ڈیجیٹل انڈیا کے وژن کے عین مطابق،  اسٹاف سلیکشن کمیشن (ایس ایس سی) نے منتخب امیدواروں کے دستاویزات کو وزارتوں/محکموں کو بھیجنے کے لیے فزیکل ڈوزیئرز کے استعمال سے الیکٹرانک ڈوزیئرز (ای-ڈوزیئر) میں تبدیل کر دیا ہے۔ وزارتوں، محکموں اور دیگر سرکاری تنظیموں کو ڈوزیئر فراہم کرنے کے عمل کو ایس ایس سی کے 'ای-ڈوزیئر' پورٹل کا استعمال کرتے ہوئے مکمل طور پر ڈیجیٹل کردیا گیا ہے۔ مختلف امتحانات میں اہل امیدواروں کے ڈوزیئرز اب ایس ایس سی کے ذریعہ الیکٹرانک طور پر مرتب کیے جاتے ہیں تاکہ  مختلف وزارتوں/محکموں وغیرہ کے نوڈل افسران انہیں ڈاون لوڈ کر سکیں اور قبل از تقرری کی رسمی کارروائیوں  کو شروع کر سکیں۔  فزیکل ڈوزیئر سے ای ڈوزیئر میں منتقلی کے درج ذیل اہم فوائد ہیں:

• بڑھے ہوئے ڈیٹا کی سالمیت : ای-ڈوزیئرصرف نوڈل افسران کو تفویض کردہ محفوظ لاگ ان اسناد کے ذریعے قابل رسائی ہیں، جس سے غیر مجاز تبدیلیوں کا خطرہ کم ہو جاتا ہے، جس سے بڑھی ہوئی  ڈیٹا کی سالمیت میں اضافہ ہوتا ہے۔ ای-ڈوزیئر کی ڈیجیٹل نوعیت فیزیکل ڈوزیئر کے ساتھ چھیڑ چھاڑ یا تبدیل کے امکانات ختم ہو جاتے ہیں۔
• بہتر سیکورٹی اور کنٹرول: ای-ڈوزیئر ماڈیول ایکسس لاگ  کے ساتھ محفوظ ہے ، جو صداقت اور پتہ  لگانے  کی صلاحیت کو یقینی بناتا ہے۔
• تیز تر اور زیادہ موثر مواصلات:ای ڈوزیئر دستاویزات کی تیز تر ترسیل میں سہولت فراہم کرتے ہیں، بھرتی کے عمل کو ہموار کرتے ہیں۔
• لاگت کی بچت اور ماحولیاتی پائیداری: فیزیکل کاغذی کارروائی کی ضرورت کو کم کرنے سے لاگت کی بچت ہوتی ہے اور ماحولیاتی پائیداری کی حمایت ہوتی ہے۔

ایس ایس سی کی طرف سے منعقد ہونے والے بڑے بھرتی امتحانات بشمول جونیئر انجینئر امتحان 2024، کمبائنڈ ہائر سیکنڈری لیول ایگزامینیشن 2024، ملٹی ٹاسکنگ اسٹاف امتحان 2024، اور کمبائنڈ گریجویٹ لیول امتحان 2024 کے لیے ای-ڈوزیئر سسٹم کو کامیابی کے ساتھ لاگو کیا گیا ہے۔ وزارتیں/محکمے نیز بھرتی کے عمل کی سالمیت کی حفاظت اور مضبوطی کرتے ہیں، لیکن تقرری سے قبل کی رسمی کارروائیوں کی تکمیل میں لگنے والے وقت کو نمایاں طور پر کم کرکے لاکھوں نوجوانوں کو فائدہ پہنچاتے ہیں۔

***

ش ح۔ ک ا۔ م ذ

U.NO.2175