انسداد دہشت گردی (سی ٹی) کارروائیوں میں بھارتی فوج کی آپریشنل تیاری کو مستحکم کرنے کے لیے ایک اہم اقدام کرتے ہوئے، وزارت دفاع نے ہنگامی خریداری (ای پی) میکانزم کے تحت تیرہ معاہدے کیے ہیں۔ بھارتی فوج کے لئے2000 کروڑ روپے کے کل منظور شدہ اخراجات میں سے 1, 981.90 کروڑ روپےکے ان معاہدوں کو حتمی شکل دی گئی ہے ۔

ای پی مینڈیٹ کے تحت فاسٹ ٹریک طریقہ کار کے ذریعے انجام دی جانے والی اس خریداری کا مقصد سی ٹی ماحول میں تعینات فوجیوں کے لیے حالات سے متعلق بیداری، مہلکیت، نقل و حرکت اور تحفظ کو بڑھانا ہے ۔  تیزی سے صلاحیت میں اضافے کو یقینی بنانے کے لیے حصول کو مختصر مدت کے اندر اندر مکمل کیا گیا۔

خریدے جانے والے کلیدی آلات میں شامل ہیں:

• مربوط ڈرون کا پتہ لگانے اور مداخلت کے نظام )آئی ڈی دی آئی ایس)
• کم سطح کے ہلکے وزن والے ریڈار (ایل ایل ایل آر)
• بہت مختصر رینج ایئر ڈیفنس سسٹم (وی ایس ایچ او آر اے ڈی ایس)-لانچرز اور میزائل
• ریموٹ پائلٹ فضائی گاڑیاں (آئی پی اے وی)
• لوئیٹرنگ میونشنز، بشمول عمودی ٹیک آف اور لینڈنگ(وی ٹی او ایل) سسٹم
• ڈرون کے مختلف زمرے
• بلٹ پروف جیکٹس (بی پی جے)
• بیلسٹک ہیلمٹ
• فوری رد عمل سے لڑنے والی گاڑیاں (کیو آر ایف وی)-بھاری اور درمیانے
• رائفلز کے لیے نائٹ سائٹس

یہ خریداری ابھرتے ہوئے سیکورٹی چیلنجوں سے نمٹنے کے لیے بھارتی فوج کو جدید، مشن سے متعلق اہم اور مکمل طور پر مقامی نظام سے آراستہ کرنے کے لیے وزارت کے عزم کی عکاسی کرتی ہے۔  ای پی روٹ فوری صلاحیت کے فرق کو پر کرنے اور اہم آپریشنل آلات کی بروقت شمولیت کو یقینی بنانے میں کلیدی معاون ثابت ہوتا ہے۔

******

 ش ح۔    ک ح۔ش ب ن

UR-2082