மத்திய நிதி அமைச்சகத்தின் நிதிசார் சேவைகள் துறை, 24.01.2025-ம் தேதியிட்ட அதன் அறிவிப்பு எண். எப்எஸ்-1/3/2023-பிஆர் மூலம், மத்திய அரசின் குடிமைப் பணிகளில் சேருபவர்களுக்கு தேசிய ஓய்வூதியத் திட்டத்தின் கீழ் ஒரு விருப்பத் தேர்வாக ஒருங்கிணைந்த ஓய்வூதியத் திட்டம் அறிமுகப்படுத்தப்படுவதாக அறிவித்தது. இது 01.04.2025 - ம் தேதி முதல் தேசிய ஓய்வூதியத் திட்டத்தின் கீழ் உள்ள மத்திய அரசு ஊழியர்களை ஒருங்கிணைந்த ஓய்வூதியத் திட்டத்தின் கீழ் சேர்க்க ஒரு முறை மட்டுமே விருப்பத் தேர்வை வழங்குகிறது.

இந்தக் கட்டமைப்பைச் செயல்படுத்த, ஓய்வூதிய நிதிசார் ஒழுங்குமுறை மற்றும் மேம்பாட்டு ஆணையம், 2025 - ம் ஆண்டு மார்ச் 19 - ம் தேதி (தேசிய ஓய்வூதியத் திட்டத்தின் கீழ் ஒருங்கிணைந்த ஓய்வூதியத் திட்டத்தின் செயல்பாட்டுமயமாக்கல்) விதிமுறைகள், 2025 - ஐ அறிவித்தது.

ஒருங்கிணைந்த ஓய்வூதியத் திட்டத்திற்கு மேலும் உத்வேகம் அளிக்கும் முயற்சியாக, தேசிய ஓய்வூதியத் திட்டத்தின் கீழ் கிடைக்கும் வரிச் சலுகைகள் அத்திட்டத்தின் விருப்பத் தேர்வாக இருப்பதால், ஒருங்கிணைந்த ஓய்வூதியத் திட்டத்திற்கும் தேவையான மாற்றங்களுடன் இது பொருந்தும் என்று மத்திய அரசு முடிவு செய்துள்ளது.

இந்த விதிகள் தற்போதுள்ள தேசிய ஓய்வூதியத் திட்டத்தின் கட்டமைப்பிற்கு இணையான நிலையை உறுதி செய்வதுடன் ஒருங்கிணைந்த ஓய்வூதியத் திட்டத்தைத் தேர்ந்தெடுக்கும் ஊழியர்களுக்கு கணிசமான வரி நிவாரணம் மற்றும் சலுகைகளை வழங்குகின்றன.

ஓய்வூதிய சீர்திருத்தத்திற்கான மத்திய அரசின் உறுதியான நடவடிக்கைகள்

வரி கட்டமைப்பின் கீழ் ஒருங்கிணைந்த ஓய்வூதியத் திட்டத்தைச் சேர்ப்பது, வெளிப்படையான, நெகிழ்வுத்தன்மை மற்றும் வரி-திறனுள்ள விருப்பங்கள் மூலம் மத்திய அரசு ஊழியர்களுக்கான ஓய்வூதியப் பாதுகாப்பை வலுப்படுத்துவதற்கான மத்திய அரசின் முன்முயற்சியில் மற்றொரு படியைக் குறிக்கிறது.

******

(Release ID: 2142136)

AD/TS/SV/KPG/SG