ملک،21 جون 2025یوگ کے 11ویں بین الاقوامی دن (آئی ڈی وائی) کی طرف جیسے جیسے  بڑھ رہا ہے، یوگ مہاکمبھ کے بینر تلے پورے ہندوستان میں یوگ کی تقریبات شروع ہو گئی ہیں۔ اس قومی تحریک کی قیادت کرتے ہوئے، تین روزہ یوگ مہاکمبھ کا آغاز آج نئی دہلی کے آر کے پورم میں ہارٹ فلنیس میڈیٹیشن سینٹر میں ہوا۔ کنٹینر کارپوریشن آف انڈیا اور مورارجی دیسائی نیشنل انسٹی ٹیوٹ آف یوگ کے ذریعہ ہارٹ فلنیس انسٹی ٹیوٹ کے تعاون سے منعقد  کئے گئے اس پروگرام میں یوگ پرفارمنس، فلاح و بہبود کے سیشنز اور ثقافتی پرفارمنس پیش کی گئیں جو ذہن سازی اور کمیونٹی کی فلاح و بہبود پر مرکوز تھیں۔

اس پہل کو ایک متاثر کن نکڑ ناٹک پرفارمنس نے مزید دلکش بنا دیا۔ یوگ پریکٹیشنرز نے روزمرہ کی زندگی میں اس کی اہمیت کو بیان کیا۔ انہوں نے لوگوں کو متوازن طرز زندگی کے لئے یوگ کو اپنانے  اور اس کے جسمانی چستی اور ذہنی سکون تک کے فوائد کا حوالہ دے کراس کی  جانب رغبت دلائی۔

ایک اور یوگ مہا کمبھ کا آغاز15 جون کو لداخ کے بلند و بالا مقام پر ہوا۔ لداخ میں یوگ اور مراقبہ کا بین الاقوامی فیسٹیول 2025 پہلے ہی 13,000 فٹ سے زیادہ کی اونچائی پر واقع پینگونگ جھیل، نوبرا گھاٹی، سندھو گھاٹی  اور مہابودھی انٹرنیشنل میڈیٹیشن سنٹر (ایم آئی ایم سی) دیو وچن احاطہ جیسے مقامات پر یوگ کے ذریعے قومی اور عالمی توجہ حاصل کر چکا ہے۔ آیوش کی وزارت، مہابودھی انٹرنیشنل میڈیٹیشن سنٹر (ایم آئی ایم سی)، لداخ کی یونین ٹیریٹری ایڈمنسٹریشن، لداخ خود مختار پہاڑی ترقیاتی کونسل اور متعلقہ اداروں کی طرف سے مشترکہ طور پر منعقد کیا گیا اس سال کا "ایک کرہ ارض، ایک صحت" موضوع ایک طاقتور اظہار ہے۔

دوسرا یوگ مہا کمبھ پروگرام بھی 15 جون کو اتر پردیش کے نوئیڈا میں شروع ہوا۔ ارحم دھیان یوگ نے نوئیڈا کے سیکٹر 50 میں یوگ مہا کمبھ کا آغاز کیاگیا۔ اس میں  سیکٹر 78 کے وید وان پارک میں گرین یوگا سیشن، مضمون  نویسی اور مباحثے کے مقابلے اور انٹرایکٹو ایونٹس کا انعقاد کیاگیا، جن میں نوجوانوں اور بہت سے افراد نے جوش و خروش سے شرکت کی۔ یہ پروگرام 21 جون کو شیوالک پارک، سیکٹر اے-33 میں، ملک گیر یوگا سنگم کی تقریبات سے ہم آہنگ ہوگا۔ ارحم دھیان یوگا بین الاقوامی یوم یوگ 2025 کی مہم کو مزید وسعت دینے کے لیے عالمی سطح پر متوازی سیشن یوگا ایونٹس کا بھی اہتمام کر رہا ہے۔

لداخ کی بلند چوٹیوں سے لے کر دہلی کے ثقافتی مراکز اور نوئیڈا کے متحرک مقامی پارکوں تک، یوگ مہا کمبھ 2025 ہندوستان کی یوگ روایت کے ایک بھرپور اور جامع جشن کے طور پر سامنے آ رہا ہے۔ اس میں جب  مختلف علاقوں  کے لوگ  توازن کے ساتھ جڑتے ہیں،تو یہ یوگ کی عالمگیر اپیل اور اس مشق میں ہندوستان کی قیادت کو ایک صحت مند اور زیادہ ہم آہنگی والی دنیا کی تشکیل کے لئے ظاہر کرتے ہیں۔ تمام تقریبات عوام کے لیے کھلی ہیں۔ شہریوں کی حوصلہ افزائی کی جاتی ہے کہ وہ شرکت کریں اور یوگ کو زندگی کے ایک حصے  کے طور پر قبول کریں۔

***

ش ح۔ ک ا۔ م ش

U.NO.1889