نمامی گنگے پروگرام کے تحت ملک بھر کی ندیوں کی بحالی کے لیے ٹیکنالوجی کے استعمال اور اختراعات پر تبادلہ خیال کرنے کے لیے آج دہلی میں ایک اہم اعلیٰ سطحی جائزہ میٹنگ کا انعقاد کیا گیا۔ اس میٹنگ کی صدارت مرکزی وزیر جل شکتی جناب سی آرپاٹل نے کی اور اس میں ٹیکنالوجی کے مستقبل اور دریاؤں کے انتظام میں اختراعات کے حوالے سے گہرائی سے بات چیت کی گئی۔

مرکزی وزیر نے ٹیموں کے ذریعے دکھائے گئے باہمی تعاون کے جذبے، تکنیکی اختراع اور سائنسی گہرائی کی تعریف کی۔ انہوں نے ان تحقیقی نتائج کو قابل عمل زمینی مداخلتوں میں تبدیل کرنے کی اہمیت پر زور دیا۔ "اویریل اور نرمل گنگا" کے لیے حکومت کے عزم کا اعادہ کرتے ہوئے، جناب پاٹل نے تمام اسٹیک ہولڈرز کو ہدایت دی کہ وہ ملک کے لیے صاف ستھرا، صحت مند اور پانی سے محفوظ مستقبل(واٹر سیکیور فیوچر) کو یقینی بناتے ہوئے اہم دریاؤں کے نظاموں میں ان اقدامات کے نفاذ میں تیزی لائیں اور ان کو وسعت دیں۔

اس موقع پر، آئی آئی ٹی (بی ایچ یو) کی ٹیموں نے اسمارٹ لیبارٹری آن کلین ریورز (ایس ایل سی آر) کے تحت جو ڈنمارک کے تعاون سے قائم کی گئی ہے، اور آئی آئی ٹی دہلی کی ٹیموں نے جو انڈ ریویرز کے تحت نیدرلینڈز کے تعاون سے قائم کی گئی ہے، دو اہم اختراعی منصوبوں پر تفصیلی پیشکش کی۔ انڈ ریویرز کا مقصد شہری دریاؤں پر توجہ مرکوز کرنا ہے جبکہ دریا کی بحالی اور انتظام کے لیے فیصلہ سازی کی معاونت کا نظام، خاص طور پر ورونا دریا پر توجہ مرکوز کرتا ہے۔ دونوں اداروں نے یہ دکھایا کہ ان کی تحقیق اور ٹیکنالوجی کی کوششیں کس طرح پائیدار دریا کی حفاظت کے لیے ایک مرکوز نقطہ نظر کو فروغ دینے میں مدد گار ثابت ہوں گی۔

اس میٹنگ کے دوران، اسمال ریورز مینجمنٹ ٹول (ایس آر ایم ٹی) کی پیش رفت پیش کی گئی جو ایک فیصلہ سازی کی معاونت کا نظام (ڈی ایس ایس) ہے اور ورونا دریا پر توجہ مرکوز کرتا ہے، جس کی صلاحیت دیگر دریاؤں اور نکاسی کے علاقے میں بھی وسعت دی جا سکتی ہے۔ ایس آر ایم ٹی کو پالیسی سازوں کے لیے ایک سائنسی اور تیز ردعمل دینے والا ٹول کے طور پر ڈیزائن کیا گیا ہے اور یہ دریا کے انتظام کے لیے فیصلہ سازی کی معاونت کے نظام کا بنیادی حصہ ہے۔ اس ڈی ایس ایس میں آبادی کی پیش گوئی، پانی کی طلب اور فراہمی کا تخمینہ، سیوریج بوجھ کا تجزیہ، اور ایس ٹی پی کے لیے ترجیحی زونز کی شناخت کے لیے جدید ماڈیولز شامل ہیں۔ ڈی ایس ایس کے ایک ڈیمو کے دوران، مرکزی وزیر کو اس کے مضبوط لاگ ان سیکیورٹی اور صارف دوست انٹرفیس کے بارے میں بھی آگاہ کیا گیا، جو فیصلہ سازوں کو مؤثر طریقے سے معاونت فراہم کرنے کے لیے ڈیزائن کیا گیا ہے۔

میٹنگ کے دوران منیجڈ ایکویفر ریچارج (ایم اے آر) کو بھی اجاگر کیا گیا—جو پانی کی تہہ کی دوبارہ بھرتی کے لیے ایک جدید حکمت عملی ہے۔ ایک منصوبہ پیش کیا گیا جس میں وقت کے مطابق ہائیڈرو جیولوجیکل ماڈلنگ کے ذریعے دریاؤں کو دوبارہ زندہ کرنے کی تجویز دی گئی تاکہ بیس فلو میں اضافہ کیا جا سکے۔ مرکزی وزیر  جناب سی آرپاٹل نے دو اہم منصوبوں کا جائزہ بھی لیا—ورونا بیسن میں ہائیڈرو جیولوجیکل ماڈلنگ اور گنگا بیسن میں ابھرتے ہوئے آلودگیوں کا فنگر پرنٹ تجزیہ۔ دونوں منصوبے جدید ٹیکنالوجیز جیسے فلو اے ٹی ای ایم اور ایل سی ایچ آر ایم ایس کا استعمال کر رہے ہیں، جو دریا کی آلودگی کی نگرانی اور علاج کی کوششوں کو سائنسی اور جدید جہت فراہم کرتے ہیں۔

میٹنگ کے دوران، آئی آئی ٹی دہلی نے انڈ ریویرز اقدام کے تحت ایک مرکزِ برائے بہترین (سی او ای) کے قیام کا روڈ میپ پیش کیا، جو قومی مشن برائے صاف گنگا (این ایم سی جی) اور حکومتِ نیدرلینڈز کے تعاون سے انجام دیا جا رہا ہے۔ مرکزی وزیر جناب سی آر پاٹل کو آگاہ کیا گیا کہ یہ مرکز نہ صرف عملی تحقیق کی قیادت کرے گا بلکہ پانی کے شعبے میں اسٹارٹ اپس کی تربیت اور انکیوبیشن کا مرکز بھی بنے گا۔ خصوصی توجہ کے شعبوں میں شہری دریاؤں کے انتظام کے منصوبے، ڈیجیٹل ٹوئن، اے آئی پر مبنی جیو اسپیشل ماڈلنگ، پانی کے معیار میں بہتری اور ابھرتی ہوئی آلودگیوں جیسے پلاسٹک کا علاج شامل ہیں۔ اس اقدام کا مقصد دریا کے تحفظ کے لیے سائنس اور اختراع کے نئے محاذ کھولنا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح –اس ک۔ ن ع)

U. No.2599