21 ਜੂਨ 2025 ਨੂੰ 11ਵੇਂ ਅੰਤਰਰਾਸ਼ਟਰੀ ਯੋਗ ਦਿਵਸ (ਆਈਡੀਵਾਈ) ਨੂੰ ਮਨਾਉਣ ਲਈ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ 'ਤੇ ਹਨ, ਜਿਸ ਵਿੱਚ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਵਿਸ਼ਾਖਾਪਟਨਮ, ਆਂਧਰ ਪ੍ਰਦੇਸ਼ ਤੋਂ ਰਾਸ਼ਟਰੀ ਪ੍ਰੋਗਰਾਮ ਦੀ ਅਗਵਾਈ ਕਰਨਗੇ ਅਤੇ ਮੁੱਖ ਸਥਾਨ 'ਤੇ 3 ਲੱਖ ਤੋਂ ਵੱਧ ਭਾਗੀਦਾਰਾਂ ਨਾਲ ਸਾਂਝਾ ਯੋਗ ਪ੍ਰੋਟੋਕੋਲ (ਸੀਵਾਈਪੀ) ਦਾ ਪ੍ਰਦਰਸ਼ਨ ਕਰਨਗੇ। ਉਨ੍ਹਾਂ ਨਾਲ ਕੇਂਦਰੀ ਆਯੁਸ਼ ਰਾਜ ਮੰਤਰੀ (ਸੁਤੰਤਰ ਚਾਰਜ) ਅਤੇ ਸਿਹਤ ਅਤੇ ਪਰਿਵਾਰ ਭਲਾਈ ਰਾਜ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ ਅਤੇ ਆਂਧਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼੍ਰੀ ਐਨ. ਚੰਦਰਬਾਬੂ ਨਾਇਡੂ ਭਾਰਤ ਦੇ ਵਿਸ਼ਵਵਿਆਪੀ ਤੰਦਰੁਸਤੀ ਦ੍ਰਿਸ਼ਟੀਕੋਣ ਦੇ ਇੱਕ ਵਿਸ਼ਾਲ ਪ੍ਰਦਰਸ਼ਨ ਵਿੱਚ ਸ਼ਾਮਲ ਹੋਣਗੇ।

ਪ੍ਰਧਾਨ ਮੰਤਰੀ ਵਿਸ਼ਾਖਾਪਟਨਮ ਸਥਾਨ 'ਤੇ 3 ਲੱਖ ਤੋਂ ਵੱਧ ਭਾਗੀਦਾਰਾਂ ਨਾਲ ਸਾਂਝੇ ਯੋਗ ਪ੍ਰੋਟੋਕੋਲ (ਸੀਵਾਈਪੀ) ਦਾ ਪ੍ਰਦਰਸ਼ਨ ਕਰਨਗੇ। 'ਯੋਗ ਸੰਗਮ' ਪਹਿਲਕਦਮੀ ਦੇ ਤਹਿਤ, ਦੇਸ਼ ਭਰ ਵਿੱਚ 10 ਲੱਖ ਤੋਂ ਵੱਧ ਸਥਾਨਾਂ 'ਤੇ ਯੋਗਾ ਕੀਤਾ ਜਾਵੇਗਾ। ਸਮੂਹਿਕ ਯੋਗ ਪ੍ਰਦਰਸ਼ਨ ਸਵੇਰੇ 6:30 ਵਜੇ ਤੋਂ 7:45 ਵਜੇ ਤੱਕ ਆਯੋਜਿਤ ਕੀਤਾ ਜਾਵੇਗਾ ਅਤੇ ਦੇਸ਼ ਭਰ ਦੇ ਵੱਖ-ਵੱਖ ਸਥਾਨਾਂ ਤੋਂ ਬੇਮਿਸਾਲ ਭਾਗੀਦਾਰੀ ਦੀ ਉਮੀਦ ਹੈ। 

ਇਸ ਬੇਮਿਸਾਲ ਸੰਗਮ ਵਿੱਚ, ਰਾਜ ਭਰ ਵਿੱਚ 1 ਲੱਖ ਤੋਂ ਵੱਧ ਸਥਾਨਾਂ 'ਤੇ 2 ਕਰੋੜ ਤੋਂ ਵੱਧ ਲੋਕਾਂ ਦੇ ਯੋਗ ਸੈਸ਼ਨਾਂ ਵਿੱਚ ਹਿੱਸਾ ਲੈਣ ਦੀ ਉਮੀਦ ਹੈ। ਇਸ ਮੌਕੇ ਨੂੰ ਖਾਸ ਬਣਾਉਣ ਲਈ, ਆਂਧਰ ਪ੍ਰਦੇਸ਼ ਸਰਕਾਰ ਗਿਨੀਜ਼ ਵਰਲਡ ਰਿਕਾਰਡ ਵਿੱਚ ਦਾਖਲ ਹੋਣ ਲਈ ਵੀ ਯਤਨ ਕਰ ਰਹੀ ਹੈ। ਇਸ ਮੌਕੇ 'ਤੇ, ਆਂਧਰਾ ਪ੍ਰਦੇਸ਼ ਸਰਕਾਰ ਦੁਆਰਾ ਰਜਿਸਟਰਡ ਭਾਗੀਦਾਰਾਂ ਨੂੰ 50 ਲੱਖ ਤੋਂ ਵੱਧ ਯੋਗਾ ਸਰਟੀਫਿਕੇਟ ਦਿੱਤੇ ਜਾਣਗੇ, ਜਿਸ ਨਾਲ ਅੰਤਰਰਾਸ਼ਟਰੀ ਯੋਗ ਦਿਵਸ ਦਾ ਇਹ ਦਸ ਵਰ੍ਹਿਆਂ ਦਾ ਐਡੀਸ਼ਨ ਭਾਰਤ ਦੀ ਸਿਹਤ ਅਤੇ ਤੰਦਰੁਸਤੀ ਯਾਤਰਾ ਵਿੱਚ ਸੱਚਮੁੱਚ ਇੱਕਇਤਿਹਾਸਕ ਪਲ ਕਰਾਰ ਦਿੱਤਾ ਜਾਵੇਗਾ।

ਵਿਸ਼ਾਖਾਪਟਨਮ ਵਿੱਚ ਆਯੋਜਿਤ ਸਮਾਰੋਹਾਂ ਦੇ ਹਿੱਸੇ ਵਜੋਂ, ਅੱਜ ਆਂਧਰ ਯੂਨੀਵਰਸਿਟੀ ਵਿੱਚ ਇੱਕ ਸ਼ਾਨਦਾਰ 'ਸੂਰਯ ਨਮਸਕਾਰ' ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ, ਜਿੱਥੇ ਲਗਭਗ 25,000 ਆਦਿਵਾਸੀ ਬੱਚਿਆਂ ਨੇ 108 ਮਿੰਟਾਂ ਵਿੱਚ 108 ਸੂਰਯ ਨਮਸਕਾਰ ਕੀਤੇ। ਇਸ ਵਿਲੱਖਣ ਪਹਿਲਕਦਮੀ ਨੇ ਆਦਿਵਾਸੀ ਭਾਈਚਾਰਿਆਂ ਦੀ ਉਤਸ਼ਾਹੀ ਸ਼ਮੂਲੀਅਤ ਨੂੰ ਉਜਾਗਰ ਕੀਤਾ ਅਤੇ ਜ਼ਮੀਨੀ ਪੱਧਰ 'ਤੇ ਯੋਗ ਦੀ ਵਧਦੀ ਪਹੁੰਚ ਨੂੰ ਦਰਸਾਇਆ।

ਦਿੱਲੀ ਵੀ ਰਾਸ਼ਟਰੀ ਜਸ਼ਨ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। 21 ਜੂਨ ਨੂੰ, ਰਾਸ਼ਟਰੀ ਰਾਜਧਾਨੀ ਵਿੱਚ 109 ਥਾਵਾਂ 'ਤੇ ਯੋਗਾ ਸਮਾਗਮ ਆਯੋਜਿਤ ਕੀਤੇ ਜਾਣਗੇ, ਜਿਸ ਵਿੱਚ ਇਤਿਹਾਸਕ ਲਾਲ ਕਿਲ੍ਹੇ 'ਤੇ ਇੱਕ ਸ਼ਾਨਦਾਰ ਸਮਾਗਮ ਵੀ ਸ਼ਾਮਲ ਹੈ। ਬ੍ਰਹਮਾ ਕੁਮਾਰੀਆਂ ਦੁਆਰਾ ਆਯੁਸ਼ ਮੰਤਰਾਲੇ ਦੇ ਸਹਿਯੋਗ ਨਾਲ ਅਤੇ ਮੋਰਾਰਜੀ ਦੇਸਾਈ ਰਾਸ਼ਟਰੀ ਯੋਗਾ ਸੰਸਥਾਨ ਅਤੇ ਭਾਰਤੀ ਪੁਰਾਤਤਵ ਸਰਵੇਖਣ ਦੇ ਸਹਿਯੋਗ ਨਾਲ ਆਯੋਜਿਤ, ਲਾਲ ਕਿਲ੍ਹਾ ਸਮਾਗਮ "ਇੱਕ ਧਰਤੀ, ਇੱਕ ਸਿਹਤ ਲਈ ਯੋਗ" ਥੀਮ ਨੂੰ ਉਜਾਗਰ ਕਰੇਗਾ।

ਇਸ ਵਰ੍ਹੇ ਦਾ ਅੰਤਰਰਾਸ਼ਟਰੀ ਯੋਗ ਦਿਵਸ 2025, "ਇੱਕ ਧਰਤੀ, ਇੱਕ ਸਿਹਤ ਲਈ ਯੋਗ" ਤੰਦਰੁਸਤੀ ਲਈ ਇੱਕ ਏਕੀਕ੍ਰਿਤ ਪਹੁੰਚ ਨੂੰ ਦਰਸਾਉਂਦਾ ਹੈ। ਇਹ "ਸਰਵੇ ਸੰਤੁ ਨਿਰਾਮਯਾ" (ਸਾਰੇ ਰੋਗ ਮੁਕਤ ਹੋਣ) ਦੇ ਭਾਰਤੀ ਸਿਧਾਂਤ ਤੋਂ ਪ੍ਰੇਰਿਤ, ਮਨੁੱਖੀ ਅਤੇ ਗ੍ਰਹਿ ਸਿਹਤ ਦੇ ਆਪਸੀ ਸਬੰਧਾਂ 'ਤੇ ਜ਼ੋਰ ਦਿੰਦਾ ਹੈ।

ਯੋਗ ਦੇ ਲਾਭਾਂ ਤੱਕ ਸਮਾਵੇਸ਼ੀ ਪਹੁੰਚ ਯਕੀਨੀ ਬਣਾਉਣ ਲਈ, ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਸਾਰੇ ਗ੍ਰਾਮ ਪ੍ਰਧਾਨਾਂ ਨੂੰ ਇੱਕ ਪੱਤਰ ਲਿਖਿਆ ਹੈ, ਜਿਸ ਵਿੱਚ ਕਿਹਾ ਗਿਆ ਹੈ, "ਇਹ ਮਾਣ ਵਾਲੀ ਗੱਲ ਹੈ ਕਿ ਯੋਗ ਨਾ ਸਿਰਫ਼ ਭਾਰਤ ਵਿੱਚ ਸਗੋਂ ਦੁਨੀਆ ਭਰ ਦੇ ਲੋਕਾਂ ਦੇ ਜੀਵਨ ਵਿੱਚ ਸਕਾਰਾਤਮਕ ਬਦਲਾਅ ਲਿਆ ਰਿਹਾ ਹੈ।" ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਪਿਛਲੇ ਸੰਸਕਰਣਾਂ ਵਾਂਗ, ਪ੍ਰਧਾਨ ਮੰਤਰੀ ਦੇ ਸੰਦੇਸ਼ ਨੇ ਗ੍ਰਾਮ ਪੰਚਾਇਤਾਂ ਵਿੱਚ ਨਵਾਂ ਉਤਸ਼ਾਹ ਭਰਿਆ ਹੈ, ਜਿਸ ਦੇ ਨਤੀਜੇ ਵਜੋਂ ਜ਼ਮੀਨੀ ਪੱਧਰ 'ਤੇ, ਖਾਸ ਕਰਕੇ ਪੰਚਾਇਤਾਂ, ਆਂਗਣਵਾੜੀਆਂ ਅਤੇ ਭਾਈਚਾਰਕ ਸਿਹਤ ਕੇਂਦਰਾਂ ਵਿੱਚ ਯੋਗ ਨਾਲ ਸਬੰਧਤ ਗਤੀਵਿਧੀਆਂ ਵਿੱਚ ਮਹੱਤਵਪੂਰਨ ਵਾਧਾ ਹੋਇਆ ਹੈ।

ਅੰਤਰਰਾਸ਼ਟਰੀ ਯੋਗ ਦਿਵਸ 2025 ਲਈ ਵੱਡੇ ਪੱਧਰ 'ਤੇ ਭਾਗੀਦਾਰੀ ਵਧਾਉਣ ਲਈ 10 ਮੁੱਖ ਸਮਾਗਮਾਂ ਦੀ ਸ਼ੁਰੂਆਤ ਨੂੰ ਦੇਸ਼ ਭਰ ਅਤੇ ਵਿਦੇਸ਼ਾਂ ਤੋਂ ਹੁੰਗਾਰਾ ਮਿਲਿਆ ਹੈ। 21 ਜੂਨ ਨੂੰ ਦੇਸ਼ ਭਰ ਵਿੱਚ ਯੋਗਾ ਦੇ ਆਯੋਜਨ ਲਈ 1 ਲੱਖ ਰਜਿਸਟ੍ਰੇਸ਼ਨਾਂ ਦੇ ਟੀਚੇ ਦੇ ਵਿਰੁੱਧ, 11 ਲੱਖ ਤੋਂ ਵੱਧ ਸੰਗਠਨਾਂ ਅਤੇ ਸਮੂਹਾਂ ਨੇ ਆਯੁਸ਼ ਮੰਤਰਾਲੇ ਦੇ ਯੋਗਾ ਪੋਰਟਲ ਰਾਹੀਂ ਆਪਣੇ-ਆਪਣੇ ਸਥਾਨਾਂ 'ਤੇ ਯੋਗ ਸੰਗਮ ਸਮਾਗਮ ਲਈ ਰਜਿਸਟ੍ਰੇਸ਼ਨ ਕੀਤੀ ਹੈ। ਰਾਜਸਥਾਨ 2.25 ਲੱਖ ਤੋਂ ਵੱਧ ਰਜਿਸਟ੍ਰੇਸ਼ਨਾਂ ਨਾਲ ਸੂਚੀ ਵਿੱਚ ਸਿਖਰ 'ਤੇ ਹੈ, ਉਸ ਤੋਂ ਬਾਅਦ ਤਿੰਨ ਹੋਰ ਰਾਜਾਂ ਨੇ1 ਲੱਖ ਰਜਿਸਟ੍ਰੇਸ਼ਨ ਦੇ ਅੰਕੜੇ ਨੂੰ ਪਾਰ ਕੀਤਾ ਹੈ।

10 ਮੁੱਖ ਹਸਤਾਖਰ ਮੁਹਿੰਮਾਂ (ਸਿਗਨੇਚਰ ਇਵੈਂਟਸ) ਨੇ ਅੰਤਰਰਾਸ਼ਟਰੀ ਯੋਗ ਦਿਵਸ (ਆਈਡੀਵਾਈ) ਅੰਦੋਲਨ ਦੇ ਇੱਕ ਦਹਾਕੇ ਨੂੰ ਦਰਸਾਇਆ।

ਇਸ ਬਹੁਤ ਹੀ ਖਾਸ ਵਰ੍ਹੇ ਦੇ ਸਨਮਾਨ ਵਿੱਚ, ਆਯੁਸ਼ ਮੰਤਰਾਲੇ ਨੇ 10 ਦਸਤਖਤ ਸਮਾਗਮਾਂ ਦੀ ਕਲਪਨਾ ਕੀਤੀ ਹੈ, ਜੋ 100 ਦਿਨਾਂ ਦੀ ਮਿਆਦ ਵਿੱਚ ਆਯੋਜਿਤ ਕੀਤੇ ਜਾਣਗੇ । ਇਹ ਸਮਾਗਮ ਸਮਾਜ ਦੇ ਵੱਖ-ਵੱਖ ਵਰਗਾਂ ਲਈ ਹਨ ਅਤੇ ਭਾਰਤ ਅਤੇ ਵਿਦੇਸ਼ਾਂ ਵਿੱਚ ਯੋਗ ਦੇ ਉੱਭਰ ਰਹੇ ਦ੍ਰਿਸ਼ ਨੂੰ ਪ੍ਰਦਰਸ਼ਿਤ ਕਰਦੇ ਹਨ।

ਇਹਨਾਂ ਵਿੱਚ ਸ਼ਾਮਲ ਹਨ:

ਯੋਗ ਸੰਗਮ: ਰਾਸ਼ਟਰੀ ਸਮਾਗਮ ਦੇ ਨਾਲ-ਨਾਲ 1,00,000 ਤੋਂ ਵੱਧ ਸਥਾਨਾਂ 'ਤੇ ਸਮੂਹਿਕ ਯੋਗ ਪ੍ਰਦਰਸ਼ਨ।

• ਯੋਗ ਬੰਧਨ: ਅੰਤਰਰਾਸ਼ਟਰੀ ਸਹਿਯੋਗ ਅਤੇ ਯੋਗ ਪ੍ਰਤੀਨਿਧੀ ਮੰਡਲਾਂ ਦਾ ਆਦਾਨ-ਪ੍ਰਦਾਨ।

• ਹਰਿਤ ਯੋਗ: ਰੁੱਖ ਲਗਾਉਣਾ ਅਤੇ ਸਵੱਛਤਾ ਅਭਿਆਨ ਵਰਗੇ ਵਾਤਾਵਰਣ ਕਾਰਜਾਂ ਨਾਲ ਯੋਗ ਦਾ ਏਕੀਕਰਨ।

• ਯੋਗਾ ਪਾਰਕ: ਜਨਤਕ ਪਾਰਕਾਂ ਨੂੰ ਸਮਰਪਿਤ ਯੋਗ ਸਥਾਨਾਂ ਵਿੱਚ ਅਪਗ੍ਰੇਡ ਕਰਨਾ।

• ਯੋਗਾ ਸਮਾਵੇਸ਼: ਹਾਸ਼ੀਏ 'ਤੇ ਰਹਿ ਰਹੇ ਸਮੂਹਾਂ ਲਈ ਅਨੁਕੂਲਿਤ ਪ੍ਰੋਟੋਕੋਲ ਦੇ ਨਾਲ ਸਮਾਵੇਸ਼ੀ ਯੋਗ ਪਹੁੰਚ।

• ਯੋਗਾ ਪ੍ਰਭਾਵ: ਅੰਤਰਰਾਸ਼ਟਰੀ ਯੋਗ ਦਿਵਸ ਅਤੇ ਇਸਦੇ ਸਮਾਜਿਕ ਨਤੀਜਿਆਂ 'ਤੇ ਇੱਕ ਵਿਆਪਕ 10- ਵਰ੍ਹਿਆਂ ਪ੍ਰਭਾਵ ਰਿਪੋਰਟ।

• ਯੋਗ ਕਨੈਕਟ: 14 ਜੂਨ ਨੂੰ ਅੰਤਰਰਾਸ਼ਟਰੀ ਯੋਗ ਸਿਖਰ ਸੰਮੇਲਨ ਆਯੋਜਿਤ ਕੀਤਾ ਗਿਆ ਜਿਸ ਵਿੱਚ ਗਲੋਬਲ ਮਾਹਿਰਾਂ ਅਤੇ ਨੀਤੀ ਨਿਰਮਾਤਾਵਾਂ ਨੇ ਹਿੱਸਾ ਲਿਆ।

• ਯੋਗ ਅਨਪਲੱਗਡ: ਟੈਕਨੋਲੋਜੀ, ਰੁਝਾਨਾਂ ਅਤੇ ਰਵਾਇਤੀ ਯੋਗ ਨੂੰ ਜੋੜਨ ਵਾਲੀ ਇੱਕ ਯੁਵਾ-ਕੇਂਦ੍ਰਿਤ ਮੁਹਿੰਮ।

• ਯੋਗ ਮਹਾਂਕੁੰਭ: ਯੋਗ ਦੇ ਸੱਭਿਆਚਾਰਕ ਅਤੇ ਅਧਿਆਤਮਿਕ ਪਹਿਲੂਆਂ ਦਾ ਜਸ਼ਨ ਮਨਾਉਣ ਵਾਲੇ ਵੱਡੇ ਪੱਧਰ 'ਤੇ ਸਮਾਗਮਾਂ ਦੀ ਇੱਕ ਲੜੀ।

• ਸਮਯੋਗ: ਆਧੁਨਿਕ ਸਿਹਤ ਸੰਭਾਲ ਅਭਿਆਸਾਂ ਦੇ ਨਾਲ ਯੋਗ ਦੇ ਸਬੂਤਾਂ ਦੇ ਏਕੀਕਰਨ ਦਾ ਪ੍ਰਦਰਸ਼ਨ।

ਇਹ ਸਮਾਰੋਹ ਮੰਤਰਾਲਿਆਂ, ਵਿਭਾਗਾਂ, ਰਾਜ ਸਰਕਾਰਾਂ, ਸ਼ਹਿਰੀ ਸਥਾਨਕ ਸੰਸਥਾਵਾਂ ਅਤੇ ਵਿਦੇਸ਼ਾਂ ਵਿੱਚ ਭਾਰਤੀ ਮਿਸ਼ਨਾਂ ਦੀ ਸ਼ਮੂਲੀਅਤ ਨਾਲ ਪੂਰੀ ਸਰਕਾਰੀ ਪਹੁੰਚ ਰਾਹੀਂ ਆਯੋਜਿਤ ਕੀਤਾ ਜਾ ਰਿਹਾ ਹੈ।ਤਿਆਰੀ ਦੀਆਂ ਗਤੀਵਿਧੀਆਂ ਕਈ ਹਫ਼ਤਿਆਂ ਤੋਂ ਚੱਲ ਰਹੀਆਂ ਹਨ, ਜਿਸ ਵਿੱਚ ਵੱਖ-ਵੱਖ ਸਰਕਾਰੀ ਸੰਸਥਾਵਾਂ ਦੁਆਰਾ ਆਯੋਜਿਤ ਵਿਸ਼ੇਸ਼ ਮੁਹਿੰਮਾਂ, ਯੋਗਾ ਕੈਂਪਾਂ ਅਤੇ ਮੁਕਾਬਲਿਆਂ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ।

ਵਿਸ਼ਵ ਪੱਧਰ 'ਤੇ, ਭਾਰਤੀ ਦੂਤਾਵਾਸ ਅਤੇ ਸੱਭਿਆਚਾਰਕ ਕੇਂਦਰ ਯੋਗ ਪ੍ਰਦਰਸ਼ਨਾਂ ਅਤੇ ਜਾਗਰੂਕਤਾ ਮੁਹਿੰਮਾਂ ਨੂੰ ਸਰਗਰਮੀ ਨਾਲ ਚਲਾ ਰਹੇ ਹਨ, ਜਿਸ ਨਾਲ ਸਿਹਤ ਦੇ ਖੇਤਰ ਵਿੱਚ ਭਾਰਤ ਦੀ ਸੱਭਿਆਚਾਰਕ ਕੂਟਨੀਤੀ ਅਤੇ ਅਗਵਾਈ ਨੂੰ ਹੋਰ ਮਜ਼ਬੂਤੀ ਮਿਲ ਰਹੀ ਹੈ।

ਪਿਛਲੇ ਦਸ ਵਰ੍ਹਿਆਂ ਤੋਂ ਆਪਣੀ ਮਜ਼ਬੂਤ ​​ਨੀਂਹਅਤੇਸਾਰੇਖੇਤਰਾਂਦੀਉਤਸ਼ਾਹੀਭਾਗੀਦਾਰੀਦੇਨਾਲ, ਅੰਤਰਰਾਸ਼ਟਰੀ ਯੋਗ ਦਿਵਸ 2025 ਭਾਰਤ ਦੀ ਸਿਹਤ ਯਾਤਰਾ ਵਿੱਚ ਇੱਕ ਮਹੱਤਵਪੂਰਨ ਪਲ ਬਣਨ ਲਈ ਤਿਆਰ ਹੈ। ਸੁਨੇਹਾ ਸਪੱਸ਼ਟ ਹੈ - ਯੋਗਾ ਨਾ ਸਿਰਫ਼ ਭਾਰਤ ਦਾ ਦੁਨੀਆ ਨੂੰ ਵਿਲੱਖਣ ਤੋਹਫ਼ਾ ਹੈ, ਸਗੋਂ ਸਾਰਿਆਂ ਲਈ ਇੱਕ ਸਿਹਤਮੰਦ, ਸਦਭਾਵਨਾਪੂਰਨ ਅਤੇ ਵਧੇਰੇ ਟਿਕਾਊ ਭਵਿੱਖ ਦਾ ਰਸਤਾ ਵੀ ਹੈ।

****

ਐੱਮਵੀ/ਏਕੇਐੱਸ