പ്രധാനമന്ത്രിയുടെ ഓഫീസ്‌
അഹമ്മദാബാദ് വിമാനദുരന്തത്തിൽ നിരവധി ജീവനുകൾ പൊലിഞ്ഞ സംഭവത്തിൽ പ്രധാനമന്ത്രി അനുശോചനം രേഖപ്പെടുത്തി
ദുരന്തസ്ഥലം സന്ദർശിച്ച പ്രധാനമന്ത്രി, അക്ഷീണം പ്രവർത്തിക്കുന്ന ഉദ്യോഗസ്ഥരെയും സംഘങ്ങളെയും സന്ദർശിച്ചു
Posted On:
13 JUN 2025 10:53AM by PIB Thiruvananthpuram
അഹമ്മദാബാദിലെ ദാരുണമായ വിമാനാപകടത്തിൽ നിരവധി പേരുടെ ജീവൻ നഷ്ടപ്പെട്ടതിൽ പ്രധാനമന്ത്രി ശ്രീ നരേന്ദ്ര മോദി ഇന്ന് അനുശോചനം രേഖപ്പെടുത്തി. മരിച്ചവരുടെ കുടുംബങ്ങളെ അദ്ദേഹം അനുശോചനം അറിയിച്ചു. അവർ അനുഭവിക്കുന്ന വലിയ വേദനയും നഷ്ടവും മനസിലാക്കുന്നുവെന്നും അദ്ദേഹം പറഞ്ഞു.
സ്ഥിതിഗതികൾ നേരിട്ടു വിലയിരുത്താൻ ഇന്നു രാവിലെ, ശ്രീ മോദി അഹമ്മദാബാദിലെ ദുരന്തസ്ഥലം സന്ദർശിച്ചു. ദുരന്തത്തെത്തുടർന്ന് അക്ഷീണം പ്രവർത്തിക്കുന്ന ഉദ്യോഗസ്ഥരുമായും അടിയന്തര പ്രതികരണ സംഘങ്ങളുമായും അദ്ദേഹം കൂടിക്കാഴ്ച നടത്തി.
എക്സിലെ വിവിധ പോസ്റ്റുകളിൽ ശ്രീ മോദി കുറിച്ചതിങ്ങനെ:
“അഹമ്മദാബാദിലെ വിമാനദുരന്തം നമ്മെ തകർത്തുകളഞ്ഞു. ഹൃദയഭേദകമാംവിധം ഇത്ര പെട്ടെന്നു നിരവധി ജീവനുകൾ പൊലിഞ്ഞതു വാക്കുകൾ കൊണ്ടു വിവരിക്കാൻ കഴിയാത്തവണ്ണം വേദനയുളവാക്കുന്നു. ദുഃഖാർത്തരായ എല്ലാ കുടുംബങ്ങളെയും അനുശോചനം അറിയിക്കുന്നു. അവരുടെ വേദന ഞങ്ങൾ മനസ്സിലാക്കുന്നു. ഈ നഷ്ടത്തിന്റെ ശൂന്യത കാലങ്ങളോളം അനുഭവപ്പെടുമെന്നും നമുക്കറിയാം. ഓം ശാന്തി.”
“ഇന്ന് അഹമ്മദാബാദിലെ ദുരന്തസ്ഥലം സന്ദർശിച്ചു. നാശനഷ്ടങ്ങളുടെ ദൃശ്യം അതീവ ദുഃഖകരമാണ്. അക്ഷീണം പ്രവർത്തിക്കുന്ന ഉദ്യോഗസ്ഥരെയും സംഘങ്ങളെയും കണ്ടു. സങ്കൽപ്പിക്കാൻ പോലുമാകാത്ത ഈ ദുരന്തത്തിൽ പ്രിയപ്പെട്ടവരെ നഷ്ടപ്പെട്ടവർക്കൊപ്പമാണു നമ്മുടെ ചിന്തകൾ.”
***
SK
(Release ID: 2136099)
Read this release in:
Odia
,
English
,
Urdu
,
Marathi
,
Hindi
,
Nepali
,
Bengali
,
Bengali-TR
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada