শেনমিৎলোন্দা মন্ত্রীমন্দলগী মীফম (সি.সি.ই.এ.)
মন্ত্রী মন্দলনা ঝার্খন্দ, কর্নাতকা অমদি অন্ধ্র প্রদেশকী দিস্ত্রক্ত তরেৎ কোনশিল্লিবা ইন্দিয়ন রেলৱেজকী মল্তিত্রেক্কিং প্রোজেক্ত অনিগী হৌজিক লৈরিবা নেতৱর্ক কিলোমিতর ৩১৮ শাংদোক্নবা অয়াবা পীখ্রে
থৌশিল অসিনা খোঙচৎকী খুদোংচাবা হেনগৎহনগনি, চত্থোক চৎশিনগী শেঞ্জং হন্থহনগনি, থাউ পুশিল্লকপা হন্থহনগনি অমদি CO2 থাদোকপা হন্থহন্দুনা তুং কোইবা অমদি মতিং লৈবা রেল ওপরেসন্দা ঙাক্লৌ পীগনি
প্রোজেক্ত অসিগী অপুনবা চাউরাকপা শেঞ্জং লুপা করোর ৬,৪০৫ নি
প্রোজেক্ত অসিনা শেমগৎ শাগৎলিঙৈ মনুংদা হ্যুমেন-দে লাখ ১০৮ লোমগী থবক পীগনি
Posted On:
11 JUN 2025 3:05PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমিক এফ্যার্সনা রেলৱেজ মন্ত্রালয়গী পুন্না লুপা করোর ৬,৪০৫ কী ওইগদবা প্রোজেক্ত অনি অয়াবা পীখ্রে। প্রোজেক্তশিং অদুদি:
১. কোদেরমা – বর্কাকনা দব্লিং (কিমি ১৩৩) – প্রোজেক্ত সেক্সন অসিনা ঝার্খন্দগী কোইলা চাউনা পুথোকপা মফম অমা ফাওদুনা চৎকনি। মখা তানা মসিনা পত্না অমদি রাঞ্চীগী মরক্তা খ্বায়দগী তেনবা অমদি হেন্না মতিক চাবা রেল লিঙ্ক ওইগনি।
২. বল্লারি – চিকজাজরু দব্লিং (কিমি ১৮৫) – প্রোজেক্ত লাইন অসিনি কর্নাতকাগী বল্লারী অমদি চিত্রদুর্গা দিস্ত্রিক্ত অমদি অন্ধ্র প্রদেশকী অনন্তপুর দিস্ত্রিক্ত ফাওদুনা চৎকনি।
লাইন কেপাসিতী হেনগৎহনগদৌরিবা অসিনা মোবিলিতী মশক থোক্না হেনগৎহন্দুনা, ইন্দিয়ন রেলৱেজকী ওইনা ওপরেস্নেল ইফিসিএন্সী অমদি সর্ভিস রিলাইএবিলিতী হেনগৎহনগনি। মল্তি-ত্রেক্কিং প্রপোজেল অসিনা ওপরেসন মওং মরিল নাইহনগনি অমদি মী চিনবা হন্থহনগনি। প্রোজেক্তশিং অসি প্রধান মন্ত্রী শ্রী নরেন্দ্র মোদীগী লম অসিদা মপুং ফানা চাওখৎপা পুরক্তুনা থবক পীবগী / মশানা মশাবু থবক পীজবগী খুদোংচাবা হেনগৎহনগদবা, লমদম অদুগী মীয়ামবু ‘আত্মনিরভর’ ওইহনগদবা অনৌবা ভারতকী মঙলান পরিংদা পায়খৎপনি।
প্রোজেক্তশিং অসি ইন্তিগ্রেতেদ প্লান্নিংনা পুরকপা পি.এম.-গতি শক্তি নেস্নেল মাস্তর প্লান ফোর মল্তি-মোদেলল কন্নেক্তিবিতীগী মহৈনি অমদি মী, পোৎ অমদি সর্ভিসশিং অপনবা লৈতনবা চত্থোক চৎশিন অমদি পুথোক পুশিন তৌবা য়াহনগনি।
ঝার্খন্দ, কর্নাতকা অমদি অন্ধ্র প্রদেশ স্তেতশিংগী দিস্ত্রিক্ত তরেৎ কোনশিল্লিবা প্রোজেক্ত অনি অসিনা ইন্দিয়ন রেলৱেজকী হৌজিক লৈরিবা নেতৱর্কপু কিলোমিতর ৩১৮ হেনগৎহল্লগনি।
অয়াবা পীরবা মল্তি-ত্রেক্কিং প্রোজেকক্ত অসিনা মীশিং লাখ ২৮.১৯ লোম লৈবা খুঙ্গং ১,৪০৮ লোমদা কন্নেক্তিবিতী ফগৎহল্লগনি।
হায়রিবা লম্বী পরিং অসি কোইলা, য়োৎকী ওর, শেম শাবা লোইরবা স্তীল, সিমেন্ত, হার, লৌউ-শিংউগী পোৎলকশিং, অমদি পেত্রোলিয়ম পোত্থোক্নচিংবা পোৎলমশিং পুথোক পুশিন তৌনবা মরুওইবা লম্বীশিংনি। কেপাসিতী হেনগৎহনগদৌরিবা অসিনা মেগ্নিচুদ ৪৯ এম.তি.পি.এ. (মিলিয়ন তন পর এনম)গী অহেনবা ফ্রৈত ত্রাফিক পুরক্কনি। রেলৱেজনা মহৌশাগী ফীভমগা চুনবা অমদি অমদি ইনর্জী ইফিসিএন্ত মোদ ওইবনা, ক্লাইমেত গোল ফংবদা অমমদি লৈবাকসিগী পোৎ পুথোক পুশিনগী শেঞ্জং হন্থহনবা, থাউ পুশিল্লকপা হন্থহনবা (লিতর করোর ৫২) অমদি উ করোর ১১ থাবগা মান্নবা চাংদা CO2 থাদোকপা হন্থহনবদা (কেজি করোর ২৬৪) মতেঙ পাংগনি।
*****
(Release ID: 2135789)
Read this release in:
English
,
Urdu
,
Hindi
,
Nepali
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam