প্রধানমন্ত্রীগী লোইশঙ
সাইপ্রস, কেনাদা অমসুং ক্রোএসিয়াগী লৈবাক অহুমগী খোঙচৎকী মাংওইননা থমখিবা প্রধান মন্ত্রীগী চৎলমদাইদগী ৱারোল
Posted On:
15 JUN 2025 7:00AM by PIB Imphal
ঙসি ঐহাক্না রিপব্লিক ওফ সাইপ্রস, কেনাদা অমসুং ক্রোএসিয়াদা লৈবাক অহুমগী খোঙচৎ অমা চৎকনি।
ঐহাক্না জুন 15-16তা রাস্ত্রপতি ঐচ.ই. নিকোস খৃস্তোদৌলিদিসনা বর্তন তৌরকপদগী রিপব্লিক ওফ সাইপ্রসতা চৎকনি। সাইপ্রাস অসি অনকপা মরুপ অমনি অমসুং মেদিতেরানিয়ন লমদম অমসুং EUদা মরু ওইবা পার্তনর অমনি। খোঙচৎ অসিনা পুৱারীগী ওইবা মরীশিংদা য়ুম্ফম ওইদুনা অমসুং ললোন-ইতিক, ইনভেস্তমেন্ত, সেক্যুরিতী, তেক্নোলোজী অমসুং মীয়ামগী মরক্তা লৈনরিবা মরীশিং হেনগৎহন্নবা খুদোংচাবা অমা পীরি।
সাইপ্রসতগী ঐহাক্না প্রধান মন্ত্রী ঐচ.ই. মার্ক কার্নিনা বর্তন তৌরকপদগী G 7 সম্মিৎতা শরুক য়ানবা কেনাদাগী কানানাস্কিসতা চৎকনি। সমিৎ অসিনা মালেমগী মরুওইবা ইসুশিং অমসুং গ্লোবেল সাউথকী প্রাইওরিতিশিংদা মীৎয়েং থম্নবা মফম অমা পীগনি। ঐহাক্না পার্তনর লৈবাকশিংগী লুচিংবশিংগা ৱারী শানবা আশাসু তৌরি।
জুন 18দা ঐহাক্না রিপব্লিক ওফ ক্রোএসিয়াদা খোংচৎ চৎনবা অমসুং রাস্ত্রপতি জোরান মিলানোভিচ অমসুং প্রধান মন্ত্রী অন্দ্রে প্লেনকোভিচকা উননবা ঙাইরি। ঐখোয়গী লৈবাক অনিমক্না চহি চা কয়াগী মমাংদগী নক্নবা নাৎকী মরীশিং লৈনরি। ভারতকী প্রধান মন্ত্রী অমনা ক্রোএসিয়াদা অহানবা ওইনা চৎপা অসিনা ম্যুচেল ইন্তরেস্তকী লমশিংদা নাকল অনিগী ওইবা কোওপরেসনগী অনৌবা লম্বীশিং হাংদোক্লগনি।
লৈবাক অহুমগী খোঙচৎ অসিনা ঙমখৈ লান্না চত্থরিবা তেরোরিজমগী মায়োক্তা ঐখোয়না লান্থেংনরিবা অসিদা পার্তনর লৈবাকশিংনা ভারতপু লেপ্পা লৈতনা মতেং পাংলিবা অসিগীদমক থাগৎপা ফোংদোক্নবা অমসুং তেরোরিজমগী মওং-মতৌ অমসুং মেনিফেস্তেসন পুম্নমক থেংননবা মালেমগী ওইবা ৱাখল্লোন অমা পোকহন্নবা খুদোংচাবা অমা ওইরি।
***
(Release ID: 2136436)
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam