માહિતી અને પ્રસારણ મંત્રાલય હેઠળના ફિલ્મ એન્ડ ટેલિવિઝન ઇન્સ્ટિટ્યૂટ ઓફ ઇન્ડિયા (FTII) એ પુણેમાં યોજાનારા તેના મુખ્ય ફિલ્મ એપ્રિસિએશન કોર્સ (મધ્યવર્ષ 2025) માટે અરજી કરવાની અંતિમ તારીખ 23 જૂનથી 11 જુલાઈ 2025 સુધી લંબાવવાની જાહેરાત કરી છે. અરજીઓ સબમિટ કરવાની સુધારેલી છેલ્લી તારીખ હવે 15 જૂન 2025 (સાંજે 6:00 વાગ્યે IST) છે.

આ તારીખ લંબાવવાના નિર્ણયથી દેશભરના ફિલ્મ રસિકોમાં ઉત્સાહ વધ્યો છે. તેનો હેતુ વધુ મહત્વાકાંક્ષી સહભાગીઓનો સમાવેશ કરવાનો છે, જેઓ 7 જૂનની અગાઉની સમયમર્યાદા ચૂકી ગયા હતા. FTII અને નેશનલ ફિલ્મ ડેવલપમેન્ટ કોર્પોરેશન - નેશનલ ફિલ્મ આર્કાઇવ ઓફ ઇન્ડિયા દ્વારા સંયુક્ત રીતે આયોજિત આ કોર્સ, FTIIની વ્યાપક આઉટરીચ પહેલનો એક ભાગ છે. જેનો ઉદ્દેશ્ય સમગ્ર ભારતમાં ફિલ્મ શિક્ષણની લોકતાંત્રિક પહોંચ બનાવવાનો છે.

એક સઘન, પૂર્ણ-સમય કાર્યક્રમ તરીકે રચાયેલા અને સપ્તાહના અંતને બાદ કરતાં, આ કોર્સ સહભાગીઓને સિનેમાના સૌંદર્ય શાસ્ત્ર, ઇતિહાસ અને ભાષાનો માળખાગત પરિચય આપે છે. તેમાં પ્રવચનો, સ્ક્રીનીંગ અને ચર્ચાઓનો સમાવેશ થાય છે, જેમાં દરરોજ સવારે 9:30 થી રાત્રે 8:30 વાગ્યા સુધી સત્રો યોજવામાં આવે છે. કોર્સની એક ખાસ વિશેષતા એ છે કે સહભાગીઓને 35mm અને ડિજિટલ ફોર્મેટ બંનેમાં સિનેમાનો અનુભવ કરવાની તક મળે છે.

અભ્યાસક્રમ સિનેમાને એક કલા સ્વરૂપ અને સંદેશાવ્યવહારના માધ્યમ તરીકે શોધે છે, જેમાં ભારતીય અને વિશ્વ સિનેમા પરંપરાઓ પર ભાર મૂકવામાં આવે છે. સહભાગીઓ પસંદગીના ક્લાસિક્સ - ફિક્શન, નોન-ફિક્શન અને ડોક્યુમેન્ટરીનું - ઊંડાણપૂર્વક વિશ્લેષણ કરશે. જાણીતા ફિલ્મ નિર્માતાઓ સાથે મહેમાનોની વાતચીત કાર્યક્રમનો અભિન્ન ભાગ રહેશે. FTII ના મુખ્ય ફેકલ્ટી અને પ્રતિષ્ઠિત ગેસ્ટ ફેકલ્ટી દ્વારા વ્યાખ્યાનો આપવામાં આવશે.

આ કોર્સનું સંકલન FTII ના ફેકલ્ટી સભ્યો ઇન્દ્રનીલ ભટ્ટાચાર્ય અને વૈભવ અબનાવે દ્વારા કરવામાં આવે છે. આ કોર્સ શિક્ષકો, મીડિયા વ્યાવસાયિકો, સંશોધકો, ફિલ્મ સોસાયટીના સભ્યો, મીડિયામાં કામ કરતા સરકારી અધિકારીઓ અને ભારતભરના સિનેપ્રેમીઓ માટે છે.

સિનેમા અને મીડિયા સંબંધિત ક્ષેત્રોમાં દર્શાવવામાં આવેલી રુચિ અને અનુભવના આધારે અરજીઓની તપાસ કરવામાં આવશે. બહારના સહભાગીઓ માટે મર્યાદિત સંખ્યામાં હોસ્ટેલમાં રહેવાની વ્યવસ્થા ઉપલબ્ધ રહેશે, જેમાં દિવ્યાંગ અને મહિલા ઉમેદવારોને પ્રાથમિકતા આપવામાં આવશે. અન્યથા સહભાગીઓએ પુણેમાં પોતાની મુસાફરી, રહેવા અને ભોજનની વ્યવસ્થા કરવાની અપેક્ષા રાખવામાં આવે છે.

રસ ધરાવતા લોકો નીચેની લિંક પર ઉપલબ્ધ અરજી ફોર્મ ભરી શકે છે:

https://docs.google.com/forms/d/e/1FAIpQLScJXSd_n0o7n5CBo6yVVRODFgQEx4AcpqeBeSIM8d1LsOJrcQ/viewform

કોર્સ ફી, પાત્રતા અને ચૂકવણી પ્રક્રિયા સંબંધિત વિગતો FTIIની સત્તાવાર વેબસાઇટ પર ઉપલબ્ધ છે:

https://ftii.ac.in/p/vtwa/film-appreciation-course-mid-year-2025-23-june-11-july-2025

AP/IJ/GP/JD