প্রধান মন্ত্রী শ্রী নরেন্দ্র মোদীনা জুন ৬ তা জম্মু অমসুং কাস্মিরদা চৎকদৌরি‍।‍ লমদম অদুদা রেল ইনফ্রাস্ত্রকচর অমদি কন্নেক্তিবিতী ফগৎহন্নবা মহাক্কী খোঙফম পরিংদা, প্রধান মন্ত্রীনা অয়ুক পুং ১১ রোম তাবা মতমদা চেনব থোং শঙ্গাগনি অমদি থোং মথক্তা চৎকনি‍। মদুগী তুংদা, মহাক্না অঞ্জি থোংসু শঙ্গাগনি‍। মহাক্না নুমিৎ য়ুংবা পুং ১২ রোম তারকপদা বন্দে ভারত ত্রেনশিং লমথাগনি‍। তুংদা, মহাক্না কাত্রাদা লুপা করোর ৪৬,০০০ হেনবগী চাওখৎ থৌরাংগী প্রোজেক্ত কয়া উরেপ উয়ুং তমগনি, শঙ্গাগনি অমদি লৈবাক্কী মফমদা কত্থোক্কনি‍।

চেনব অমসুং অঞ্জি থোং

তুরেলগী মথক্তা মিতর ৩৫৯ ৱাংনা লৈরিবা অর্কিতেকচরগী অঙকপা ফংলবা চেনব রেল থোং অসিনা মালেমগী খ্বায়দগী ৱাংবা রেলৱে অর্চ থোং ওইরি‍। মসি য়ুহা য়াবা অমদি নুংশিৎকী ঈথক ইপোম মায়োক্নবা ঙমবা মিতর ১,৩১৫ শাংবা স্তীলগী অর্চ থোং অমনি‍। থোং অসিগী মরুওইবা ইথিল অমা হায়রগদি মসিনা জম্মু অমসুং স্রিনগর অনিগী মরক্তা কন্নেক্তিবিতী ফগৎহনগদরিবা অসিনি‍। থোং অসিদা চেনগদৌরিবা বন্দে ভারত ত্রেনশিংনা কাত্রা অমসুং স্রিনগরগী মরক্তা চত্থোক চৎশিনগী মতম পুং ৩ লোমদমক চঙহন্দুনা খোঙচৎকী মতম পুং ২-৩ লোম হন্থহল্লগনি‍।

অঞ্জি খোং অসিনা ভারতকী অহানবা কেবল-স্তেদ রেল থোংনি অমদি মসিনা শিংনবনা থল্লবা চীংশাংগী লম্বীদা কান্নবা পীগনি‍।

কন্নেক্তিবিতী প্রোজেক্ত অমসুং অতৈ চাওখৎ থৌরাংগী থৌশিলশিং

প্রধান মন্ত্রীনা উধমপুর-স্রিনগর-বরামুল্লা রেল লিঙ্ক (USBRL) প্রোজেক্ত লৈবাক্কী মফমদা কত্থোক্কনি‍। কিলোমিতর ২৭২ শাংবা USBRL প্রোজেক্ত অসি লুপা করোর ৪৩,৭৮০ রোম চঙনা শাখিবনি অমদি মসিদা লৈনুংহুৎ (শুরুং) ৩৬ (কিলোমিতর ১১৯ শাংবা), অমদি থোং ৯৪৩ য়াওরি‍। প্রোজেক্ত অসিনা কাস্মির তম্পাক্কা লৈবাক্কী অতৈ মফমশিংগগী মরক্তা নোংজু নুংশা খায়দবা, অপনবা লৈতবা রেল কন্নেক্তিবিতী ফংহন্দুনা রিজনেল মোবিলিতীদা অওনবা পুরক্নবা অমদি খুন্নাই-শেন্মিৎলোন পুনশিনহন্নবা পান্দম থম্লি‍।

প্রধান মন্ত্রীনা শ্রী মাতা বৈষ্ণো দেবী কাত্রাদগী স্রিনগর ফাওবগী হঙ্গৎ হন্দা চেনগদবা বন্দে ভারত এক্সপ্রেস ত্রেন অনিসু লমথাগনি‍। মখোয়না লমদমদুগী মীয়াম, লম কোয়বা লাকপশিং, লাই খুরুম্বা লাকপশিং অমদি অতৈ মীওইশিংদা খোঙলৈ থুবা, নুংঙাইবা, অমদি থাজনিংঙাই ওইবা খোঙচৎকী মহাও ফংহনগনি‍।

মরুওইনা ঙমখৈগী মফমশিংদা লাস্ত মাইল কন্নেক্তিবিতীগী ফীভম ফগৎহন্নবা, প্রধান মন্ত্রীনা তোঙান তোঙানবা লম্বীগী প্রোজেক্তশিং উরেপ উয়ুং তমগনি অমদি শঙ্গাগনি‍। মহকা্না লুপা করোর ১,৯৫২ হেন্না চঙনা পায়খৎকদবা রফিয়াবাদতগী কুপ্বারা ফাওবগী নেস্নেল হায়ৱে-৭০১ পাকথোকহনবগী প্রোজেক্ত, অমদি এন.ঐচ.-৪৪৪ দা শোপিয়ন বাইপাস শেমগৎপগী প্রোজেক্তশিং মথঙ শিৎনা উরেপ উয়ুং তমগনি অমদি শঙ্গাগনি‍। মহাক্না স্রিনগর নেস্নেল হায়ৱে-১ গী শঙ্গ্রামা জংসন অমদি নেস্নেল হায়ৱে-৪৪ গী বেমিনা জংসন্দা ফ্লাইওভর থোং অনিসু শঙ্গাগনি‍। প্রোজেক্তশিং অসিনা অচৎ অওকশিংদা লম্বী চিনবগী চাং হন্থহনগনি অমদি চত্থোক চৎশিন নুংঙাইহনগনি‍।

প্রধান মন্ত্রীনা কাত্রাদা লুপা করোর ৩৫০ হেন্না চঙনা শেমগৎকদবা শ্রী মাতা বৈষ্ণো দেবী ইন্সতিত্যুৎ ওফ মেদিকেল এক্সেলেন্সকী উরেপ উয়ুংসু তমগনি‍। মসিনা রীসি দিস্ত্রিক্তকী অহানবা মেদিকেল কলেজ ওইদুনা লমদম অসিগী হেল্থকেয়র ইনফ্রাস্ত্রকচরদা মশক থোক্না থৌদাং য়াগনি‍।

****