ভারত সরকারগী রুরেল দিবলপমেন্ত মিনিস্ত্রিগী দিনদয়াল অন্তয়োদয়া য়োজনা-নেসনেল রুরেল লাইফলিহুদস মিসন্না মেঘালয়গী স্তেৎ রুরেল লাইফলিহুদস মিসনগা খুৎশম্নদুনা “শঙ্গথন, শ্বাস্থ্যা, সমরিধি: ফুদ, ন্যুত্রিসন, হেল্থদা নুপীশিংগী অপুনবা থবক” হায়বা অসিদা জুন ৩০ দগী জুলাই ১, ২০২৫ দা মেঘালয়গী শিল্লোংদা নুমিৎ নিনিগী রিজনেল ৱার্কশোপ অমা পাংথোকখ্রে।

রাজ্যশিংগী মরক্ত অমনা অমদগী তম্নবা অমসুং ভারত শীনবা থুংবগী মীয়ামগী অফবা থবকশিং উৎনবা ৱার্কশোপ অসিনা পান্দম থম্লি। লাইন দিপার্তমেন্তশিং, সি.এস.ওশিংগা পুন্না থবক তৌমিন্নবা হেনগৎহন্নবা অমসুং মীওই খুদিংমক কোনশিনবা অমসুং তুংকোইনা চৎনবা য়াবা থৌশিলশিং শেম্নবা ৱার্কশোপ অসিনা পান্দম থম্লি।

ৱার্কশোপ অদুদা ভারত সরকারগী হান্নগী সেক্রেতরি শ্রী এন.এন সিনহা, রুরেল দিবলপমেন্ত মিনিস্ত্রগী জোইন্ত সেক্রতরি শ্রীমতি সিমরিতি সারান, আর.দি মেঘালয়গী দিরেক্তর শ্রী সিবে সি সাধু অমসুং এস.আর.এল.এম মেঘালয়গী সি.ই.ও শ্রী রামকৃষ্ণ চিতুরি শরুক য়াখি। রাজ্য ১৬ হায়বদি অন্ধ্র প্রদেস, অরুনাচল প্রদেস, অসাম, গৱা, কর্নাতকা, কেরলা, মনিপুর, মিজোরম, নাগালেন্দ, ওরিসা, সিক্কিম, তামিল নাদু, তেলঙ্গানা, ত্রিপুরা, নোংচুপ বেঙ্গল, অমসুং মেঘালয়গী সেনিয়ার ওফিসিএলশিংশু শরুক য়াখি।

অহানবা নুমিত্ত ইস্ত খাসি হিলস জিলাগী লাইতক্রো অমসুং ভোলাগঞ্জ ব্লোক্ত ফিল্দ ভিজিৎ পাংথোকখি অমসুং দেলিগেদশিংনা মীয়ামগী লুচিংবশিং অমসুং হকশেলগী লমদা থবক তৌরিবা মীওইশিংগা উনখি। দেলিগেদশিংনা তোঙান তোঙানবা শীনফমশিংদা লৈরিবা লাখপতি দিদিশিংগা ৱারি শানখি, নুপীশিংগী বেবি শ্বাৱার দেমোন্সত্রেসনশিং অমসুং এগ্রি-ন্যুত্রিসন গার্দেনশিং য়েংখি। অনিশুবা নুমিত্ত রাজ্যশিংগী এফ.এন.ঐচ.দব্লিউগী থবকশিংগী মতাংদা খন্নখি। এফ.এন.ঐচ.দব্লিউগী থবকশিং, পোৎথোকশিং অমসুং আই.ই.সিগী মচাকশিং উৎপা একজিবিসন অমা পাংথোকখি অমসুং সি.আর.পিশিংনা শন্দোক্না তাকখি অমসুং এস.ঐচ.জিশিং, ফেদেরেসনগী মেম্বরশিং, রাজ্যগী ওফিসিএলশিং অমসুং হিরম অসিগী অখঙ-অহৈশিং অমনা অমদগী তম্নবগী খুদোংচাবা লৌখি। শ্রী এন.এন সিনহানা হায়খি মদুদি বিকসিত ভারতকী পান্দম ফংনবা ইনফ্রাস্ত্রকচর শেমগৎপদগী মীওইবা শেমগৎপনা হেন্না মরুওই।

শ্রীমতি সিমরিতি সারান্না হায়খি মমা অমসুং অঙাংশিংগী হকশেলদা সি.জি.ঐচ.এশিংগী থৌদাং অসি থাগৎনিঙাইনি অমসুং মখোয় পর্পলগী তুপী উপ্পা লান্মীশিংনি। এস.আর.এল.এমশিং শীনবা থুংনা এফ.এন.ঐচ.দব্লিউগী থবকশিং য়েংশিনবা অমসুং মাঙজিল থানবা থবক তৌরিবশিং থৌদাং নাখৈ শেংহনবা অসি য়াম্না মরুওই। শ্রী রামকৃষ্ণ চিতুরিনা হায়খি এস.ঐচ.জিনা চলাইবা হোমশিং অমসুং ভি.ওশিংগী ভি.আর.এফশিং লৈদুআন মীয়াম শরুক য়াবা অনৌবা থবকশিংদা মেঘালয় অওনবা অমা পুরক্লে। এস.এ.এম কেসশিংদা চাদা ৯১ হন্থরে অমসুং মসিনা পুনশিনবা অমসুং লৈকায়গী থবকশিং লুচিংবদা খুদোংচাবা পীরে। শ্রী সিবে সি সাধুনা হায়খি মেঘালয় অসি নুপীশিংনা য়ুমগী মপু ওইরবসু, ৱারেপশিং লৌবদা মতম অয়াম্বদা নুপাশিংনা ঙম্না পাংথোক্লি। এফ.এন.ঐচ.দব্লিউগুম্বা মফমশিংগী খুৎথাংদা নুপীশিংগী রিজার্বেসন অমসুং লৈবাক ঙাকপদা শরুক য়াবা অসি য়াম্না মরুওই।

অসাম এস.আর.এল.এমগী এস.এম.দি শ্রী কুন্তাল মোনিনা হায়খি অসামদা মাতকা ইন্সিলেতরশিং, হিদাক মনা শীজিন্নদবা খুঙ্গংশিংগী থবক অমসুং মমাগী খোমলাং পীথকপগী মতাংদা অনৌবা থবকশিং পায়খৎলে। অসামদা অঙাংশিং নৌনা লুহোংবা চাদা ৮৮ হন্থরে অমসুং মমাশিং শিবগী চাং চাদা ৩৩ দা হন্থরে অমসুং মসি সানজোং সেতু কনভরজেন্স মোদেলদা পুখৎনবা পান্দম থম্লি। ইস্ত খাসি হিলসকী দি.সি শ্রীমতি রোসেতা মেরিনা হায়খি মমা অমসুং অঙাংগী হকশেল ফগৎনবা থবক কয়া পায়খৎলে। মরুওইবা থবকশিংগী মনুংদা খোম্লাং পীথক্নবা খাঙপোকশঙশিং শাবা, এস.ঐচ.জিগী ক্রেচেশিং, এগ্রি-ন্যুত্রিসন গার্দেনশিং অমসুং এস.এ.এম অঙাংশিংদা মতেং পাংবা য়াওরি। হোস্পিতালশিংদা অঙাং উনবা মশিং হেনগৎলকপা অমসুং মমা অমসুং অঙাং শিবা হন্থরকপা উরে। য়ুমশিংদা এগ্রি-ন্যুত্রিসন গার্দেনশিং শেমগৎপা অমসুং এফ.এন.ঐচ.দব্লিউগী মতাংদা ৱাখল তাহন্নবা পায়খৎলিবা থবকশিংগী নুংঙাইরবা ৱারিশিং কম্মুনিতি রিছোর্স পর্সনশিংনা লীখি। কেম্পেনশিং, তম্নবা নমুনাশিং অমসুং অমোৎপা লোইশিনবগী থবকশিংগী খুৎথাংদা মখোয়না মীয়ামগী লমচৎতা অহোংবা পুরকখি অমসুং থবকশিং ফগৎহনখি।

শেন-থুম অমসুং হকশেলগী খুদোংচাবশিং ফংনবা নাগালেন্দগী লাখপতি মোদেলগী মতাংদা খন্ন-নৈখি। তামিল নাদুনা ন্যুত্রি-ইন্তরপ্রাইজশিং, মিল্লেত কেফেশিং, স্কুলগী ন্যুত্রিসনগী থবকশিং অমসুং নুপী হেল্থ ভোলুন্তিয়ারশিংগী খুৎথাংদা হেল্থ দিপার্তমেন্তগা পুন্না থবক তৌমিন্নবগী মতাংদা উৎখি। ২০৪৭ দা বিকসিত ভারত অমগী পান্দম ফংনবা এস.ঐচ.জিনা পায়খৎলিবা হকশেলগী থবকশিং ত্রিপুরানা উৎখি।

অহলশিং শেন্নবগী মতাংদা পাংথোকপা সেসন অমদা ভারতকী অহল মশিং য়াংনা হেনগৎলক্লিবা অমসুং সোসিএল সেকুরিতিগী তঙাইফদবগী মতাংদা খন্নখি। অহলশিংগী এস.ঐচ.জিশিং, মোবাইল হেল্থ য়ুনিতশিং, চহিগা মরী লৈনবা অনাবশিংগী তেলিমেদিসিন শীজিন্নবগী মোদেল অমা হেল্পএজ ইন্দিয়ানা উৎখি। কেরলা এস.আর.এল.এমনা কে ৪ কিয়ার মোদেল অমসুং হকশেল অমসুং অহলশিং য়েংশিন্নবা থবকশিং ফংহনবগী মতাংদা শান্তৱানম উৎখি। বুদস ইন্সতিতুসনশিংনা ৱাখল মপুংফাদ্রবা মীওইশিংগী লাইরিক-লাইশু তম্বা অমসুং হিংনবা লম্বী পীনবগী মতাংদা থবক পায়খৎলি। স্ত্রাইদ প্রোগ্রাম্না এসিস্তিপ দিভাইন্সশিং শাবা অমসুং মখোয়গী য়াইফ থৌরাংগী অনৌবা থবকশিং পায়খৎলি। এফ.এন.ঐচ.দব্লিউ ২০২৪ দা শেমখিবা এক্সন প্লান অমা রিজনেল ৱার্কশোপ অদুদা খন্নখি। এফ.এন.ঐচ.দব্লিউ পুনশিনবা অমসুং মীয়ামগী খুদোংচাবশিং ফংহনবগী মোদেলশিং অসাম অমসুং কেরলানা উৎখি।

***