കുറഞ്ഞത് 10 വർഷ യോഗ്യതാ സേവനത്തോടെ 2025 മാര്‍ച്ച് 31-നോ അതിന് മുന്‍പോ വിരമിച്ച കേന്ദ്ര സർക്കാർ എന്‍പിഎസ് വരിക്കാർക്കോ നിയമപരമായി വിവാഹംചെയ്ത ജീവിതപങ്കാളിക്കോ ഏകീകൃത പെൻഷൻ പദ്ധതി ഇതിനകം നേടിയ എന്‍പിഎസ് ആനുകൂല്യങ്ങൾക്ക് പുറമെ (യുപിഎസ്) പ്രകാരം ഇനിപ്പറയുന്ന അധിക ആനുകൂല്യങ്ങൾ നേടാം.  

• യോഗ്യതാ സേവനത്തിന്റെ ഓരോ ആറ് മാസത്തിനും അവസാനം ലഭിച്ച അടിസ്ഥാന ശമ്പളത്തിന്റെയും ക്ഷാമബത്തയുടെയും പത്തിലൊന്ന് ആകെത്തുക  (ഒറ്റത്തവണ) 

• അനുവദനീയ യുപിഎസ് വിഹിതവും  എൻ‌പി‌എസിന് കീഴിലെ ക്ഷാമബത്ത ആശ്വാസധനവും (ഡി‌ആർ) ചേര്‍ന്ന തുകയില്‍നിന്ന് എന്‍പിഎസിന് കീഴിലെ വാര്‍ഷിക പ്രാതിനിധ്യ സംഖ്യ കുറച്ച തുകയുടെ അടിസ്ഥാനത്തില്‍ പ്രതിമാസ ടോപ്പ്-അപ്പ് തുക കണക്കാക്കുന്നു. 

• ബാധകമായ പി‌പി‌എഫ് നിരക്കുകൾ പ്രകാരം സാധാരണ പലിശസഹിതം കുടിശ്ശിക.

യുപിഎസ് ആനുകൂല്യങ്ങൾ ഇനിപ്പറയുന്ന രീതികളിലൂടെ നേടാം:

• നേരിട്ടുള്ള രീതി - ഡിഡിഒയെ സന്ദർശിച്ച് ഫോം സമർപ്പിക്കാം (വരിക്കാർക്ക് ബി 2, നിയമപരമായി വിവാഹംചെയ്ത പങ്കാളിക്ക് ബി4/ബി6 ഫോമുകള്‍). ഈ ഫോമുകള്‍ www.npscra.nsdl.co.in/ups.php എന്ന വെബ്സൈറ്റില്‍നിന്ന് ഡൗണ്‍ലോഡ് ചെയ്യാം. 

• ഓൺലൈൻ രീതി - www.npscra.nsdl.co.in/ups.php  സന്ദർശിച്ച് ഓൺലൈൻ ഫോം പൂരിപ്പിക്കാം.

• ആനുകൂല്യങ്ങൾ നേടാനുള്ള അവസാന തീയതി: 2025 ജൂൺ 30.

കൂടുതൽ വിവരങ്ങൾക്ക്: https://www.pfrda.org.in/index1.cshtml?lsid=546 എന്ന ലിങ്കില്‍ വെബിനാറില്‍ പങ്കുചേരാം. 

യുപിഎസ് ഹെൽപ്പ് ഡെസ്‌ക് (ടോൾ-ഫ്രീ) നമ്പർ -18005712930

*****************