ملک بھر کی پنچایتیں آئندہ بین الاقوامی یوم یوگا (آئی ڈی وائی ) کو عوامی تحریک  کے ساتھ تاریخی بنانے کے لیے کمر بستہ ہیں۔ یہ وزیر اعظم جناب نریندر مودی کے خط کے جواب میں ہے، جس میں انہوں نے گرام پردھانوں سے  اپنے پنچایتی علاقوں کے شہریوں کو بین الاقوامی یوگا ڈے میں حصہ لینے کے لیے حوصلہ افزائی  کرنے اور متاثر کرنے کی اپیل کی تھی ۔

وزیر اعظم نے خط کے ذریعے گرام پردھان پر زور دیا تھا کہ وہ یوگا کو کمیونٹی کی زندگی کا حصہ بنانے میں پیش پیش رہیں۔ جوش و خروش کے ساتھ ردعمل  دیتے ہوئے، پنچایتیں اسکولوں، آنگن واڑیوں، پنچایت بھونوں اور عوامی مقامات پر خصوصی یوگا سیشن، کمیونٹی آؤٹ ریچ سرگرمیاں اور عام یوگا پروٹوکول مظاہروں کا اہتمام کر رہی ہیں، جس سے آئی ڈی وائی 2025 کو گاؤں کی سطح پر ایک حقیقی  عوامی تحریک  میں  بدلا جاسکے۔

آئی ڈی وائی کے آئندہ ایڈیشن کی اہمیت پر روشنی ڈالتے ہوئے وزیر اعظم نے کہا کہ یہ نہ صرف عالمی سطح پر منایا جا رہا ہے بلکہ عالمی پلیٹ فارم پر یوگا کے احیاء کے ایک دہائی پر محیط بامعنی سفر کی تکمیل کا نشان بھی ہے۔ وزیر اعظم نے خط میں کہا کہ "یہ فخر کی بات ہے کہ یوگا نے نہ صرف ہندوستان بلکہ پوری دنیا میں لوگوں کی زندگیوں میں مثبت تبدیلی لائی ہے۔"

اس سال کا تھیم - "یوگا فار ون  ارتھ، ون  ہیلتھ" - نہ صرف انفرادی فلاح و بہبود پر زور دیتا ہے بلکہ انسانیت کے درمیان اتحاد، ماحولیاتی ہم آہنگی اور عالمی بہبود پر بھی زور دیتا ہے۔ وزیر اعظم نے یوگا کو "ہماری ثقافتی ورثے کا ایک لازمی حصہ" کے طور پر بیان کیا جو جسم اور دماغ کو متوازن رکھتا ہے اور افراد کو ایک مکمل اور پرامن زندگی کی طرف لے جاتا ہے۔

انہوں نے اس بات پر زور دیا کہ یوگا جسمانی اور ذہنی طور پر مضبوط شہریوں کو ترقی دے کر ترقی یافتہ ہندوستان کے ملک کے اجتماعی وژن میں ایک طاقتور کردار ادا کرتا ہے۔

اپنے خط میں، وزیر اعظم نے گرام پردھان پر زور دیا کہ وہ کمیونٹی مقامات جیسے کہ پنچایت بھون، آنگن واڑیوں، اسکولوں اور پرائمری ہیلتھ سینٹرز پر یوگا سیشن منعقد کرکے گاؤں والوں کی زیادہ سے زیادہ شرکت کو متحرک کریں۔ انہوں نے ان پر زور دیا کہ وہ تمام طبقات یعنی بچوں، نوجوانوں، خواتین اور بزرگوں کی شمولیت کو یقینی بنائیں تاکہ ہر شہری یوگا کے فوائد کا تجربہ کر سکے۔

وزیر اعظم نے یقین ظاہر کیا کہ یہ پہل ہر گھر تک پہنچے گی اور لوگوں کو یوگا کو اپنی روزمرہ کی زندگی کا حصہ بنانے کی ترغیب دے گی۔

آیوش کے مرکزی وزیر مملکت (آزادانہ چارج) اور صحت اور خاندانی بہبود کے وزیر مملکت جناب پرتاپ راؤ جادھو نے ملک بھر کی گرام پنچایتوں کی کوششوں کی تعریف کی اور کہا: "گرام پنچایتوں کا زبردست ردعمل وزیر اعظم جناب نریندر مودی کی متاثر کن قیادت کا منہ بولتا ثبوت ہے۔ ان کی دلی کال نے پورے ہندوستان میں ایک سچے یوم گاؤں، یوم یوگا، جنون یو گاؤ" میں تبدیل کر دیا ہے۔ یوگا کو زندگی کے ایک طریقے کے طور پر اپنانا یہ نچلی سطح پر ہونے والی کوششیں یوگا کے ذریعے مجموعی صحت کے تئیں گہرے ثقافتی تعلق اور بڑھتی ہوئی عوامی عزم کی عکاسی کرتی ہیں۔

اوم پرکاش یادو، کیراکت، جونپور (اتر پردیش) کے پریاری گاؤں کے سرپنچ نے وضاحت کی کہ کس طرح وزیر اعظم کے خط نے کمیونٹی کے لیے ایک دلی اور متاثر کن پیغام کے طور پر کام کیا۔ انہوں نے کہا کہ یہ خط وزیر اعظم کے ذاتی پیغام کی طرح محسوس ہوا اور اس نے واقعی ہمارے پورے گاؤں کو یوگا شروع کرنے کی ترغیب دی۔ اس کال کے بعد، گاؤں نے پنچایت بھون میں ہفتہ وار یوگا سیشن کا انعقاد شروع کیا اور اسکول کے بچوں کے لیے ان کے اعتماد اور نظم و ضبط کو بڑھانے کے لیے یوگا کے مقابلے شروع کیے تھے۔ گاؤں کے تمام طبقوں کی پرجوش شرکت کے ساتھ ایک خصوصی ’یوگا یاترا‘ کا بھی اہتمام کیا گیا، جس میں یوگا کے ذریعے وسیع پیمانے پر بیداری اور اتحاد کا مضبوط احساس پیدا ہوا۔

دموہ (مدھیہ پردیش) کے باندک پور گاؤں کے گرام پردھان سنیل کمار ڈبلیو نے بین الاقوامی یوم یوگا پر ان کے متاثر کن پیغام کے لیے وزیر اعظم جناب نریندر مودی کا تہہ دل سے شکریہ ادا کیا۔ انہوں نے کہا، "وزیراعظم کی تاریخی پہل نے یوگا کو صحیح معنوں میں ایک عوامی تحریک میں تبدیل کر دیا ہے، جو ملک کے ہر گاؤں تک پہنچ گئی ہے۔" اپنے گاؤں کی تیاریوں کا اشتراک کرتے ہوئے، انہوں نے کہا، "ہم اپنے پنچایت علاقے میں زیادہ سے زیادہ کمیونٹی کی شرکت کو یقینی بنا رہے ہیں، اور بین الاقوامی یوگا ڈے 2025 کے موقع پر مشترکہ یوگا پروٹوکول کے تحت ایک خصوصی یوگا سیشن کا اہتمام کریں گے۔ ہمارے گاؤں والے اس بڑے پیمانے پر مشق میں حصہ لینے کے لیے بے تاب ہیں۔" انہوں نے یہ بھی بتایا کہ پنچایت سطح پر ایک بڑے پیمانے پر بیداری مہم چلائی جا رہی ہے تاکہ اس بات کو یقینی بنایا جا سکے کہ ہر گھر کو اس جشن میں شامل ہونے کے لیے آگاہ کیا جائے اور حوصلہ افزائی کی جائے۔

کانپور دیہات (اتر پردیش) میں گرام پنچایت کھیرا کرسی کے سرپنچ پون مشرا نے وزیر اعظم کا خط موصول ہونے پر فخر اور حوصلہ افزائی کا اظہار کیا۔ انہوں نے کہا کہ یہ ہمارے لیے بڑے اعزاز کی بات ہے۔ "خط نے ہمیں نہ صرف یوگا کی مشق کرنے بلکہ اسے زندگی کے ایک طریقے کے طور پر اپنانے کی ترغیب دی ہے۔" بین الاقوامی یوگا ڈے 2025 کی تیاری میں، پنچایت نے تمام عمر کے گروپوں کے لیے خصوصی یوگا پروگرام شروع کیے ہیں۔ ایک پہاڑی علاقہ ہونے کے باوجود، مقامی نوجوانوں نے مل کر ایک کھلا ہوا یوگا مقام تیار کرنے کے لیے کام کیا ہے، جہاں اب باقاعدہ صبح کے سیشن منعقد کیے جاتے ہیں۔ خواتین کے گروپوں نے 'صحت ہی دولت ہے' کے تھیم کے تحت بیداری مہم بھی شروع کی ہے، جس میں یوگا اور غذائیت پر مباحثوں کا اہتمام کیا گیا ہے۔ اس کے علاوہ، 'یوگا کے ذریعے خوشحالی' کے موضوع پر گاؤں کی سطح پر ہونے والے پینٹنگ اور مضمون نویسی کے مقابلوں میں بچوں نے جوش و خروش سے حصہ لیا۔ انہوں نے مزید کہا، " "ہمیں یقین ہے کہ اس اجتماعی کوشش کے ذریعے یوگا کا بین الاقوامی دن 2025 نچلی سطح پر ایک تاریخی اور حقیقی معنوں میں لوگوں کی قیادت  والاجشن بن جائیگا۔"

******

ش ح۔ح ن۔س ا

U.No:1884