وزیردفاع  جناب راج ناتھ سنگھ نے 12 جون 2025 کو نیشنل کیڈٹ کور (این سی سی) کی کوہ پیمائی مہم کی  ٹیم کو  اعزاز سے نوازا، جس میں پانچ لڑکیاں اور پانچ لڑکے شامل تھے، جن کی  اوسط عمر 19 سال تھی، جنہوں نے 18 مئی 2025 کو ماؤنٹ ایورسٹ کو سر کیا۔ انہوں نے کرنل امت بشٹ کی سربراہی والی ٹیم  کے  جواں حوصلے ،جذبے  اور حب الوطنی کے اعزاز میں   بغیر کسی چوٹ کے سخت ترین حالات میں یہ کارنامہ انجام دینے پر 10 لاکھ روپے کا چیک پیش کیا۔

ساؤتھ بلاک، نئی دہلی میں منعقدہ اعزازی  تقریب کے دوران، کیڈٹس نے مہم کے  تحت اپنے تجربات شیئر کیے، جس میں سخت تربیت، پیچیدہ منصوبہ بندی اور درپیش چیلنجوں کی تفصیل بتائی گئی۔ وزیردفاع نے ہمت، نظم و ضبط،  استقامت اور ہمت کا امتحان پاس کرنے کے لیے اڑتے ہوئے رنگوں سے ٹیم کی ستا  ئش کی۔

جناب راج ناتھ سنگھ نےکیڈٹس کو نوجوان نسل کے لیے  تحریک کا باعث  قراردیتے ہوئے  کہا کہ اس مہم کے  ذریعے  بہادر کیڈٹس نے یہ پیغام دیا ہے کہ دنیا کی بلند ترین چوٹی بھی ملک کے نوجوانوں کے لیے کوئی مانع نہیں ہے۔ انہوں نے اس یقین کا اظہار کیا کہ کیڈٹس اسی ہمت اور عزم کے ساتھ مستقبل کے چیلنجوں  سے نمٹیں گے جس کا مظاہرہ انہوں نے ماؤنٹ ایورسٹ کو سر کرنے کے دوران کیا تھا۔

 وزیردفاع نے کیڈٹس میں قومی فخر کا احساس پیدا کرنے کے لیے این سی سی کی کوششوں کا اعتراف کیا اور انہیں جسمانی، ذہنی اور جذباتی طور پر مضبوط بنا کر اور ان کی سماجی مہارتوں کو فروغ دے کر ان کی مجموعی ترقی کو یقینی بنایا۔ انہوں نے کیڈٹس کے اہل خانہ کی بھی تعریف کی جنہوں نے اس کوشش میں ان کا ساتھ دیا۔ این سی سی کے ڈی جی لیفٹیننٹ جنرل گربیرپال سنگھ اس موقع پر موجود معززین میں شامل تھے۔

2013 اور 2016 میں اسی طرح کی کامیابیوں کے بعد این سی سی کی جانب سے ایورسٹ کی یہ  تیسری کامیاب کوہ پیمائی ہے۔ کوہ پیمائی مہم کی ٹیم میں 10 کیڈٹس، افسران، جونیئر کمیشنڈ افسران، انسٹرکٹرز اور نان کمیشنڈ افسران شامل تھے۔ اس ٹیم میں صوبیدار میجر بلکار سنگھ بھی شامل تھے، جو ماؤنٹ ایورسٹ کو سر کرنے والے ہندوستانی فوج کے پہلے صوبیدار میجرہیں۔ ٹیم کےسب سے نوخیز کیڈٹ کی عمر صرف 16 سال تھی۔

کوہ پیمائی مہم کی ٹیم کو 03 اپریل 2025 کو  وزیردفاع نے باضابطہ طور پر جھنڈی دکھا کر روانہ کیا۔ مہم کے دوران، ٹیم نے ہر مرحلے پر تمام اراکین کی فلاح و بہبود کو یقینی بناتے ہوئے،  مقررہ حفاظتی پروٹوکول اور آپریشنل رہنما  ہدایات پر سختی سے عمل کیا۔

************

 ش ح۔م ش ع۔ م ذ

UR. No. 1699