صدرجمہوریہ ہندمحترمہ دروپدی مرمو نے آج (21 جون، 2025) بین الاقوامی یوم یوگا کے موقع پر دہرادون میں اتراکھنڈ اسٹیٹ پولیس لائن گراؤنڈ میں گروپ  یوگا کے مظاہرے میں حصہ لیا۔

یوگا سیشن کے بعد اپنے مختصر خطاب میں صدر نے 'بین الاقوامی یوم یوگا ' کے موقع پر دنیا بھر میں یوگا کی مشق کرنے والے تمام شرکاء کو مبارکباد دی۔ انہوں نے کہا کہ 2015 سے یوگا پوری انسانیت کی مشترکہ میراث بن گیا ہے۔ یہ بھارت کی 'سافٹ پاور' کی اہم مثال ہے۔

صدر جمہوریہ نے کہا کہ یوگا صحت مند زندگی گزارنے کا فن ہے جسے اپنانے سے انسان کے جسم، دماغ اور پوری شخصیت کو فائدہ ہوتا ہے۔ جب انسان صحت مند ہوتا ہے تو خاندان بھی صحت مند رہتا ہے۔ جب خاندان اور معاشرہ صحت مند رہتا ہے تو ملک بھی صحت مند رہتا ہے۔

صدر نے کہا کہ 'یوگا' کا مطلب ہے 'جوڑنا'۔ یوگا کی مشق انسان کے جسم، دماغ اور روح کو جوڑتی ہے اور انسان کو صحت مند بناتی ہے۔ یوگا ایک شخص کو دوسرے سے، ایک کمیونٹی کو دوسرے سے اور یہاں تک کہ ایک ملک کو دوسرے سے جوڑ سکتا ہے۔

صدر نے کہا کہ یہ ایک عام خیال ہے کہ پرہیز علاج سے بہتر ہے۔ یوگا کو روک تھام میں بہت مفید سمجھا جاتا ہے۔ انہوں نے سبھی سے یوگ کو زندگی کا لازمی حصہ بنانے اور دوسروں کو یوگا کرنے کی ترغیب دینے پر زور دیا۔

صدر کی تقریر دیکھنے کے لیے یہاں کلک کریں۔

******

U.No:1999

ش ح۔ح ن۔س ا