وزارت اطلاعات و نشریات کے تحت فلم اینڈ ٹیلی ویژن انسٹی ٹیوٹ آف انڈیا (ایف ٹی آئی آئی) نے پونے میں منعقد ہونے والے اپنے فلیگ شپ فلم اپریسیشن کورس (وسط سال 2025) کے لیے درخواست کی آخری تاریخ میں 23 جون سے 11 جولائی 2025 تک توسیع کا اعلان کیا ہے ۔ یہ کورس پونے میں 23 جون سے 11 جولائی 2025 تک منعقد ہوگا۔ درخواستیں جمع کرانے کی نئی آخری تاریخ اب 15 جون 2025 (شام 6:00 بجے، بھارتی وقت) مقرر کی گئی ہے۔

یہ توسیع ملک بھر کے فلمی شائقین کی زبردست دلچسپی کے پیشِ نظر کی گئی ہے اور اس کا مقصد اُن خواہش مند شرکاء کو موقع دینا ہے جو 7 جون کی ابتدائی آخری تاریخ سے محروم رہ گئے تھے۔ یہ کورس فلم اینڈ ٹیلی ویژن انسٹیٹیوٹ آف انڈیا (ایف ٹی آئی آئی) اور نیشنل فلم ڈیولپمنٹ کارپوریشن ، نیشنل فلم آرکائیو آف انڈیا کے اشتراک سے منعقد کیا جا رہا ہے۔ یہ ایف ٹی آئی آئی کے وسیع تر اقدامات کا حصہ ہے جس کا مقصد بھارت بھر میں فلمی تعلیم تک رسائی کو عام بنانا ہے۔

یہ کورس ایک جامع، کل وقتی پروگرام ہے، جو شرکاء کو سنیما کے جمالیاتی پہلوؤں، تاریخ اور زبان کا منظم تعارف فراہم کرتا ہے۔ اس میں لیکچرز، فلموں کی نمائش اور مباحثے شامل ہیں، اور سیشن روزانہ صبح 9:30 بجے سے شام 8:30 بجے تک ہوتے ہیں، ہفتہ اور اتوار کے علاوہ۔ کورس کی ایک خاص بات یہ ہے کہ شرکاء کو 35ایم ایم  اور ڈیجیٹل فارمیٹس میں سنیما کا تجربہ حاصل کرنے کا موقع ملتا ہے۔

یہ نصاب سینما کو ایک فن کے طور پر اور ایک مواصلاتی ذریعہ کے طور پر دریافت کرتا ہے، جس میں ہندوستانی اور عالمی سینما کی روایتوں پر زور دیا گیا ہے۔ شرکاء منتخب کلاسیکی فلموں،افسانوی، غیر افسانوی، اور دستاویزی کے ساتھ گہری تجزیہ کاری میں مصروف ہوں گے۔ معروف فلم سازوں کے ساتھ مہمان تعاملات اس پروگرام کا ایک لازمی حصہ ہوں گے۔ لیکچرز ایف ٹی آئی آئی کے مرکزی اساتذہ اور معزز مہمان اساتذہ کے ذریعےدیے جائیں گے۔

یہ کورس ایف ٹی آئی آئی کے فیکلٹی ممبران اندرنِل بھٹّاچاریہ اور ویبھَو ابناوے کی سربراہی میں چلایا جا رہا ہے۔ یہ کورس اساتذہ، میڈیا پیشہ ور، محققین، فلم سوسائٹی کے ارکان، میڈیا سے وابستہ سرکاری اہلکاروں اور پورے بھارت سے آنے والے پرجوش فلم شوقین افراد کے لیے ہے۔

سنیما اور میڈیا سے متعلق شعبوں میں ظاہر کردہ دلچسپی اور تجربے کی بنیاد پر درخواستوں کی اسکریننگ(جانچ ) کی جائے گی ۔ دور دراز سے آنے والے شرکاء کے لیے محدود تعداد میں ہوسٹل کی رہائش دستیاب ہوگی ، جس میں معذور افراد اور خواتین امیدواروں کو ترجیح دی جائے گی ۔ بصورت دیگر شرکاء سے توقع کی جاتی ہے کہ وہ پونے میں اپنے سفر ، قیام اور کھانے کا انتظام خود کریں ۔

دلچسپی رکھنے والے درج ذیل لنک پر دستیاب درخواست فارم پر کر سکتے ہیں:

https://docs.google.com/forms/d/e/1FAIpQLScJXSd_n0o7n5CBo6yVVRODFgQEx4AcpqeBeSIM8d1LsOJrcQ/viewform

کورس کی فیس ، اہلیت اور ادائیگی کے عمل سے متعلق تفصیلات ایف ٹی آئی آئی کی سرکاری ویب سائٹ پر دستیاب ہیں:

https://ftii.ac.in/p/vtwa/film-appreciation-course-mid-year-2025-23-june-11-july-2025

***

ش ح۔ ش آ۔ج

Uno-1600