31/03/2025 న లేదా అంతకు ముందు పదవీ విరమణ చేసిన కేంద్ర ప్రభుత్వ ఎన్పిఎస్ చందాదారులు కనీసం 10 సంవత్సరాల అర్హత సర్వీసుతో లేదా వారు చట్టబద్ధంగా వివాహం చేసుకున్న జీవిత భాగస్వామి ఇప్పటికే క్లెయిమ్ చేసిన ఎన్పిఎస్ ప్రయోజనాలకు మించి యూనిఫైడ్ పెన్షన్ స్కీమ్ (యుపిఎస్) కింద ఈ క్రింది అదనపు ప్రయోజనాలను పొందవచ్చు:

ఎ. ఆరు నెలల క్వాలిఫయింగ్ సర్వీస్ పూర్తి చేసిన ప్రతి ఒక్కరికీ చివరిసారిగా తీసుకున్న బేసిక్ పే, డియర్నెస్ అలవెన్స్ లో పదో వంతు మొత్తాన్ని లంప్సమ్ పేమెంట్ (ఒకే సారి) గా చెల్లిస్తారు.

బి. అనుమతించదగిన యుపిఎస్ చెల్లింపు + డియర్నెస్ రిలీఫ్ (డిఆర్) మైనస్ ఎన్పిఎస్ కింద రిప్రజెంటేటివ్ యాన్యుటీ మొత్తం ఆధారంగా నెలవారీ టాప్-అప్ మొత్తాన్ని లెక్కిస్తారు.

సి. వర్తించే పిపిఎఫ్ రేట్ల ప్రకారం సాధారణ వడ్డీతో బకాయిలు.

యుపిఎస్ ప్రయోజనాలను ఈ క్రింది పద్ధతుల ద్వారా క్లెయిమ్ చేయవచ్చు:

*భౌతిక విధానం  – సంబంధిత డిడిఓ (డ్రాయింగ్ అండ్ డిజ్ బర్సింగ్ ఆఫీసర్) ను ప్రత్యక్షంగా కలిసి, సరైన ఫారమ్‌ను సమర్పించడం ద్వారా ప్రక్రియను ప్రారంభించవచ్చు. ఎన్పిఎస్ సభ్యుల కోసం -  ఫారమ్ బి2, చట్టబద్ధమైన జీవిత భాగస్వామి కోసం ఫారమ్ బి4 లేదా బి6 ఫారమ్‌ లను www.npscra.nsdl.co.in/ups.php  వెబ్‌సైట్ నుంచి డౌన్‌లోడ్ చేసుకోవచ్చు:

*ఆన్‌లైన్ విధానం  – www.npscra.nsdl.co.in/ups.php వెబ్‌సైట్‌ను సందర్శించి, ఆన్‌లైన్‌లో ఫారమ్‌ను పూరించవచ్చు.

• లాభాలు పొందడానికి చివరి తేదీ: 30 జూన్ 2025.

మరిన్ని వివరాలకు: వెబినార్ @ https://www.pfrda.org.in/index1.cshtml?lsid=546 లో చేరండి

యుపిఎస్ హెల్ప్ డెస్క్ (టోల్ ఫ్రీ) నెంబరు -18005712930

***