোকপা নুমিত্ত থিম তরুক্ত ভারতকী অৱাংবা থাক্কী মহৈ তম্বগী থবকশিং ফগৎনবা, একাদেমীক মোবিলিতি, তুংগী থবকশিংগা চুন্নবা লাইরিক তম্বীবা, চুনবা স্কিল পীবা, দিজিতেল ইজুকেসন, য়ুনিভর্সিতিগী লৈঙাক, অৱাংবা থাক্কী মহৈ তম্বা মীওই খুদিংমক্ত ফংহনবা অমসুং ভারতকী লৌশিংগী থবকশিং লাইরিক তম্বদা য়াওহনবগী মতাংদা খন্নখি।

****