اکیس جون 2025 کو شان و شوکت کے ساتھ منائے جانے والے یوگا کے 11ویں بین الاقوامی دن (آئی ڈی وائی) کے لیے اسٹیج تیار ہو گیا ہے جس میں وزیر اعظم جناب نریندر مودی وشاکھاپٹنم، آندھرا پردیش سے قومی تقریب کی قیادت کرتے ہوئے، مرکزی مقام پر 3 لاکھ سے زیادہ شرکا کے ساتھ مشترکہ یوگا پروٹوکول (سی وائی پی) انجام دے رہے ہیں۔ ان کے ساتھ مرکزی وزیر مملکت (آئی سی) آیوش اور وزیر مملکت برائے صحت اور خاندانی بہبود جناب پرتاپ راؤ جادھو اور آندھرا پردیش کے وزیر اعلیٰ جناب این چندرا بابو نائیڈو، ہندوستان کے عالمی فلاح و بہبود کے وژن کے اس بڑے مظاہرے میں شامل ہوں گے۔

وزیر اعظم وشاکھاپٹنم کے مقام پر 3 لاکھ سے زیادہ شرکا کے ساتھ کامن یوگا پروٹوکول (سی وائی پی) انجام دیں گے، جسے ’یوگا سنگم‘ اقدام کے تحت ملک بھر میں 10 لاکھ سے زیادہ مقامات کے ساتھ ہم آہنگ کیا جائے گا۔ یہ اجتماعی مظاہرہ صبح 6:30 بجے سے صبح 7:45 بجے تک ہوگا اور ملک کے کونے کونے سے اس میں بے مثال شرکت کی توقع ہے۔

ایک بے مثال متحرک انداز میں، ریاست بھر میں 1 لاکھ سے زیادہ مقامات پر 2 کروڑ سے زیادہ لوگوں کے یوگا سیشن میں شرکت کرنے کی توقع ہے۔ حکومت آندھرا پردیش اس موقع پر گنیز ورلڈ ریکارڈ بنانے کی کوشش کو بھی مربوط کر رہی ہے۔ اس کے علاوہ، اے پی حکومت کی طرف سے رجسٹرڈ شرکا کو 50 لاکھ سے زیادہ یوگا سرٹیفکیٹ دیے جائیں گے، جس سے آئی ڈی وائی کا اس دہائی کا ایڈیشن ہندوستان کی صحت اور تندرستی کے سفر میں واقعی ایک تاریخی لمحہ بن جائے گا۔

تقریبات کے ایک حصے کے طور پر وشاکھاپٹنم میں آج آندھرا یونیورسٹی میں ایک شاندار سوریہ نمسکار پروگرام کا انعقاد کیا گیا، جہاں تقریباً 25,000 قبائلی بچوں نے 108 منٹ میں 108 سوریہ نمسکار ادا کیے۔ اس منفرد پہل نے قبائلی برادریوں کی پرجوش شرکت کو اجاگر کیا اور نچلی سطح پر یوگا کی گہرائی تک رسائی کی عکاسی کی۔

دہلی بھی قومی جشن میں بڑھ چڑھ کر حصہ لینے کے لیے تیار ہے۔ 21 جون کو راجدھانی بھر میں 109 مقامات پر یوگا ایونٹ کا انعقاد کیا جائے گا، جس میں تاریخی لال قلعہ پر ایک شاندار پروگرام بھی شامل ہے۔ برہما کماریوں کے ذریعے آیوش کی وزارت کے تعاون سے منعقد کیا گیا اور مورارجی دیسائی نیشنل انسٹی ٹیوٹ آف یوگا اور آرکیالوجیکل سروے آف انڈیا کے تعاون سے، لال قلعہ کی تقریب ”یوگا فار ون ارتھ، ون ہیلتھ“ کے موضوع کو اجاگر کرے گی۔

اس سال کا آئی ڈی وائی 2025، ”یوگا فار ون ارتھ، ون ہیلتھ“ فلاح و بہبود کے مربوط وژن کی عکاسی کرتا ہے۔ یہ انسانی اور سیاروں کی صحت کے باہمی ربط پر زور دیتا ہے اور اسے ”سروے سنتو نرمایا“ (سب بیماری سے پاک ہوں) کے ہندوستانی اخلاقیات سے اخذ کیا گیا ہے۔

یوگا کے فوائد کی جامع رسائی کو یقینی بنانے کے لیے، وزیر اعظم جناب نریندر مودی نے تمام گرام پردھانوں کو ایک خط لکھا ہے جس میں کہا گیا ہے، ”یہ فخر کی بات ہے کہ یوگا نے نہ صرف ہندوستان بلکہ پوری دنیا میں زندگیوں کو مثبت طور پر بدل دیا ہے۔“ آئی ڈی وائی کے پچھلے ایڈیشنوں کی طرح، وزیر اعظم کے پیغام نے گرام پنچایتوں کو نئے جوش و جذبے کے ساتھ متاثر کیا ہے جس کے نتیجے میں نچلی سطح پر، خاص طور پر پنچایتوں، آنگن واڑیوں اور کمیونٹی ہیلتھ سنٹر میں یوگا سے متعلق سرگرمیوں میں نمایاں اضافہ ہوا ہے۔

آئی ڈی وائی 2025 کے لیے عوامی شرکت حاصل کرنے کے لیے 10 خصوصی پروگراموں کا تعارف پورے ملک اور بیرون ملک سے بے مثال ردعمل کا نتیجہ ہے۔ ملک میں 21 جون کے پروگرام کے لیے 1 لاکھ رجسٹریشن کے ہدف کے بر عکس، 11 لاکھ سے زیادہ تنظیموں اور گروپوں نے آیوش کی وزارت کے یوگا پورٹل کے ذریعے اپنے اپنے مقامات پر یوگا سنگم ایونٹ کے لیے رجسٹریشن کرایا ہے۔ راجستھان 2.25 لاکھ سے زیادہ رجسٹریشن کے ساتھ اس فہرست میں سرفہرست ہے اور اس کے بعد مزید تین ریاستوں نے 1 لاکھ رجسٹریشن کے نشان کو عبور کیا ہے۔

اس سال کی تقریبات کو اعزاز بخشنے کے لیے، آیوش کی وزارت نے 10 خصوصی پروگراموں کا تصور کیا ہے، جو 100 دنوں کے دورانیے میں شروع کیے گئے ہیں۔ یہ تقریبات سماج کے مختلف طبقوں کا احاطہ کرتی ہیں اور ہندوستان اور بیرون ملک یوگا کے ابھرتے ہوئے منظرنامے کو ظاہر کرتی ہیں۔ ان میں شامل ہیں:

• یوگا سنگم: قومی تقریب کے ساتھ ساتھ 1,00,000 سے زیادہ مقامات پر بڑے پیمانے پر یوگا کے مظاہرے۔
• یوگا بندھن: بین الاقوامی تعاون اور یوگا وفود کا تبادلہ۔
• ہرت یوگا: ماحولیاتی اقدامات جیسے درخت لگانے اور صفائی مہم کے ساتھ یوگا کا انضمام۔
• یوگا پارک: عوامی پارکوں کو یوگا کے لیے مخصوص جگہوں میں اپ گریڈ کرنا۔
• یوگا سماویش: پسماندہ گروہوں کے لیے حسب ضرورت پروٹوکول کے ساتھ جامع یوگا آؤٹ ریچ۔
• یوگا پربھوا: آئی ڈی وائی اور اس کے سماجی نتائج پر ایک جامع 10 سالہ اثر کی رپورٹ۔
• یوگا کنیکٹ: 14 جون کو منعقد ہونے والا عالمی آن لائن یوگا سمٹ جس میں عالمی ماہرین اور پالیسی سازوں نے شرکت کی۔
• یوگا ان پلگڈ: ٹیک، رجحانات، اور روایتی یوگا کو یکجا کرنے والی نوجوانوں پر مبنی مہمات۔
• یوگا مہا کمبھ: یوگا کی ثقافتی اور روحانی جہتوں کو منانے والے بڑے پیمانے پر تقریبات کا سلسلہ۔
• سمیوگ: صحت کی دیکھ بھال کے جدید طریقوں کے ساتھ یوگا کے ثبوت کے انضمام کی نمائش۔

عالمی سطح پر، ہندوستانی سفارت خانے اور ثقافتی مراکز فعال طور پر یوگا کے مظاہرے اور بیداری مہم چلا رہے ہیں، جس سے ہندوستان کی ثقافتی سفارت کاری اور فلاح و بہبود میں قیادت کو مزید تقویت مل رہی ہے۔

پچھلے دس سالوں میں اپنی مضبوط بنیاد اور تمام شعبوں کی پرجوش شرکت کے ساتھ، آئی ڈی وائی 2025 ہندوستان کے فلاح و بہبود کے سفر میں ایک اہم لمحہ بننے کے لیے تیار ہے۔ پیغام واضح ہے- یوگا نہ صرف ہندوستان کا دنیا کے لیے ایک تحفہ ہے، بلکہ سب کے لیے ایک صحت مند، ہم آہنگ اور زیادہ پائیدار مستقبل کا راستہ بھی ہے۔

*********

ش ح۔ ف ش ع

U: 1947