অৱাং-নোংপোক লমদমদা আইন্না য়াদবা দ্রগশিং নারোন্দা পুথোক-পুশিন তৌবা থিংনবা মখা তানা চৎথদুনা, দাইরেক্তোরেত ওফ রেভিন্যু ইন্তিলিজেন্স (দি আর আই) না ১৯ শুবা অসাম রাইফলসগা লোয়ননা, মে ২১, ২০২৫ দা নেসনেল হায়ৱে-৩৭ দা মনিপুরগী নোনেদা ত্রক অমা ফাখি অমসুং ত্রক অদুদগী হিরোইন গ্রাম ৫৬৯ অমসুং মেথামফেতামাইন তেব্লেত গ্রাম ১,০৩৯ ফারে। আইন্না য়াদবা দ্রগশিং হাপ্পা পক্কেতশিং ঙদু ত্রক অদুগী চেসিসতা অখন্ননা শেম্বা কা অমদা লোৎতুনা পুরম্বনি।

অতোপ্পা ওপরেসন অমদা, দি.আর.আইনা অসাম রাইফলস এফ.আই.য়ু য়ুনিত শিলচরগা লোয়ননা, মে ২২, ২০২৫ দা অসামগী হাইলাকান্দি জিলাগী অলোইচেরাদা ত্রফ অমা ফাখি অমসুং মদুদগী হিরোইন গ্রাম ২,৬৪০.৫৩ ফারে।  দ্রগ য়াওবা পেক্কেতশিং অদু ত্রক্কী বেদলোক ফ্লোরদা অখন্ননা শেম্বা কা অমদা লোৎতুনা পুরম্বনি।

ফারবা দ্রগশিং অদু মালেমগী কৈথেলদা চাউরাক্নবা লুপা করোর ২৩.৫ রোম ওইগনি অমসুং দ্রগ অদু এন.দি.পি.এস এক্ত, ১৯৮৫ গী মখাদা ফাবনি অমসুং মীওই মরি ফারে।

চহি অসিগী জনুৱারিদগী দি.আর.আইনা অৱাং-নোংপোক লমদমগী লুপা করোর ১৭৩ রোমগী গঞ্জা, মেথামফেতামাইন তেব্লেতশিং অমসুং হিরোইনশিং ফাখ্রে অমসুং মীওই ২৬ ফাখ্রে।

****